Arpita ne Arvind aur Aparijita ka parichay Nirmala se karate huye Nirmala ki badmaaso se bahaduri se mukabla waala baakya bataya.
Arvind aur Aparijita ne Nirmala ki dil se tarif ki.
Arpita naye ban rahe subcenter ki jaankari dete huye waha ho rahe kaam ke baare me bata rahi thi.
Arpita ne bunglow ke ek hisse me ban rahe ek chhote office ko dikhaya jaha naye agents office set kar rahe the jo Arpita ki vaastavik ohde se naawakif the. Arpita ko naye agents sirf apne reporting officer ke taur par jaante the.
Aparijita basement me huye tabdili ko dekh kar bahut khush hui. Basement ke hisse ko pahle se jayada bara kar diya gaya tha. Basemant upar bane hisse se bahut jayda faila hua tha. Morden technogies se lais complete server room basement me puri tarah se parichaalan me aa chuka tha. Waha ek opertion theater bhi mauzud tha.
Arpita ne basement ke ek hisse me bane kuchh kamre dikhaye jo kisi ko qaid rakhne me kaam aane wale the. Waha kai kamre eise bhi the jo entrogation ke liye specially banaye gaye the. Ek hisse me unka anumination house bhi tha jaha saare latest hatiyaar uplabdh the. Qaidkhane waale kamro ke paas ek conference-hall bhi dikha jiske kuchh chair me haath jakarne ka bandobast tha. In chairs ki mauzudgi aur waha lage instruments bata rahe the ki yaha qaid kisi qaidi se baatchit karne ke liye isse specially banaya gaya hai.
Arpita unhe basement ke garage waale hisse me le gayi. Garage ka shutter usne andar se band kar diya aur ek chhupe button ko dabaya. Button ke dabte hi garage ka ek hissa kisi lift ki tarah niche jaane laga.
Lift basement se ek floor niche jaa kar ruki. Arpita ne unhe bataya fully loaded truck ka bhaar bhi yeh lift utha sakti hai.
Niche waale basement me jayda kamre nahi the. Iska bhaut jyada bhaag khali dikh raha tha. Ek hisse me kuchh sports bike aur kuchh bare-bare boxes rakhe dikh rahe the. Yaha bhi ek confrence haal bana tha jo upar waale se kai guna bara tha.
----------------------------------------------------------------------------------------
Arpita ne Arvind ko Aparijita aur apne kaam ki jaroorat ki cheezo ki ek list thamate huye unhe ekktha karne ko bhej Aparijiita ke saath confrence haal me baith gayi.
"Abhi aas-paas ke logo se baat chal rahi hai jo final stage par pahuch chuki hai. Aas-paas jagah hamare paas aate hi bunglow ke bache hisso aur naye haasil jagah ko mila yaha nursing home se lekar kai tarah ke office khole jaayenge. Yaha se UP ke aalaba Madhya-Pradesh, Chhattisgarh, Jharkhand aur Bihar par aasani se nazar rakhi jaa sakti hai. Waise kuchh mahine baad pura North India ka command center yehi hone waala hai. Delhi ke baad ye dusra sabse bara Sarfarosh ka center banega. Baad me South India me bhi isi tarah ka subcenter banne wala hai. ..." Arpita Aparijita ko Sarfarosh ke future plan ke baare me batate huye uski rai jaanani chahi.
Aparijita ne apechha ke anurup hoi rahe kaam aur bhavisya ke kaam ki rup-rekha par apni rai rakhi jise Arpita ne turant note kar liya.
"Accha sun, maine tere teacher wale kaam ko pura set kar diya hai. Dinesh ke district ka ek local agent aur Saitan Singh mil kar saara kuchh sambhal lenge. Main chahti hoon ki kal subah wo log tumhare saamne yaha se jaye taaki unhe agar kuchh puchhna ho to bejijhak puchh sake. Tu aaj yehi ruk jaa. Mujhe tujhse kai vishayo par baaten karni hai jo abhi hone wali meeting ke wajah se nahi ho payegi." Arpita ne sanjidgi se kaha.
Aparijita ne Ghanshayam ko phone kar kal Dinesh aur usko yaha milne ko kaha.
---------------------------------------------------------
Buglow ke drawing hall me Arvind, Arpita aur Aparijita baithe baaten kar rahe the.
Tabhi 45-50 saal ka gora chitta tandarust khusmijaj dikh rahe local chief ne waha pravesh kiya. Local center ka chief hone ke baawjud Arpita aur Aparijita us se zarurat parne par us se report maang sakti thi.
"Aparijita aur Arvind inse milo. Yeh Dr. Ritesh hai jo yaha ban rahe subcenter ke naye local chief hai. Inhone surgery me desh-videsh me kaafi naam kamaya hai. Inka ek bahut bara hospital Sonbhadra me hai. Desh ki vartmaan haalat ko badalne ki chaahat me inhone Sarfarosh join kiya tha."
Dr. Ritesh ne sabse haste hue haath milaya. Ritesh thore der me hi sabse eise ghul-mil gaya jaise unhe barso se jaanta ho. Arvind thora sakucha raha tha kyuki wo yaha sabse junior tha.
