Gayatri Fashion

Friday Subah 10 baje.

Aparijita ne Harilal aur Japu dwara kal Abhaipur me encounter se related chhanbin ki detail report li. Unke jaane ke baad usne baaki staff ko ek-ek karke bula kar unse kal ki muthbher ke baare me unke apne vichaar aur unse milne wale gaonwaalo  ke vichar sune.

Baaki staff se nipatne ke baad Aparijita ne Ghanshyam ko bulaya.  

"Madam didi ! Mukhbiro se mile suchna ke anusaar bhi en apraadhiyo ko iss se pahle kabhi yaha nahi dekha gaya tha. Unke anusaar kisi bhi gaun me kisi ko iss tarah ke bardaat ka andesa bhi nahi tha. Haan ek mukhbir ne bataya ki us se Sonbhadra ke ek bande ne baato ke dauran Abhaipur ke baare me baat karte hue kuchh logo ke baare me bataya tha. Use dekhte hi wo log chup ho gaye the.  Sonbhadra wala banda kanhi bahar gaya hua hai aur aaj saam tak lautne ki umeed hai. Mujhse raat me ya kal subah wo mukhbir apne bande se baat kar report dega. "

 "Theek hai. Tum use mare apradhiyo ki tasweero ka print nikal kar de do. Use batao ki agar uski khabar kaam ke kaabil lagi  to use alag se 10,000 ka inaam diya jayega. Us se baat karke use Sonbhadra jaake us bande se milne ko raaji karo taaki wo us bande se baat karke sara detail leke aaye. Hume iss ghatna ke mastermind ko pakrna hi hoga." 

Aparijita ki baato par haami bharta Ghanshyam waha se nikal gaya. Ghanshyam jis mukhbir ki baat kar raha tha use mukhbir ke taur par Ghanshyam ke aalaba koi aur nahi jaanta tha. Ghanshyam ne use phone karke thane ke bahar milne ko bulaya.

Aadhe ghante baad mukhbir ki Ghanshyam se thane se thori dur par baat ho rahi thi. Ghanshyam ne use printout dete hue Aparijita ke offer ke baare me batate huye  use Sonbhadra jaane ke raaji kar liya. 

Ghanshyam ne mukhbir ko Sonbhadra aane-jaane ke liye rakam dene ke liye bhi peskas ki jise use vinarmta se thukra diya.  Ghanshyam ne pichhale saal us mukhbir ko Sonbhadra me ek jhute case me phasne se bachaya tha. 

"Sahab, Main ab mukhbiri nahi karta hoon. Aapka mere upar ahsaan hai. Mujhe baad me pata chal gaya tha ki aapne bahoot bhaag-daur karke mujhe us jhute case se bachaya tha. Us dauran aapke hi wajah se mere pariwaar ko yaha ke thanedaar ne paresaan nahi kiya tha.  Un harami badmaaso ne aap par jaan se hamla kiya tha to mera farz hai ki main aapko us kaand me saamil logo ki suchana du. Mujhe koi inaam bhi nahi chahiye. "

Mukhbir Ghanshyam ko kal saam tak khabar dene ko kah kar chala gaya. Mukbhir se mil kar lautate huye Ghanshyam ke aankho ke saamne se purani ghatna kisi moviue reel ki tarah gujarti chali gai.

Us mukbhir ki patni ne mukbhir ke jhoothe case me giraftaari ke baad  Ghanshyam se madad ki guhar ki thi. Tab Ghanshyam ne Sonbhadra me apne parichit policewaalo ki madad se pure waakye ki khabar li thi.  Aur jab use pata chala ki mukhbir ko jhuta phasaya jaa raha hai to usne kaafi prayash karke mukbhir ko us case se bahar nikalwaya tha. Iss dauarn usne uske pariwaar ki aarthik madad bhi ki thi. Premnagar ke pichhle thanedaar ko bhi usne bekaar me mukhbir ke pariwaar ko naa tang karne ko mana liya tha.

----------------------------------------------------------------------------------------

11 baje Aparijita thane ki ek bike par Abhaipur ki aur jaa rahi thi. Usne aaj puri vardi pahan rakhi thi. Saath me hi thane ki hi dusri bike par Japu aur Harilal the. 

15 minute ke andar hi wo log Abbas ke godaam ke paas khare the. Godaam ke gate ke upar "Gaytri Fashions" ka board laga tha.  Naam ke saath hi ek bahut pyara sa logo laga tha jisme G aur F kafi sundar tarike se banaya gaya tha. 

Godaam me unhe budha munim mila jo wha kaam kar rahe mazdooro se baaten kar raha tha. Aparijita ko munim bhala insaan laga tha. Aaj usne dekha ki jab mazdooro ne  use chacha kahte hue kal ke baare kuchh mazak bhi kiya to usne use lekar koi issue naa bana hasta hua unhe batata raha ki kaise wo kal golibaari ke dauran jaan ab gayi tab gayi soch raha tha. Uske baat khatam hote hi jor ka thahaka gunja jisme uski hansi bhi saamil thi. 

Budha munim mazdooro ko wapas kaam par lagne ko kah kar mura hi tha ki use teeno policewaale dikh pare. Wo turant hi unke taraf lapka.

Aparijita thori der tak us se kal ki vaardat ki jagah dekhte hue baat karti rahi.  Waha kaam kar rahe mazdooro se bhi ek-ek karke usne pucch-taachh ki.

Saare mazdooro se puchh-taachh ke baad Aparijita ne munim ko tailoring ke kaam jaha ho raha tha waha le chalne ko kaha.

Munim ne bataya ki wo jagah gaun me thora aur andar ki taraf hai. Munim ne andar se ek cycle nikali aur unhe apne picche aane ke liye kahne laga. Aparijita ne use Harilal ke pichhe bike par baith kar unhe jaldi le jaane ke liye kaha. 

Gaun ke andar kuchh dur jaane ke baad ek  bara sa 2 manzila makan dikh para. Makan ke bahar "Gayatri Fashion" ka bara sa board laga tha.

Makan ke andar jaane par niche ek bara sa haal mila jisme takriban 40-50 larkiya aur aurate kaam kar rahi thi. Aparijita ko dekhte hi unme kaana-phushi suru ho gayi.  Unme se kai to baat karne ko bhi utsuk dikhi par munim ne aankho ke issare se unhe mana kar diya. Upar ka hissa bhi niche ke haal jaisa hi tha jisme 2-3 lakri ke cabin bane hue the. Upar bhi 30-35  larkiya aur aurate kaam kar rahi thi.
Dono haals me kataar se silayi machine lagyi hui thi aur saath hi kuchh tables bhi lagi hui  thi jinke upar kahi kapre pare the, to kanhi press karne ka intazaam tha.  Aparijita ne niche waale haal ke ek hisse me khana khane ke liye intazaam dekha tha jaha 2 TV bhi lage the. Thori  doori par  4-5 toilets bhi bane the.  Aparijita ne umeed nahi ki thi Abbas apne staff ka itna khayal rakhta hoga.  

Aparijita ne upar Abbas ke cabin ko ek baar sarsari nigaah se dekha jaha 2 auroto ki tasweere lagi hui thi, unke niche 2 bahoot hi manmohak sugandh waali agarbatti jal rahi thi. Cabin me ek taraf ek bara sa book-self rakha tha jo fashion magazine se ata para tha.

 Aparijita iss cabin ke paas waale bare cabin me baith gayi jiske darwaaje par meeting-room likha tha.  

