Raat 10 baje Aparijita Arpita ko kal aur aaj kheeche gaye snaps dikhate huye baat kar rahi thi.
Aparijita ne Arpita ko aaj ke audio recording bhi sunai .
Dono ne Sarfarosh ke server me tantrik ke baare me jaankari dhundhi; par tantrik ke aalaba us se jure kisi ka bhi jikar nahi tha. Tantrik se juri jaankari bhi bahoot kam thi.
Report ke anussar tantrik ka aashram Sonbhadra me hi ek ekaant jagah par tha. Ashram me aam logo ke liye kuchh khas samay ko chhor kar pravesh nishedh tha. Aashram ka kharch aashram ke zameeno par lagaye gaye phalo ke baago ki aamdani se hota tha. Aashram me desh aur videsh se tantra sikhne purush aur mahila shisyo ke aane ka jikra tha.
Tantrik ka naam tak iss report me nahi tha jo yeh batane ke liye kafi tha ki tantrik ne abhi tak eisa kuchh nahi kya tha jis se uspar Sarfarosh ka focus banta. Arpita ne Shera aur Raju ke baare me bhi database search kiya tha; par koi jaankari nahi mili.
Aparijita ne tantrik ke badan par gude mantra ka jikra Arpita se kiya.
"Chal mantra bata" kah kar Arpita mantra note karne lagi.
Mantra note karne ke baad unhone usko web par search kiya jiska koi natija nahi nikala. Tabhi Arpita ko ek lady researcher ki yaad aayi, usne 1-2 din me us se consult kar mantra ki aur jaankari prapt karne ka pryaash ka vaada Aparijita ko kiya.
====================================
Breakfast ke baad Arpita aur Aparijita ne Saitan singh ko bula kar aaj ke kaam ke baare me detail me bataya.
9 baje Ghanshyam aur Dinesh saadi dress me waha pahunche.
Arpita aur Aparijita ne Ghanshyam aur Dinesh ko Saitan Singh ko aage rakh kar baat karne ke liye kaha. Un teeno se kal ek aur banda milne waala tha jo unke pichhe se saara kaam waha ka sara kaam sambhalne wala tha.
Ghanshyam, Dinesh aur Saitan Singh ke nikalte hi Sarfarosh ke IT team ke experts aa gaye the.
Arpita ne unka parichay Aparijita se karwaya.
Kal kaafi saaman aaya tha jiske madad se experts ne 2 baje tak ek temporary office set up kar diya jo kal saam tak sthayi roop se parichalan me aane waala tha.
Lunch karne ke baad Arpita Aparijita ko XUV me Preamnagar chhorne chal pari. Aaj raat Arpita ka Premanagar rukne ka irrada tha. Raaste me ruk kar Arvind se unhone bike le XUV uske yaha hi chhor di.
Arpita ko Aparijita ne apne quarter me chhor kar thaane chali aayi. Aparijita ne Harilal ko apne cabin me bula kar ab tak ki report lete huye use batay ki use spy-gadgets mil gaya hai.
Aparijita takriban 2 ghante thaane me bita apne quarter aayi. Arpita iss bich Sarfarosh ke baaki members ke saath baat karke kal ki meeting me tai hui baato par amal karne ko kah chuki thi.
Aparijita ke aate hi wo uth khari hui aur dono phir ek baar bike par nikal pari.
Bike ki disa paharinuma chabutre ki aur tha. Arpita ne kandhe par ek bag utha rakha tha jisme Aparijita dwara mangayi gayi cheeze thi.
Aparijita ne Arpita ko us illake ki aur issara kiya jaha se rosni footati dikhi thi. Arpita ne bag se surveillance drone nikala jo microdrone category me aata tha. Iss drone me night vison capacity bhi thi aur use smartphone ya tablet ke jariye 15 km ke radius me control kar istemaal me laya jaa sakta tha. Iska power backup accha tha jiske karan isse continously 6 ghante tak uaraya jaa sakta tha.
Unhone drone ko marked area me chhor diya.
Drone teji se apne destination ki aur chal para.
Drone video recording ke saath- saath live footage bhi lagataar bhejta jaa raha tha.
Drone dwara bheji jaa rahi video footage kaafi clear the.
Sarfarosh dwara istemaal kiye jaa rahe drones me se yeh done sabse nayi peedhi ka tha. Abhi tak drone ke iss series ka Sarfarosh ke kisi mission me istemal nahi hua tha.