"Are bhai, tum itna sankoch kyu kar rahe ho. Main tumhara chief hoon; iska matlab yeh to nahi ki tumse hans kar baat bhi nahi kar sakta. Kaam me main koi kotaahi bardast nahi karta hoon; par saath me unnecessary apne logo ko tension bhi nahi deta hoon. Sarfarosh me sabhi ek pariwaar ki tarah kaam karte hai tabhi hum safal hote rahe hai. " Ritesh ne Arvind ke kandhe par haath rakhte hue kaha.
Ek ghante tak meeting chalti rahi jisme jayadatar Arvind se hi report talab ki jaati rahi. Ritesh ne Arvind ko kuchh naye kaam saupe aur uski report sidhe Arpita ko karne ka nirdesh de use lautne ko kah diya gaya.
==========================================
Aparijita, Arpita aur Ritesh, Nirmala dwara banayi gayi pakore ka aanand le rahe the. Arpita me Nirmala ka praichay Dr. Ritesh se karaya. Arpita ne Dr. Ritesh ka parichay apne pita ke karibi mitr ke roop me Nirmala ko diya.
"Aapse milke bahut khusi hui. Arpita se aapki himmat aur logo ko madad karne ki aapke zazbe ki bahut taarif suni hai. Mera yaha ek hospital hai. Aap waha har saam ko aao. Main aapko first-aid ke baare me training dilwa dunga aur thori bahut jaankari nursing ka bhi dilwa dunga. Iss training se se aap jaroorat parne par kisi ki aur bhi acchi tarah madad kar paayengi. Rupaiye - paise se to kai log madad karte hain par asli test to tab hota hai jab apna pasina baha kar kisi ki madad karni parti hai. Kya aap taiyar ho?" Ritesh ne Nirmala ki tarif karte hue puchha.
"Main chahti to hoon par mere nahi rahne par madam ko bahut takleef ho jaayegi. Isliye main nahi aa payungi." Nirmala ne sakuchate huye kaha.
"Are tum meri fikar naa karo. Tum uncle ke yaha kal se hi jaana suru kar do. Yaha saam ko waise bhi koi khaash kaam to rahta nahi hai." Arpita ne turant kaha.
Nirmala khuhi-khushi waha se chali gayi.
"Chief ne Saitan Singh ko Sarfarosh ke kaam me aur active role dene ke liye kaha hai. Arpita dwara diye gaye kai chhote-mote kaamo ko usne bakhubi nibhaya hai. Kal ke mamle ko bhi wo dhang se handle kar lega eisi umeed hai." Ritesh ne Arpita ki aur dekhte hue kaha.
Arpita ne Aparijita ko Saitan Singh dwara kiye gaye haal ke kaamo ke baare me bataya.
"Hume Nirmala ki umar ki ek aurat ki jaroorat hai jo jaroorat parne par kisi ke ghar naukarni ya nurse banke jaa sake." Ritesh Niramala ke baare me apne vichaar bata raha tha - "Uska sansaar me koi nahi hai. Wo nidar hai aur dusro ke madad ke liye jaan par khel jaati hai. Main dheere-dheere use Sarfarosh ke rang me dhaalne ki kosis karunga."
-------------------------------------------------------------------
5 minutes baad.
Ajay Rai se video conferencing ke jariye sabki baat ho rahi thi.
Arpita aur Ritesh ko Ajay ne saath mil kar iss local center ko functional banane ki jimmedaari saupa. Aparijita ki main focus point Premnagar mission tha, par use samay-samay par subcenter ke kaamo me bhi help karne ka nirdesh diya gaya.
Takriban 2 ghante tak meeting chali jisme Ajay ne Arpita aur Ritesh ki kai dusre agents se video confrencing ke jariye baat karwaayi. Aparijita agents ki online meeting ke dauran online hidden hote huye sabki baaten observe kar rahi thi.
Ajay Rai se meeting khatam hone ke baad Arpita ne sabko coffeemaker se coffee bana ke serve karte huye computer se jure ek touch-screen par India ka map dikhate huye baat kar rahi thi.
Arpita screen par map ko chhota-bara karke un jagho ke baare me bata rahi thi jaha Sarfarosh ke members dikhaba ke liye koi aur kaam kar rahe the. Oat waale offices me courier service se lekar resturant tak the. Screen par sabhi jagahe ek chamkile taare ke rrop me dikh rahe the.
Agle 90 minutes tak vichaar-vimarash chalta raha. Kuchh jagaho ko mark kiya gaya jaha ke purane agents ko promote karke unke under kuchh naye agents diye jaane the. Cover ke liye jin business ko chalaya jaa raha tha unme se kuchh ko aur jayada logo ke oat ke liye phailane ka bhi nirnay liya gaya.
Dinesh ke maasterji ko help karne ke bahane ek company sthapit kar logo se auto, car aur truck lease par leke unhe kuchh khas-khas illake me chalwaane ka sujhaab Arpita ne diya. Iss se Sarfarosh ke apne members, khabariyu aur dusre kaam ke logo ko rojgaar aur cover dono mil sakta tha.
Arpita ka sujhab turant maan liya gaya.
==========================================
No comments:
Post a Comment