Aparijita ne munim ko saare workers ki list banane ke liye kal hi bol diya tha. Aparijita ke uske baare me puchhate hi munim ne apni jeb se nikal kar ek bara sa kagaj ka tukra use diya. Munim ke anusaar 2 aurato ko chhor kar saari aurate kaam par aayi hui thi.  

Aparijita ne munim ko ek-ek kar waha kaam karne aayi saari aurato aur larkiyo ko bhejne ko kaha. Aparijita takriban 2-2.5 ghante unse baat karti rahi.  Sabne Abbas ki kaafi taarif ki thi. Kuchh to use bhaiya kah kar bhi bula rahi thi. 

Sharma aur Vermaji ki larkiyo se to Aparijita kal hi mil chuki thi. Kal to dono hadse ki wajah se sahmi-sahmi si thi par aaj wo normal lag rahi thi. Unse baat karne par Aparijita ne jaana ki wo dono graduate hain aur Abbas ko wo dono bachpan se hi rakhi baandhti aayi hain. Abbas ne unki padhayi me bhi madad ki thi. Garduation ke dauarn jab unlogo ne fashion technology ka  kaam sikhne ki ichha jaahir ki to Abbas ne isme bhi kaafi madad ki aur Sonbahdra ke sabse naami institute me unka admission karwa diya tha aur kanhi se pairawi lagwa kar unki fees bhi maaf karwa di thi.  

In larkiyo ke jaane ke baad Aparijita ne munim ko bula kar unke baare me puchha. Munim ke anusaar Abbas ki in dono rakhi bahno ne sagi bahan ki tarah Abbas ko payar aur samman diya hai. Abaas aur in 2 larkiyo ki hi mehnat ka natija tha ki aaj iss chhote gaun me Mumbai aur dusre jagaho se orders aa rahe hai. 

Abbas ne rakhi bahno ko aadhe-aadhe staff ko manage karne ka kaam de rakha tha. Aajkal Abbas ka kaam orders laane ke liye bhaag-daur karna aur orders mil jaane ke baad un orders ke baare me apni bahno ko shamjhana rah gaya tha. Yaha ka saara kaam uski rakhi bahno ne sambhal liya tha.  Abbas yaha se thora nischint hote hi orders lene ke liye dur-dur tak jaane laga tha aur jiske karan uske paas kaafi orders aane lage the.

Munim ne aage bataya ki Abbas ko idhar kuchh mahino me Mumbai aur dusre jagah ke orders se kaafi fayda hua tha. Abbas ne pichhle hi mahine apne sabhi staff ko gifts aur rupaiye dekar apne satff ke saath isse saajha kiya tha. 

Munim ke anusaar sayad kisi ne socha hoga ki agar yeh dono larkiya naa rahe to Abbas ka kaam manda ho jayega aur isi liye saath taiyar maal ke saath-saath un sabki apharan ki kosis ki gayi thi.
Aparijita ne munim ki rai par kuchh bhi nahi kaha.  

Abbas kucch kapre lekar unko cutting karne apne ekaant me bane  bunglow me gaya tha. Bikul naye tarah ke  design ke kapre ya to Abbas kaatata tha ya uski rakhi bahne. Abbas apne free hone ki baat kah kar wo kapre aaj apne saath le gaya tha. 

Munim ko bula kar Aparijita ne use Japu aur Harilal ke saath un mahilayo ka statement dilwaane  ko kaha jo ghar se Abbas ke liye kaam karti thi. Japu aur Harilal ko usne yaha se un mahilayo ka bayan lene ke baad sidhe thane jaane ko kah khud Abbas ke bunglow ki taraf chal pari.  

----------------------------------------------------------------------------------

Darwaje par knock hone ke 2 minut baad Abbas ne darwaja khola aur apne saamne Aparijita ko dekh kar chaunk para.  

"Are madam !!  Aapne kyu takleef ki ? Mujhe bola liya hota to main hi thane aa jata." Abbas ne andar aane ke liye Aparijita ko jagah dete hue kaha. 

Bunglow me ghuste hi saamne ek khubsurati se design kiya hua drawingroom cum diningroom tha.  Waha karine se sofa lage hue the. Sofa ke paas ek table par cutting kiye hue kapre aur us se related material rakhe dikh rahe the.

"Kal dhang se saari baat nahi ho paayi thi. Mujhe kuchh aur detail me baat karni hai. kal ki baardat ke aalaba bhi kai baaten hai jo main akele me hi puchhna chahti thi." Aparijita ne ek single sofe par baithte hue kaha.

Abbas ne kapro se bhare table ko side me kiya aur Aparijita ke paas ke bare sofe par baith gaya.

"Madam, aapne  mere taiyar maal ko aasani se bagair thane ke chakkar lagwaye mujhe lauta  diya. Aapke jagah koi dusra thanedaar hota to apne maal ko chhurane me mere jute ghis jaate aur tab bhi bagair riswat ke main unhe chhura nahi pata. Aapne meri bahno ko bacha kar mujh par bahoot bara upkaar kiya hai."   Abbas ke sabdo se sachha aabhar dikh raha tha. 

"Are Abbas bhai! Aap bhi kaisi baaten karte hai.  Jis tarah aapne Abhaipur ki mahilayo ko kaam sikha kar unhe apne pairo par khara karwaya, us se naa sirf unhe rojgaar mila balki unke gahro ki maali halat bhi acchi hui hai. Iss wajah se aapki taarif to sara Premnagar thana karta hai . Aur eise aadmi ke prati hamara bhi to kuchh farz banta hai."

Har insaan ki chahat hoti hai koi uske kaamo ki log taarif kare. 

Aparijita ne insaan ki isi rag par haath rakha tha. Iske aalaba bhi Aparijita ke dil me Abbas ke liye uske workers se uske baare me jaan kar ek jagah ban gayi thi. Abbas ke tailoring house me kaam karnewaali mahilayo ne use bataya tha ki Abbas ne din raat ek karke unhe kaam sikhaya aur ek baar kaam sikh jaane ke baad unko jo salary Abbas ne Abhaipur me diya wo Sobhadra me koi nahi deta hai . Jabki wo jaanta tha ki abhi mil rahi salary se aadhi par bhi waha ki aurate khushi-khushi kaam karti kyuki yaha unhe ghar sambhalne me bhi koi dikkat nahi ho rahi thi.

Abbas ke baare me Aparijita ne jitna sabse pahli waali report se jana tha aur baad me thane me suna tha; uske baad jab usne saare workers se baat ki to use laga ki Abbas ne jo josh aur junon dikhaya hai wo sirf rupaiye kamane ke liye nahi ho sakta tha. 

Aparijita ne filhaal uske baare me thore der baad baat karna thik samjha. 

"Abbas bhai, hamari jaanch-partaal me pata chala hai ki kal maare gaye sabhi badmaas  aapas me ek-dusre se kuchh hi din pahle mile the. Iske pahle wo ek-dusre se bilkul anjaan the. Yaha tak ki  5 din pahle tak inhe ekktha tak nahi dekha gaya tha.  Yeh saare badmaas 10 din pahle tak UP ke alag-alag jail me band the. Hume abhi yeh to nahi pata ki wo log  issi kaam ke liye ikkathha hue the ya phir kisi aur kaam ke karne ke waiting period me yeh kaam utha liya tha.  ....  ... " 

Aparijita bahoot hi sanjidgi se Abbas ko kal ka encounter ki pechadgi se baakif kara rahi thi.  Kal police head-quarter se mile reports aur aaj Abbas ke tailoring house me ki gayi chhanbin se  Aparijita ko 1-2 logo par shaq to tha par jab tak unse link karta koi aur saboot nahi mil jaata, tab tak Aparijita use apne tak hi simit rakhne ka soch chuki thi.

