Saturday, 23 March 2019

Kallo aur Aparijita

 Aparijita  railing ke upar chadh kar phansi jeep ke dusre taraf pahunch bhagti bike par goliya chalane lagi. Uski ek goli bike ke handle se takrayi.

Jagga ka haath pal bhar ko kaanp gaya.

Jagga bike sambhal nahi paaya aur bike gir pari.

 Jagga bike ke saath ghasitata hua aage chala gaya jabki Kallo us se kaafi dur picche gira tha. 

Sarak par ludhkat Kallo ke kamar me fansa revolver nikal kar sarak ke neeche se bahti ek naali me gir para. 

"Jagga, tu nikal par hum sabka badla inn sabse zaroor lena." Kallo ne Jagga se chilla kar kaha.

Kallo samajh raha tha ki agar wo Jagga ke paas pahunch kar uske saath bhagne ki kosis karega to dono me se koi bhi nahi bhaag payega. 

Jaha Jagga gira tha us se chand kadam ki duri par sarak mur gayi thi. Isliye Aparijita waha tak pahunche bagair bhaagti bike par goli nahi chala sakti thi jabki Aparijita ko waha tak pahunchane me bhi kuchh samay lag jaana tha.  

Jagga ne ek baar bebsi bhari nigaah se Kallo ki aur dekha aur bike utha kar bhag nikala. Idhar Kallo bhi jungle ki aur kheto se hota hua bhaga.

Aparijita daurti hui pahunchi par bike aage mor par mur chuki thi.

Ab tak baaki policewaale bhi waha aa gaye the.  Unhone Aparijita ko inform kiya ki unki gun bekaar ho chuki hai. Aparijita ne Gopu ko apni gun aur extra goliya di aur baakiyo ke saath mil kar police jeep ke wireless se aage ke chaunki ko Jagga ki khabar de use gherne ke liye kaha. 

Aparijita ne Dinesh aur Japu ko jeep hata ke raasta saaf karne aur Ghanshyam ke waha pahunchane par laaso ko thane le jaane ko kahne ko kaha.

"Madam, aap us badmas ke peeche akele jayengi. Hum me se kisi ko saath le leti." Japu ne chintit swar me puchha .

"Suresh hosh me nahi hai aur agar main kisi ko saath leke jayungi to yaha tum 2 log hi rah jayoge.  Jeep ko raaste se hatana  bhi 2 logo ke bas ki baat nahi hai. Bhagte badmas ke paas gun nahi hai; agar hoti to wo use ab tak hume istemaal kar chuka  hota. Wo girne se ghayal bhi hai. Main bas thori dur uska peecha karungi agar wo jungle me jayda andar ghus gaya to chinta mat karo main uske peeche naa jaa ke wapas aa jayungi. Tum logo ko apne madam par itna bharosa hona chahiye ki main usko sambhal lungi. Yaha tum log nihatte ho aur agar inka koi aur sathi gaun me hua aur yaha pahunch gaya to apne saathiyo ki laas dekh kar tumhe nahi chhorega."   Aparijita ne unhe samjhate hue kaha.

Thori naa-nukur karte huye sabhi apne-apne supurd kaam karne nikal pare.

Aparijita teji se Kallo ke picche bhagi. Use dur bhagta hua Kallo dikh raha tha jo jungle me ghush chuka tha.  

Aparijita dwara pahle gaaun ko samjhne par ki gayi mehnat aaj kaam aayi.  Aparijita ne ek dusra  shortcut pakra.

Aparijita Kallo tak bas pahunchane hi wali thi. 

-----------------------------------------------------------

Idhar Suresh hosh me aa chuka tha. Policewalo ko dekh kar pool ke niche chhipa larka bhi nikal kar unke paas aa gaya tha. Agle thane ko farar Jagga ki khabar dene ke baad sab mil ke police jeep ko sidha karne ki kosis kar rahe the. 

Aparijita ne teji se mor daur kar paar kiya.

Aparijita ab Kallo ke chand kadmo hi peeche thi. 

Kallo ko itni teji se bhagte dekh kar Aparijita  ko thora acharya hua kyuki bike se girne ke kaaran Kallo ko jabardast chot lagi honi chahiye thi. Aparijta nahi jaanti thi ki Kallo ko koi gambhir chot nahi aayi thi; sirf pair ki ek nas khich gayi thi jise usne ek pahalwan se shikhe ek desi tarike se khet me ghuste hi kheench-taan kar kaafi had tak sahi kar liya tha .

Kallo ne dard ko haabi hone se rokne ke liye gaanje (Marijuana) ki cigarette ka isstemaal kiya tha. Gaanja ke pinak me wo apna dard bhul chuka tha aur pahle se jyada teji ke saath daur raha tha. 

Kallo ne apne picche bhagti Aparijita ko naa sirf dekh liya tha balki uske bhai ko maarne wale ke taur par pahchan bhi liya tha. 

Kallo ke nazaro se yeh chhipa nahi tha ki Aparijita ke peeche aur koi nahi aa raha hai. Wo iss  mauke ka fayda utha kar apne bhai ki maut ka badla lena chahta tha.

Aparijita ne daurte hue Kallo ko peeche se haath se dhakel kar gira dena chaha. Par Kallo usi waqt thora baye kheesak kar ruk gaya jiske karan Aparijita apne veg me aage ki or girne jaisi ho gayi. Iska fayda uthate hue Kallo ne Aparijita ko peeche se pet se pakar kar jakar liya aur use lekar paas wali dhalau zameen par kud gaya. 