Drone ko iss tarah se design kiya gaya tha ki wo upar urta hua koi bara sa giddh (Himalayan Vulture ) panchhi ki tarah dikhta tha.
Jungle ke andar kuchh kilometer jaane ke baad jungle kaafi ghana hota chala gaya tha. Jungle ke bare per upar jaakar phail jaane ke karan aapas me ek dusre ke kaafi karib aa gaye the. Isliye tej urte drone se koi khaas madad nahi mil rahi thi.
Aparijita ne drone ko jungle ke andar se bahne wali nadi ki aur mor diya.
Nadi me kisi tarah ke hulchul nahi thi aur naa hi dur-dur tak koi nazar aa raha tha.
Aparijita drone ko nadi ke bicho-bich paani se sirf 8 feet ke uchayi par laa uski speed kam kar di.
Arpita aur Aparijita drone ke chaaro taraf ke camere se aati footage dekhne lagi.
Nadi ka paani jo kai jharno se mil kar bana tha; itna saaf tha ki nadi ke tali ke kankar tak saaf dikh rahe the.
Nadi 10-12 feet se jayada gahri nahi thi. Nadi me kuchh kachhuye tairte dikh rahe the.
Drone kuchh aage badha to usne rang-birabgi machhliyu ke kuchh jhund ki footage bheji. Yeh drisya itna khubsurat tha ki Arpita ne drone ki speed thori aur kam kar di taaki is naazare ko der tak dekha jaa sake.
Aparijita ne drone ko dakshin disha me bhej diya. Kuchh dur tak jungle ke area ko paar karne ke baad drone iss taraf se bahne wali nadi ke upar ud raha tha.
Drone ke kucch aage badhne par dur se Dadauli gaun dikhne laga. Aparijita ne drone ko unchai par utha diya. Drone ab unke saamne Dadauli ka nazara dikha raha tha.
Aaj tak Aparijita Dadauli ke andar tak nahi gayi thi. Dadauli me pakke makan kam dikh rahe the.
Dadauli ke har ghar ke saath ek chhota sa bagaan(garden) zaroor tha. Iske saath hi saath har ghar me kuchh mavesi bhi dikh rahe the jo Dadauli ke logo ke prakriti-prem ko darsha rahe the.
Aparijita drone ko dheemi speed me Dadauli ke upar uraati rahi.
Drone ab jungle se sate Dadauli ke hiiso ke upar se ur raha tha. Tabhi kuchh Aparijita ko dikha.
Aparijita drone ko ek jagah rok kar wahi par halke-halke chakkar lagwaane lagi.
Neeche ek budha bargad ka per dikh raha tha jiski jatayo ke bich kisi gramin-devta ka chatt-vihin mandir bana tha.
Mandir ke aas-paas kuchh aurte aur unke saath jungle ke kuchh hiran(deer) bhi dikh rahe the.
Hiran(deer ) bekauf aurto ke haath se patte kha rahe the. In aurto ke chehre par wo santusti dikhayi de rahi thi jo kisi maa ko apne bachho ko khilate waqt hota hai. Saare vatavaran me mamta aur sneh ki aabha phaili hui thi.
Arpita aur Aparijita dono iss drisya ko mantarmungdh ho kar dekh rahi thi.
Thori der baad Arpita aur Aparijita ko hosh aaya aur dono ek-dusre ko dekh kar muskura pari.
Iske baad Aprijita ne Drone ka mukh pahle Abhaipur aur phir aage Phulpur ki aur kar diya.
Sarsari taur par dono gaun ka muyana karke drone ko vapas bula liya gaya tha.
Drone ko vapas utaarne se bas kuchh pal hi pahle Aparijita ne use Chaila ki aur mor diya. Aparijita ne kuchh der tak Chaila me ho rahi gatividhi dekh kar drone ko vapas lauta liya.
Arpita aur Aparijita ne kal subah aakar drone ko khaas ek hi illake me kafi dheemi gati me bhejne ka nischay kiya jo ki Sunday ka din tha.
Tantrik dusre din subah hi Chaila aane wala tha. Uske aane se pahle hi Aparijita waha ki baaten jaanne ke liye kuchh bandobast kar lena chahti thi.
No comments:
Post a Comment