Abbas bhi bahoot sanjidgi se Aparijita ki baate sun raha tha.  Jaise-jaise Aparijita point dar point apni baat rakhti jaa rahi thi Abbas un baato se sahmat hota jaa raha tha. Abbas ke sar bagair uske jaane sahmati me hil raha tha. 

"Abbas bhai,  Ab to aap samjah gaye honge ki case kitna uljha hua hai.  Aapke madad ke bina yeh solve nahi ho payega aur saath me iss tarah ki baardat ka khatra bhi bana rahega."  

"Main samjhta hoon madam. Aapko jo bhi puchhna hai wo aap puchhiye;   main apne jaante puri kosis karunga ki aapko sahi jaankari doon taaki iss tarah ki ghatna phir naa ho. " Abbas zaldi se bol para.

Aparijita us se kaafi der tak kal ki ghatna ke pahle aur baad Abhaipur me logo ka reaction aur ghatnao ke baare me puchh-taachha karti rahi . Abbas se Aparijita  ne us ghatna ke baad us se milne aaye ya phone par baat karne waalo ke baare me bhi jaankari li.   

Kal ke Abbas aur aaj ke Abbas me kaafi antar tha. Kal jaha wo thora jyada chintit aur nervous lag raha tha wahi aaj wo bahoot relax dikh raha tha. Kal Abbas se baat karne ke dauran hi Aparijita ne samajh liya tha ki Abbas se aur koi kaam ki baat pata nahi chalegi; par jab wo thora relax ho jayega tab sayad wo kuchh aur kaam ki baat bata sake. 

Yehi sach bhi saabit hua tha. Abbas uska maal sahi salaamat mil jaane ke karan aaj relax tha. Usme sone par suhaga jaisa kaam yeh hua tha ki uski buying party ne kal ki ghatna ko janane ke baad khud hi aakar maal le jaane ko offer diya tha. Halaki Abbas ne khud hi saam tak maal pahuchane ki baat kahi thi jise party ne narmta se mana kar diya tha. 

Aaj subah 9 baje Abbas saara maal buying party dwara bheje gaye truck me load karwa kar apne iss bulglow par aaya tha. Party naa sirf uske transportation ke jhamele se bachaya tha balki nagad payment bhi de gayi thi.  Abbas ki buying party uske tailoring house ke management aur waha ke kuchh workers se baat karke bahoot prabhabit hui thi aur jaate-jaate wo pahle se  bhi bara ek naya order de gayi thi.

Abbas ne Aparijita ke har swal ka imandaari se zabab diya.  Abbas ki baato se Aparijita ke dimaag me kal ki ghatna ko lekar jo uski rai bani thi wo aur pukhta ho gayi thi.  

Harphanmaula Aparijita

Ghanshyam aur Suresh ke aankho ne jo dekha; us par unko viswaas nahi hua ki kanhi wo sapna to nahi dekh rahe hain. 

Achanak hi unhe sarak ke kinare ke ek pagdandi se aati Aparijita ki cycle dikhayi di. Sumo ab tak waha tak nahi pahunchi thi.

Jaisi hi Aparijita ki cycle sarak par pahunchi hi, Suno bhi waha pahunch gayi. 

Sport cycle lakh acchi kyu na ho Sumo ki speed ke maamle me mukabla nahi kar sakti thi. 

Ghanshyam aur Suresh ke dekhte- dekhte Aparijita chalti cycle ke seat par khari ho gayi . 

Jaise hi Sumo Aparijita ke paas se gujari wo chhalang laga kar uske chhat par kud pari. 

Nahar ab bas 300 meter ki duri par tha. 

Sarak nahar ke paas 30 degree ke angle par muri hui thi. 

Sumo sidhi bhaagi jaa rahi thi.  Agar Sumo ko roka nahi jaata to wo sidhe nahar me samane waali thi.
Nahar ke paas railing ko contract lene ke liye kuchh mahine pahle Dhanraj se jure ek thekedaar ne turwa di thi. Kisi wajah se wo contract abhi tak paas nahi hua tha. Abhi haal me hui baarish ke wajah se nahar  me kaafi paani tha.

Sumo me luggage rakhne ke liye chhat par ek roof rack laga tha. Chand seconds me hi Aparijita use pakre hue driver ki taraf waali khirki ki or latk driver ki taraf ka darwaaja khol diya. 

Ab tak nahar aur Sumo ke nich sirf 100 meter ki duri bachi thi.

Ghanshyam aur Suresh ke haath neeli chhatri wale se madad magne ke liye prathana ki sakal me mure. Wo us se koi karisma dikhane ki fariyaad kar rahe the kyuki ab koi karisma hi sumo me band logo ko bacha sakta tha. 

Tabhi karisma hua. 

Ghanshyam aur Suresh ne dekha ki Aparijita ne sumo se driver ki seat par baithe apradhi ko darwaaje se bahar phek diya. 

Agle hi pal Aparijita driver ki seat me ghusti dikhi.

Driver ke seat par baithte hi Aparijita ko jo dikha usne uske buri tarah chauka diya.

==========================================

Nahar ke pool par ek chhota truck lohe ki sariya laade khara tha jis se lohe ke sariye kai feet bahar nikale hujye the. Iss halat me Sumo ko pool ki taraf nahi mura jaa sakta tha. 

Yaha sarak ke dono aur nahar ka paani store rakhne ke liye 2 bare taalab sa banaya gaya tha jisme nahar se bhi jayada paani iss waqt bhara hua tha. 

Aparijita ne second me hi saara phaisala kar brake par maano khari ho gayi. Pure vatabaran me brake ki chichiyahat sunai di. 

Tej bhaagti Sumo nahar ke railing ke antim chhor par aakar ruki. 

Aparijita ne utar kar Sumo ki haalat dekhi. 

Agar Sumo 2 inch baad rukti to nahar me gote laga rahi hoti.    

Aparijita ne Sumo ke bich wale seats par nazar daali to use koi nazar nahi aaya. Aparijita  ghum kar pichhe ki aur gayi aur picche ka darwaja khola. 

Sumo ke picchle hisse me thus-thus kar kapre ke bundle bhare gaye the aur wahi haath-pair bandhe 2 jawan larkiya aur ek  buddha dikhayi pare. Unke munh bhi bandhe pare the. Unke upar bhi kapre daale gaye the jiske kaaran wo baahar se nazar nahi aa rahe the. 

Aparijita ne ek ek kar ke sabko bahar nikala. 

Qaid se rehai milte hi unki aankho me khusi ke aanso chamak uthe. 

Tabhi waha 3 bikes aake ruki. 

---------------------------------------------

2 bikes thane se aayi ki thi jinpar poolicewaalo ke saath abbas bhi aaya tha.  Abbas wala bike par Ghanshyam aur Suresh aaye the. 

Abbas wala bike Suresh chala kar laya tha. Ghanshyam ke haanto me rumaal bandha tha jo ki khun se lathpath tha. 

Abbas ko dekhte hi dono larkiya bhaijaan bolte hue uski or lapki aur uske gale lag kar rone lagi. Unke saath-saath Abbas bhi ro raha tha. Un sabko rota dekh kar buddha munim bhi apne aanso nahi rok paaya aur wo bhi unke saath rone laga. 

Aparijita ne rote Abbas aur uske saathiyo ko akela chhor apne saathiyo ke baare me khoj-khabar lene lagi. 

Ghanshyam aur Qadir ko turant doctor ke paas le jaane ke liye ek police bike rawana kar di gayi. Suresh ko bhi sarak par kuchh dur tak khistane ke karan kuchh kharoche aayi thi par wo abhi wahi rukna chahta tha. 

Tabhi ek bike par Japu, Amit aur Arjun bhi Japu ke bike par waha pahunche.  Unke 5 minute ke baad Gopu bhi ek bike par waha aa pahuncha.

Gopu ko bhi muthbher ki suchna mili thi. Wo turant hi daurta hua thane me pahuncha tha. 

Gopu ne hi Japu ko phone karke muthbher waali jagah pahunchane ko kaha tha. Usne jab suna ki Aparijita ko iss baat ki khabar der se mili to use Harilal par bahoot gussa aaya ki usne Qadir ki baat par viswaas kar liya aur apne taur par koi prayash nahi kiya.

Japu ne Aparijita se mile rupaiyo (Kalicharan waale) se chand din pahle hi ek nayi bike kharidi thi. Japu ke team ke paas iss waqt Jaaga wale chhote aur kaafi saktisaali hatiyaar the. Iss muthbher waali jagah ke sabse paas Japu tha. Isliye Harilal ko sabse pahle use khabar karna chahiye tha. Harilal nervous ho gaya tha aur muthbher waale matter ko dhang se handle kar paane me kuchh had tak naakam raha tha. 

Gopu ne Harilal ko kuchh bhi nahi bol Japu ko phone laga ke Phulpur ke paas waali nahar ki or jaane ke liye kaha tha. Use baakhubi pata tha ki jis taraf se apraadhi bhaag rahe hai unhe Phulpur ka pool paar karna hi parega . Usne Japu ko Qadir aur Kishore se contact me rahne ko kaha tha. Wo jaanta tha ki Ghanshyam iss tarah ke mamle me Suresh ko apne saath aage rakhega. Gopu ne phone karke raat ke duty waale staff ko bhi paristhithi ki gambhirta batate hue thane aane ko kah chuka tha.

Thane me iss waqt koi bike nahi thi. Issi dauran thane me ek banda bike lekar apne paasport ke verification ke liye aaya hua tha. Gopu ne us se uski bike maangi or Rohit ko lekar nahar ke liye chal para tha.

Aparijita ko Gopu ko waha dekh kar sukhad aascharya hua.

Japu ne  iske pahle use bata diya tha ki Gopu ne use yaha pahunchane ke liye kaha tha. Aparijita ke puchhane par Gopu ne bataya ki usne raat baale staff ko bhi bula bheja hai. 

Gopu ne ek baar bhi Harilal ki sikayat nahi ki balki usne bataya ki Harilal kaka Japu ko phone karne hi waale the ki usne waha pahunch kar phone kar diya. Aparijita ke tej dimaag se Harilal ki naakami chhupi nahi rahi thi. 

Abbas apne saathiyo se gale mil kar bahoot roya. Kucch der baad uski car lekar uska ek assitant waha pahuncha. 

Abbas apne saathiyo ko zald se zald iss jagah se dur le jaana chahta tha. Wo Aaparijita ke paas iss baat ki izzazat maagne pahucha.

Tabhi Abbas ki najar Sumo ke agle tyres par pari. Wo yeh soch kar hi kaanp utha ki ek second ki der bhi uske haanth-paau bandhe saathiyo ko sartiya maut de sakti thi. Wo policewaalo ka sukriya adaa kar hi raha tha ki Suresh ne use bataya ki kaise unki madam didi ne apni jaan par khel kar Sumo ko nahar me girne se roka hai. 

Aparijita ne Abbas aur uske saathiyo ko halki pucch-taachh ke baad saam ko thane aake detail me saari baaten batane ke hidayat dekar jaane ko kaha.  Usne Abbas ko aaswat kiya ki uska maal jo apradhiyo ke Sumo aur metador se baramad hua hai wo bhi use aasani se kagaji karyawaahi ke baad mil jaayegi.  Aparijita ne maangi gayi bike ke saath Suresh ko ek police waale ke saath doctor ke paas se hote hue thane jaane ko kaha. 

Takriban 2  ghante ke baad police team apne saath Sumo aur mare apradhiyo ko lekar thane ki aur chal pari. 

Police jeep ka tyre ab tak change kar diya gaya tha. Metador ko bhi seedha kar liya gaya tha jisme se kaafi maatra me fashion dresses mili thi.  Sabko police jeep me kisi tarah se thoos kar thane laaya gaya tha.

Aparijita ki cycle sahi salamat thi. Jab Aparijita ne cycle se Sumo par chhalang lagayi thi tab cycle ko usne sarak  ke kinare ki aur pair ke jhatke se dhakel diya tha. Cycle sarak ke kinare khari do jhariyo me phasi hui mili thi.  Aparijta ne sarsari taur par ek baar vardaat ki jagah ka muyana kiya aur cycle se teji se thane ki aur chal pari.

 -------------------------------------                       -------------------------------------------------------  

Aparijita ne aate hi sabse pahle Harilal, Japu aur ek constable ko Abhaipur iss saare baardat se juri jaankari ekkatha karne bhej diya tha. 

Aparijita ne thane aaye sabhi raat ke staff member ka short notice me thane pahunchane ka sukriya ada kar unhe wapas bhej diya. Raat ke staff ko night shift me 3 ghante baad aane ko kaha gaya  taaki wo apni neend puri karke aa sake. Dono shift ke bich ke 3 ghante Rohit, Harilal aur Aparijita hi thane me rahne waale the. 

Aaj ke muthbher me saare aparadhi maare gaye the. Aparijita ne mobile se liye gaye sabhi apradhiyo ki snaps Sonbhadra headquarter bhi bhej diya tha. Wo aaj ke vaardaat ke baare me soch rahi thi.

Taiyar kapre Sonbhadra se courier ke dwara aage bheje jaane wale the. Isliye apraadhi Sonbhadra ke raaste me bhi van loot sakte the par unhone Abhaipur me iss ghatna ko anjaam dene ka kathin raasta chuna tha. Apradhiyo ne bahoot risk lekar iss ghatna ko anjaam diya tha. Iska yehi bhi matlab ho sakta tha ki apraadhi khauf paida karna chahte the. 

Saam hote-hote Abbas apni car me dono larkiyo aur apne munim ke saath pahuncha. Munim apne saath loote gaye kapro ka list laaya jo wo Ghanshyam ko kapro ki list saup chuka tha. 

Abbas ne un dono larkiyo ka parichay apne raakhi bahan ke taur par Aparijita se karwaaya jo uske garment factory me supervisor ka kaam bhi karti thi.  Wo dono uske parosi Sharmaji aur Vermaji ki larkiya thi.

Munim ne bataya jab wo log godaam me delivery ke liye jaane waali taiyar maal ko check karke uska alag-alag packet banwa kar rakh kar faarig hi hue the ki aachank se un apraadhiyo ne unhe gher liya tha. Unhone guns ke bal par saara maal metador me load karwya tha. Phir unhone in sabko haanth-paaun baandh kar Sumo me daal kar  unke upar kuchh kapre iss tarah se daal diya ki wo uske nicche dab se gaye the.

Abbas jab waha pahuncha tha tab tak apraadhi nikal chuke the aur wo sirf unke picche urti hui dhool hi dekh paaya tha. Godaam me mauzod mazdooro ne use saara wakya bataya to wo un gaariyo ke picche bhaga par harbarahat me use thane khabar karne ya karwane ka use dhyan nahi raha tha. 

Aparijita thori der tak us se local competitor ke baare me jaankari leti rahi.  Abbas ke anusaar uska koi eisa competitor nahi tha jo itna bara kaand karwa sake. 

Ghanshyam ne munim dwara di gayi list ko baramad ki gaye maal ki list se milaan karwaya aur phir aake Aparijita ko iske baare me bataya. 

"Abbasji! Aapke dwara laayi gayi maal ki list se humlog santoost hai. Aap apna maal abhi le jaa sakte hain." 

Aparijita ki baat sunkar Abbas ko apne kaano par viswaas hi nahi hua. Itni aasani se use uska maal mil raha tha. Abbas to apne saath car me maal jaldi chhurane ke liye kaafi rupaiye bhi laaya tha. Usne chaha ki wo kuchh hazaar rupaiye police waalo ko de, par Aparijita ne lene se inkaar kar diya.

Aparijita ne Abbas ko bataya ki wo zald hi khud bhi chhanbin karne aayegi. Abbas dono larkiyo ke saath usi waqt chala gaya jabki munim kapro ko le jaane ke liye ek bailgaari par kapro ka load karwa raha tha. 

====================================

Premnagar, Chaila aur Abhaipur me vaardaat ki khabar jungle me phaili aag ki tarah phail chuki thi. Teeno gaun se kaafi janta mare apraadhiyo ko  dekhne aa pahunchi thi.

Aparijita ne 3 constables ki duty public ko control karne ke liye laga rakhi thi. Dinesh ko saadi wardi me apradhiyo ki laaso ko dekhne aayi janta ke bich ghum-ghum kar unki baato ko sunne ki duty di gayi thi. Thori hi der me Sonbhadra se postmortom ke liye laas le jaane ke liye ek gaari aayi.  Us gaari ke nikalte hi public ki bheer bhi chali gayi. 

Javed aaj gaun ke kisi kaam se Sonbhadra gaya hua tha. Uske paas Salma ka phone aaya. Salma ne use Abhaipur me hui muthbher ke baare me bataya aur lautate waqt thane hokar aane ko sakht hidayat diya.

Salma ne muthbher ki khabar milte hi Javed ne Aparijita ko uske baare me pata karne ke liye phone kiya tha. Aparijita ne use short me apni salamati aur apraadhiyo ke maare jaane ke baare me bataya.
Japu aur Harilal Abhaipur se laut kar apni report de chuke the. 

===========================================. 

Javed jab tak thane pahuncha tab tak raat ke 8.00 baj chuke the. Javed ko Aparijita ne muthbher ke baare me bataya. Usne Javed ko saare apraadhiyo ki tasweere bhi dikha unke baare me Javed ki rai maangi. 

Ek bhi chehra Javed ki jaankari me se nahi nikala. Aparijita ne un apraadhiyo ki tasweere Javed ke mobile par bhi transfer kar ke use paancho gao ke dukaandaro aur anya logo ko dikha kar unke baare me pata karne ko kaha.

Kal yehi puchhtachh wala program police waale bhi karne waale the. Par ho sakta tha ki police ke mamle me hone se kuchh log apna munh nahi kholte. 

Javed ne Aparijita ko aashwat kiya ki wo khud iss mamle me interest lega aur use pura viswaas tha ki agar kisi bhi gaun waale ko unke baare me kuchh bhi pata hoga to wo use jaroor batayega.

Ghanshyam ki bike thane me rakhwa di gayi thi. Kuchh dino tak Aparijita ne Japu ko Ghanshyam ko duty aane-jaane me madad karne ke liye kaha. Phir Ghanshyam aur Japu dono Japu ke bike par apne ghar ke liye nikal pare.

Ghanshyam aur Japu ke jaane ke baad Aparijita ne ek baar phir Sonbhadra phone karke aparadhiyo ke baare me puchh-taach ki.

=======================================

Sonbhadra police ke anusaar saare ke saare apraadhi ke khilaaf sangeen jurm register the. Inke khilaaf firauti, khoon, danga, rangdaari aur balatkar jaise mamle the. In apraadhiyo ka aapas me  koi link pahle kabhi nahi suna gaya tha. Har apraadhi ka UP ke alag-alag hisso me kauf tha. Aaj se pahle kabhi inhe apna illaka chhor kar kisi aur illake me baardaat karte bhi nahi suna gaya tha. 

Yeh saare apraadhi thore din pahle hi alag-alag jail se chhute the. Pahli baar inhe 2 din pahle Sonbhadra ke ek saste hotel me dekha gaya tha. Us hotel me Sonbhadra aur 2 aur district ki police 3 apraadhiyo ko dabochne pahunchi thi. Safalta-purvak giraftaari ke baad lautti Police team me saamil ek sub-inspector ki nazar in par pari thi. Usi ne inke baare me batate hue inpar nazar rakhne ki report Police HQ me ki thi. Jis par turnat action lete hue ek police sub-inspector ko iss kaam par lagaya gaya tha. Ab jaake jaanch karne par pata chala tha ki usne iss par jara bhi dhyan nahi diya tha. 

Ab itni bari vaardat ho jaane ke baad Sonbhadra me harkamp macha hua tha. Premnagar ke 3 police waalo ke zakhmi hone aur un par bomb se hamla hone ki khabar ne police ke uchh adhikariyo ke upar bhari dawab bana diya tha. 

Jis bande ne apraadhiyo ke upar nazar rakhne ki suchna ko nazarandaaz kiya tha, wo banda pahle se hi apne issi tarah ki 2 baar ki gayi harkarto ke karan police union ke nazar me khatak  raha tha.  Picche ki gayi uski harkat kisi ke liye bhi jaanleba saabit nahi hui thi; pa iss bar ki uski harkat Premnagar police ke liye bhaari pari thi.

Dono baar ek rashookhdaar  police adhikari ne use bacha liya tha. Iss bar union waale use chhorne ke mood me nahi the. Unhone media me laparwaahi ki wajah se hui baal-baal bache policewaalo ki kahabr saboot ke saath dene ki dhamki de rakhi thi. 

Bhaari dawab me us police waale ko demote karke aaj saam hi dusre district bhej diya gaya tha.

Aparijita ne apne report me Ghanshyam, Qadir aur Suresh ke liye puruskaar ki sifaarish ki thi.  

Aparijita ko police union ke secretary ka phone aaya tha. Usne union ki taraf se unhe unke safaltapuvak encounter ke liye badhayi di aur headquarter me hue ghatnakram ke baare me bataya. Aparijita ne apne staff ki taraf se unka sukriya ada kiya aur phir se aaj ke ghatna ki kariya jorne ka prayas karne lagi. 

Aparijita ko Abbas se Dhanraaj ke baare me bhi baat karni thi. Aparijita ne isse kal ke liye chhor diya tha.

 Aaj ke ghatna ke baare me ab kal hassil hone waali reports par hi kuchh kiya jaa sakta tha. Isliye, Aparijita ek baar phir se Sarfarosh ke agents ki file me jut gayi thi.

=====================================================

Aparijita pahle India ke North, North-East aur North-West ke Sarfarosh ke members ki reports check kar rahi thi.  Inme se kaio ko wo personally bhi janti thi. Wo members ke baare me available reports ko dhyan se padh kar unke baare me apna comment note karti jaa rahi thi. 

Aaj tak check kiye gaye reports ke anusaar kuchh purane members ab naye members ke group ko lead kar sakte the. Phir bhi Aparijita ne abhi sirf unke annual reports par apne comments daale the. 

Naye aur purane members ke group ko lead karne ke liye kai baato par dhyan dena jaroori tha. Saath hi group bhi eise banana tha jis se us group ke paas alag-alag field se aaye members ho, jo mil-jul kar har mamle ko dekh sake. Iss naye members waale list me wo members the jo pichhle 1 saal se Sarfarosh se jure the.  

Udhar Arpita takriban Sarfarosh ke sambhabhit members ki list ko khatam kar chuki thi. Chuki sambhabhit member kisi na kisi member dwara refer kiye gaye jo criteria acchi tarah se jaante the; isliye unme koi kami ki sambhavna kam hi thi. Iske alaba bhi Arpita ke haath yeh list aane ke pahle unke baare me dusre members se bhi unki rai li gayi thi.

 Iss tarah 2 level paar karne ke baad sambhabhit member ki puri medical history nikali gayi thi.  Medically fit paaye jaane ke baad saare sambhabhit members ki list aur unse realted saari details Delhi ke Sarfarosh ke HQ me Sarfarosh ke files me save kar di gayi thi. Inme se hi North India ke sambhabhit members ki files chhat kar Arpita ko di gayi thi.

================================

10.30 bajte-bajte night shift ke staff aane lage. 

11.15 baje tak saara night staff ki suchna ke saath Rohit ne Aparijita ke cabin par knock kiya.  

Raat 12 baje.

Aaj bhi Aparijita ko din bhar ki recording me kuchh khash nahi tha.  Chaila ki recording ke anusaar Shera aur Aagnivesh Phulpur ki or subah hi nikal pare the. Aparijita ne Phulpur waale khandhar me recording transmit karne ke liye kuchh nahi lagaya tha. Waha ki recording Saniwaar subah wo laane waali thi.

Aparijita sone hi waali thi ki phir kucch soch kar Arpita ka phone lagaya.

 "Sun!  Main kal raat tak annual reports check karke apna report submit kar doongi. Maine aaj ka target rakha tha par aaj yaha hue ek encounter ne mujhe utna waqt hi nahi diya."

Iske baad Aparijita ne thora sanchhep me aaj ke encounter ke baare me Arpita ko bataya.

"Sayad, kal Sonbhadra se kuchh bare adhikari bhi chhanbin karne pahunche isliye main aaj raat me hi subah 4 baje tak jaag kar jitna sambahv hai complete karne ki koisi karungi. Main aasha karti hoo ki kal raat 12 baje se pahle main apne comments ke saath report submit kar doongi. Tu bata tera naye members wala report kaha tak pahuncha ?" 

"Apu, Maine abhi thori der pahle apni report submit kar di hai. Sayad kal saam ya phir parso dopahar tak Ritesh, Ajay sir aur meri is par meeting ho. Saare bande theek hai;  unko jab ek achha lead karne wala milega tab unki kabliyat aur bhi nikhar kar aayegi."

 Arpita thori der tak chune gaye naye members me se kuchh ke baare me baat karti rahi. In members ke baare me Arpita ka andaaza tha ki wo aage chal kar Sarfarosh ke bahoot bare assest saabit honge.
"Apu, agar tu kahe to main inme se kisi ko tere aaj ke encounter me saamil aparadhiyo ko chek karne me laga doon? " Arpita ne puccha !

"Nahi rahne de ! Bahoot jaroorat parne par hi main Sarfarosh ke members ki madad lena chahti hoon. Pahle se hi kuchh log Jagga aur Aagnivesh wale matter par lage hue hai.  Behtar to hoga ki tu unme se kuchh logo ko naksali group se sanahubhuti rakhte logo par laga de. Kya Dr. Ritesh se tujhe naxalite dwara hire kiye gaye professional ke baare me kuchh pata chala?"

"Apu ! Dr. ne mujhse is par abhi koi baat nahi ki hai. sayad wo koi thos jaankari ke baad hi baat karenge. Naye members wali list bhi final karna jaroori tha; sayad iss karan bhi unhone mujhe distrub nahi kiya hoga. "

"Aru ! Parso saam tu aa rahi hai na; dono mil kar Ravibaar ko un gupt gufao ki aur chalenge." Aparijita ne pahle se banaye program ke baare me Arpita se puchha.

"Tere liye to main aag ka dariya paar kar jaao. Tumen bulaya aur hum chale aaye, jaan hatheli par le aaye re ...."  Arpita ne ek puraana gaane ke kuchh pankitiya gate hue kaha.

Thori der tak issi tarah hansi-mazak karne ke baad Aparijita ek baar phir se reports check karne lag gayi.

Friday subah 4.30 baje jab Aparijita ne laptop band kiya tab tak matra 10 members ki  reports aur chek karne baaki the. Aaj ki subah Aparijita ne drone ke saath jaane ka program postpone kar diya tha.  Aparijita ne Ghashyam ko 10 baje tak thane aane ki baat sms karke so gayi.

------------           *            ----------------------          *     -----------------------------    *

Dushashi Apraadhi

 Abhi thane ki jeep ek mor par dheere se muri hi thi ki ek purani tata sumo use teji se side maarte hue nikali. Is takkar ne Jeep ko sarak se niche utaar diya. 

Suresh ne kisi tarah se Jeep ko palatne se bachaya. 

Suresh ne apni furti se naa sirf jeep ko palatne se bachaya balki use kuchh hi minutes me sarak par phir se le aaya. Jeep jaise hi sarak ke niche ruki, sab Suresh ke issare par turant jeep se utar gaye taaki jeep ko aasani se niche ke keechar waali zameen se upar laaya jaa sake.

Jab Suresh Jeep ko vapas sarak par chadha raha tha us waqt baaki log sarak par khare the. Unhe abhi jeep se utare chand seconds hi hue the. Jaise hi unhone Jeep ko sarak par chadhte dekha to sarak ke bicho-bich aa gaye taaki wo chalti jeep me chadh sake. 

Tabhi paas ke kacche raaste se kisi enjine ki tej awaaz sunai di.

Agle hi pal ek matador unke taraf kisi danav ki tarah jhapti.

Ghanshyam ke baayen khare Qadir ne sarak ki dusre kinaare ki aur challang laga di. 

Kishore apne taraf badhte maut ko dekh kar bilkul jar ho gaya tha. Ghanshyam  ne yeh dekh Kishore ko jakre hue daaye taraf challang laga di. 

Bhaagti metador ke achank side ke darwaaje khule aur revolver se kuchh round sarak ke dono aur gire police waalo ki aur jhapte.

Kisi tarah se police waalo ne unko chumne daurti goliyo se khud ko bachaya. 

Par ek goli bahoot hi sararti nikali. 

Suresh ne jeep abhi sarak par pahunchayi hi thi ki sararti goli uske labo ko pyar karne ko dauri. Suresh usi waqt apna sar baayen ghuma kar niche gire Qadir ko dekhne laga tha; jiske karan uske labo ko chumban dene aai goli uske kaano ko hawa deti hui gujar gayi.

 Jeep ke sarak par aate hi sarak chumate teeno policewaale jhapat ke jeep par sawar huye.

Sabke baithte hi Suresh ne jeep ko kisi khuta turaye gaai ki tarah daura di. 

Chand minutes me hi Jeep metador ke pichhe thi. 

Qadir ab tak thane me khabar de chuka tha. Thane khabar karne ke baad wo Aparijita ko phone karne hi wala tha ki aage bhagti metador se jeep par phir se goliya chalne lagi. 

Ek goli Qadir ke mobile kaan se lagaye dahine haath ko ragarti chali gayi. 

Goli lagte hi Qadir ke honto se cheekh nikal pari. Mobile Qadir ke haanto se nikal kar gir para.

Ghanshyam ke kaano me jaise hi Qadir ki cheekh pari uske jabre gusse me kas gaye. Usne Suresh ke kandho ke pakar kar issara kiya. 

Suresh ne jeep ki raftaar aur badha di. 

Dono taraf se lagatar goliya chal rahi thi. 

Ab tak jeep ke windscreen me dasiyo chhed ho chuke the. Par khushkismati se kisi ko duwara goli nahi lagi thi.

Aage bhagti metador bich-bich me mor par dikhni band ho jaati thi. Ghanshyam ko iss baat ki chinta satane lagi ki agar eisa chalta raha to aage kisi doraahe ya tiraahe par wo metador ko kho denge.
Qadir ko zakhmi dekh kar gusse se aagbabula huye Ghanshyam ne ek khatarnaak faisla liya. 

Ghanshyam kaafi kosis karke  bhi metador ke kisi bhi tyres ko nisana banane me kaamyaab nahi ho paaya tha. Metador ka driver use jhol deta hua chala raha tha;  jiske karan ek bhi goli tyre ko chhu bhi nahi paayi. Haan yeh jaroor tha ki metdaor ke pichhle hisse me goliyo ne bahoot saare ventilation ke liye chhed bana diye the.

Ghanshyam ke dimaag me achanka ek idea aaya tha. Driver kitna bhi expert kyu nahi ho use more par turn maarte hue kuchh seconds ke liye metador ko bagair jhol diye chalana mazboori tha, Ghanshyam ne isi pal ke liye risk uthane ka faisala kiya tha.

Ghanshyam ne kamar se belt ko khola aur khuli jeep ke apne taraf ke kinaare par lage rod se bandh diya. 

Aage baaye or murni waali ek mor aane baala tha. Ghanshaym belt ke fande me apna daaya haanth daal kar jeep se bahar adhleta sa ho gaya. 

Ghanshyam ke haanth me aag uglane ke liye revolver taiyar tha. Uske dushahash ko dekh kar Suresh ka kaleja munh ko aa gaya. 

Suresh Ghanshyam ko mana karne jaa raha tha par Ghanshyam ke chehre par phaili sakhti ne use bolne nahi diya. Wo samajh me kuchh-kuchhgaya Ghanshyam ka plan aa gaya tha.

Aage metador se abhi bhi lagatar goliya chal rahi thi. Unme se kai Ghanshyam ke aaju-baaju se gujre.
Tabhi aage bhaagi metador chand second ke liye mor par seedhi hui. 

"Dhaiye- dhaiye"  Ghanshyam ke revolver se 2 goliya nikali aur aage bhagti metador ke picchle tyres se takrai. 

Agle hi pal metador unbalanced hui aur sarak par ludhkane lagi. Sarak par metal ki ragar se chingaariya nikalne lagi. 

----------------------------------------------------------------------------

Tabhi policewaalo ko apni or aati hui Tata sumo dikhayi di. 

Tata Sumo ko wapas lautate dekh sab hairat me the.

Metador me sawar apradhiyo ne Sumo waale apradhiyo ko accident se chand miunutes pahle bata diya tha ki jeep me chaar policewaale hain jo unke pichhe lage hue hain. 

Sumo me bhi 3 apradhi the. Apradhiyo ne aapas me baatchit  karke decide kiya ki in chaar policewaalo ko ya to khtam kar diya jaaye ya phir unke jeep ke tyre burst kar di jaaye taaki wo uske pichhe naa aa sake. Isi plan ke tahat Sumo waale apradhi laute the. Agar metador ulat nahi jaati to dono gaariyo me sawar badmaas police party par bhaari parne waale the. Par ab shithti badli hui thi. Metador sarak par palti hui thi.

Tabhi Metador ke darwaaje khule aur usme se apne hi khun me lithre 4 apradhi nikale. 

Unme se ek ne nikalte bhi police waalo par goliya chalani suru kar di. Ghanshyam unhe giraftaar karna chahta tha par iss halat me bhi chalayi jaa rahi goliyo ne police waalo ka gussa buri tarh se bharka diya. 

Agle hi pal Sursh, Ghanshyam aur Kishore ke taraf se revolver aur rifle se goliya maut ban ke metador se nikal kar bhagte apradhiyo jhapti.

Ghanshyam ke chalai goliyo ne do apradhiyo ke sar me chhoti khirki bana di thi. Un saro  ke maalik apna munh phaare aasmaan ki aur tak rahe the. Lag raha tha jaise unhe yakeen hi nahi ho raha tha ki wo mar chuke hain. 

Kishore ki chaliye rifle ki goli ne ek apraadhi ke jaangh me chhed bana diya tha. Wo wahi gira hua police waalo ko maa-bahan ki gaali deta hua goliya chala raha tha. 

Tabhi Suresh ki chalayi 2 goliyo ne gire apradhi ke dil me 2 chhed bana diye. Agle hi pal maa...  kahata hua baaki ke words apne munh me rakhe hue hi wo narak ke darwaaze ko  knock kar raha tha.
Tab tak Sumo paas aa chuki thi. Sumo ke bich ke dono darwaje khule aur unme se 2 apradhi gun leke fire karte hue nikale.

Idhar metador ka ek bacha apradhi bhi unke paas tak pahunch chuka tha. Usne pahunchte hi apne saathio ko bataya ki metador  me koi aur zinda nahi bacha hai isliye unlogo ko nikalna hoga. 

Saare apraadhi mukabla karne ke vajaye bhaagne lage.

--------------------------------------

Ghanshyam bhaag rahe apraadhiyo ke piche daura.  

Bhaag rahe apradhiyo me se ek ne apne kandhe par latke bag me se ek bomb nikal kar policewaalo ki or uchhal diya. 

Bhagte huye bomb uchhalane ke kaaran bomb apne nissane par nahi gira. Bomb jeep ke peeche kuchh duri par jaa kar gira.  Bomb se kisi bhi policewwale ko koi nuksaan nahi pahuncha. Par Bomb ke range me jeep ka ek pichhla tyre aa gaya aur wo dhamake ke saath brust hua jiski aawaz bomb ke dhamake me dab gayi.

Ghanshyam ne thithak kar apne saathio ke salamati ka jaayza le phir se apradhiyo ke pichhe goliya barasta hua daura. 

Ghanshyam ko apne picche daurate dekh ek apradhi ne phir se bomb phekne ke liye nikala. Usne picche mur kar bomb ko Ghanshyam par phekna chaha.

Us apradhi ne abhi pin nikal kar bomb phekne ke liye haath uthaya hi tha ki uske sar me Ghanshyam dawra chalayi ek goli aa dhasi. Uske baad jo hua usne uske saath bhaag rahe 2 apradhiyo ko kuchh karne tak ka mauka nahi diya. 

Bomb mare apradhi ke haath se nikal kar gira aur girte hi phat gaya. 

Bomb ne 2 apradhiyo ke chhithre uda diye the aur ek ghayal hoke dur para tha. Bomb ke dhamake se paida hue force ne Ghanshyam ko thora dur peeche phenk diya tha. 

Apne saathiyo ko marte dekh kar zinda bacha  sumo ko bhaagne ki kosis karne laga.

----                *                   -----                       *   --------   * 

Aparijita  jab Abbas ke bunglow par pahuchi to use waha taala latakta mila. Usne Jungle ka raasta chhor sarak ke raaste se thana lautne ka decide kiya tha. Abhi wo sarak se kuchh dur hi thi ki use goliyo ki awaaz sunai di. 

Aparijita ne turant hi phone ko handsfree par daal kar thane me call lagaya. Dusre taraf Harilal tha.

"Harilalji, mujhe Abhaipur ki taraf se kuchh goliyo ki awaaz aa rahi hai.  Aap kuchh logo ko iss taraf turant bheje aur Ghanshyam ko bhi suchana de.  Kya thane me iski koi suchna hai?" 

"Madam, Qadir ne mujhe bola tha ki wo aapko suchna de dega, par ... !!" Harilal ki hairat se bhari awaaz aayi . 

"Ghanshyam sir, Qadir, Suresh aur Kishore round par nikale the jaha unki muthbher apradhiyo se Abhaipur ke paas ho gayi. Wo log apradhiyo ka pichha kar rahe the aur usi me dono taraf se goliya chal rahi thi.   Qadir ne yaha suchna di thi.  Qadir ne kaha tha ki wo aapko location ka detail deta rahega taaki aap ko bilkul updated khabar mile. Par lagta hai ki kisi wajah se wo aapko phone nahi kar paaya. 4 logo ki team bike se Chaila ki taraf nikale hai jinhe maine inform kar diya tha; unhone abhi-abhi update diya tha ki wo bhi udhar ki or chal pare hain."  

"Theek hai.  Aap mujhe unka laast location baatayen.  Main Qadir se baat karne ka prayash karti hoon."

Harilal ne jaldi-jaldi Aparijita ko last reported jagah ke baare me bataya. Aparijita ne cycle phir se jugle ke raaste par daal diya aur handsfree par Qadir ko try karne lagi. 

Aparijita ke pair cycle ke paddle par machine ki tarah kisi expert cyclist ki tarah chal rahe the.

Qadir ke mobile par ring jaane lagi. Iss waqt tak dusri taraf metador ka pichha jaari tha. 

Qadir ne Aparijita ka number dekhte hi apne dusre haath se mobile utha kar call receive ki. 

Qadir ne apni vartaman location Aparijita ko batayi. Aparijita ne call kaatne ke baad apni cycle ki disa thori badali aur andaaz ke anusaar ek mor par untak pahunchne ke liye use full speed par chalane lagi.  Yeh wahi mor tha jaha metador ke tyre burst karne me Ghanshyam ne safalta paayi thi.

Abhi Aparijita us mor se 200 meter ki duri par hi thi ki ek ke baad ek lagatar 2 bomb ke dhamke huye. 

----                *                   -----                       *   --------   * 

Dusri taraf usi waqt Ghansyam ko picche se motorcycle par Abbas aata hua dikhayi diya. 

Muthbher hota  dekh kar Abbas ruk gaya. Tab tak Aparijita bhi waha aa pahunchi.

Aparijita ne apne saathiyo ko sahi-salamat dekh kar chain ki saans li.  Abbas ne  unhe bataya ki Sumo me uske yaha kaam karne waali 2 larkiya aur uska budhha munim bandhak ke roop me hain.  

Idhar Sumo par swar apradhi ko sumo ko seedha karne ka mauka mil gaya tha. Use wo le bhaga. 

Ghanshyam uske picche goliya chalata hua bhaga. Par Goliya sirf sumo ke pichhli body ko hi chum saki.  Ghanshyam daur kar wapas Jeep tak pahuncha to usne pichle tyre ko baitha paaya. Usne gusse me jeep par hi 2 ghuse laga diye.

Ghanshyam aur Suresh ne Qadir  aur Kishore ko Abbas ke saath wahi chhora. Dono Abbas ke bike par Sumo ke picche chal pare. Unhone bhi sarak chhor ek pangdandi rupi raaste se aage badh  rahe the jo agale mor par sumo ke saath hi unhe pahunchane waali thi. 

Qadir  aur Kishore agle thane tak ab tak apradhiyo ki khabar bhej rahe the. 

Aparijita khud phir jungle ke raaste apne cycle ko aandhi-tufaan ki tarah chalati hui chal pari.  Aparijita ne abhi jo raasta liya tha wo kuchh daldali si thi jis par bike sahit 2 logo ka nikalna muskil tha. Par Aparijita us raaste me bare maharat ke saath cycle chala rahi thi. Aparijita ko pura yakeen tha ki wo bhagte apradhi ko nahar aane tak pakar legi. 

Abbas ke bina der kiye vaakya bata dene ke kaaran 2 minute ke andar hi Aparijita, Ghanshyam aur Suresh alag-alag raaste se Sumo ke picche lage hue the.

Agle mor par Ghanshyam ne jab bike ko sarak par chadhaya to wo Sumo se sirf  200 kadamo ki duri par the.

Sumo me sawar apradhi ne jab 2 policewaalo ko apne picche laga paya to wo sumo chalate hue pichhe mur kar bich-bich me goliya barsane  laga. Uski ek goli Suresh ke pet ke paas se uske shirt me chhed karti hui nikal gayi.

Ghanshyam, Aparijita aur Suesh aapas me confrence call ke jariye jure hue the. Unki baatchit handsfree ke jariye jaari thi. 

Aparijita ne Suresh ko Sumo ke tyre burst karne ko kaha. 

Suresh ne apna gun sidha karte hue sumo ke pichhle tyre ko nisana banana  chaha. Isi waqt Sumo se mundi nikale picche ki aur dekhe hue aparadhi ne bhi picche ki aur goliya chalayi.

Bike chala rahe Ghanshyam ko kuchh meter ki duri par sarak ke ek chhor se dusre chhor tak paani ki moti plastic pipe jaati dikhyai di. Pipe ko surakshit rakhne ke liye use ek cement ke pipe se gujara gaya tha jise mitti aur eeto ke dwara ghera gaya tha. Inki wajah se us jagah par ek bedhanga sa bilkul khara speed-breaker sa ban gaya tha. 

Ghanshyam chhah kar bhi iss apryatisht bedhange speed-breaker ke pass bike sambhal nahi paaya aur bike teji se upar ki uchhali. Isi lamhe me 2 fire hue. 

Pahla fire Suresh ke gun se hua tha; wahi dusri goli Sumo se apradhi dwara chalai gayi thi.

Bike ke hawa me uth jaane ke kaaran Suresh ki goli tyre par naa lag kar Sumo se mundi nikale apradhi ke gardan me jaa ghusi . Wahi apradhi dwara chalayi goli bhi target badal jaane se aake handle pakre Ghanshyam ke baaye panje ko chhute hui takrai.

Ghanshyam ke haath handle par se kuchh seconds ke liye bhahke jiske karan wo Suresh sahit bike liye-diye sarak par gir para. 

Bike kuchh dur tak sarak ke kinaare ghistati gayi. 

Ghanshyam ne apni nigaahe sarak par bike ke saath ghasitate hue bhi sumo par jama rakhi thi.

Sumo ko chala rahe apradhi ki gardan khirki se bahar jhul raha tha. 

Sumo teji ke saath sarak par nadi me bagair manjhi ke naau ki tarah bhaagi jaa rahi thi. 

Aadhe km ke baad hi nahar tha. Sumo nahar ki aur teji se kisi bayakul premika ki tarah bhaagi jaa rahi thi. 

Aparijita ke kaano me Ghanshyam aur Suresh ki cheekh sunai di. 

"Tumlog thik to ho!" Aparijita ki chinta bhari awaaz Ghanshyam ke kaano me aayi.

"Madam didi; hum thik hain. Par Sumo wala apraadhi mara gaya hai aur Sumo bagair driver ke nahar ki aur jaa rahi hai." Ghanshyam bagair saans liye bol para.

"Main bas pahunchne hi waali hoon. Tum log bhi phir se sumo ke picche lago." 

Jaha Ghanshyam gira tha waha se sarak bilkul sidhi rekha me aage jaa rahi thi.
----------------------------------------------------------------------------------