Kallo aur Aparijita dono teji se ek dusre se lipte dhalau zameen ludhakte jaa rahe the. Aparijita ne apne chehre ko zakhmi hone se bachane ke liye apne hatheliyo se apne chehre ko dhak liya.

Dono dhlan par ludhkte jaa rahe the ki tabhi Aparijita ka sar ek chhote se pathar se takraya.

Aparijita ke aankho ke saamne dhori der ke liye andhera saa chhane laga. 

Kuchh dur tak laudhkane ke baad dono ek dusre se chhitak kar alag-alag 2-3 feet ki duri par gire the.

Gaanje ke dam aur bhai ki maut ne Kallo me bahut jayada himmat aur gussa bhar diya tha. Idhar Aparijita ke ankho ke ssamne se andhera abhi puri tarah nahi hata tha. Wo Zameen par peeth ke bal pari thi. Uske chehre aur baalo me ghass-phush bhar gaya tha.

Kallo daurta hua aake Aparijita ke jaangho par baith gaya.  

Kallo ne  Aparijita ke shirt ko gale  ke niche se bayen haath ki mutthi se  pakar kar Aparijita ke sarir ko thora se utha dahine haath se uske chehre par chaante barsane laga . 

Chaanto ne gum ho rahe Aparijita ke hosh ko vapas thikane par laa diya. 

Aparijita ne apne jaangho par baithe Kallo ko dekha. Kallo ne josh me Aparijita ke haantho ka koi bandobast nahi kiya tha. 

Aparijita ne jhatke se apne dono haanth hawa me utha ek saath  Kallo ke dono kaano par jor se de mara. 

Kallo ke kaano me seetiya bajne lagi. Uska hosh uska saath chhorne ke liye tarpharane laga. 

Aparijita ne apne baye haath se Kallo ke seene par  ek jor ka punch maara. Punch ke jhatke se Kallo urta hua picche jaa gira.

Kallo pichhe ki aur girta hua apne saath  Aparijita ke shirt ke buttons bhi leta gaya tha. 

Jab Aparijita ka haanth Kallo ke dono kano par baje to Kallo hosh khone laga aur uski mutthi shirt se chhutne lagi thi. Kallo ne Aparijita ko apne giraft se  naa chhutne dene ke liye  Aparijita ke shirt ke dono chhoro ko collar ke paas se zoro se pakar liya tha. Par Kallo iske aage kuch karta uske pahle hi Aparijita ka punch use laga jiske jor se wo picche urta chala gaya tha. Punch itna jaandar tha ki shirt ke saare button pat-pat kar ke tutate chale gaye.

Dono ek dusre se dur zameen par pare apna hosh sambhalne me lage the.  

Aparijita abhi bhi puri tarah se apne hosh par kabu nahi paa saki thi isliye wo puri taqat se vaar nahi kar payi thi . Phir bhi us vaar ne Kallo ko chhati ka doodh yaad dila diya tha.

Kallo ne jaldi se jeb se dusri gaanje wali cigarette nikali aur ek hi kash me pura khatam kar diya. 

Kallo ek baar phir se khud ko hawa me urta mahsoos karne laga. Use lag raha tha ki agar abhi wo chahe to haanthi ko bhi dhobi-pachhar de sakta hai.

Idhar Aparijita bhi uth baithi thi aur saamne baithe Kallo ko ghur rahi thi jo dur baitha hua Aparijita ko kha jaane wali nazaro se ghur raha tha. 

 "Tu apne aap ko Jhansi ki Rani samajhti hai, mere bhai ko maar diya. Aaj main tera tetuya daba ke apne bhai ke maut ka badla lunga." Kallo daant pista hua chillaya.

"Abe jaa. Tere jaise kitne aaye aur gaye. Tera bhai bechara akela bore ho raha hoga; chal tujhe bhi wahi pahuncha deti hoon." Aparijita ne Kallo ko aur gussa dilaya.

"Char police walo ke saath gher kar hamare sathiyo ko maar kya diya, apne aap ko lady Dara Singh samjhne lagi. Dekh tera kya haal karta hoon. Ab tujhe maarne se pahle teri jawani ka ras nichorunga."

Kallo teji se Aparijita ki aur jhapta.  

Aparijita bhi ab tak khari ho chuki thi. 

Jaise hi Kallo uske karib pahuncha Aparijita ek taraf hat kar apne aage se nikalte Kallo ke  peechware me ek jabardast laat lagaya. 

Laat lagte hi Kallo kucch aage jake munh ke bal gira. 

Kallo ka munh ke andar khun bhar aaya. 

Kallo ne jaise hi khoon thooka to saath me 2 dant bhi zameen par pare dikhayi pare.

Nase ke pinak me Kallo ko yu laga maano uske tute daant use munh chhidha rahe hai ki "bara chale the bhai ki maut ka badla lene aur yaha humse bhi haanth dho baithe."

Gaanje ke pinak me Kallo apne daato ko santawna deta hua utha. 

Uthte waqt Kallo ne apne daayen haath me chhipa kar dhool utha li . 

Kallo teji se daurta hua Aparijita par jhapta. 

Ek baar phir Aparijita ne thora khisak ke uske picchaware me laat lagani chahi.  

Kallo daurta hua jaise hi Aparijita ke paas pahunchne wala tha; usne dhool Aparijita  ki ankho me phenk maara.  

Aparijita ki aankhe dhool ko apne aur aate dekh sahaj prawirti se aankho ko chot pahuchane se rokne ke liye band ho gayi. Phir bhi dhool ka kuchh ansh uski aankho me ghush gaya tha. 

Aparijita ne iske baawjud andaze par apni laat  ghumayi jo bhagte Kallu ke pichware ko hallo bol aayi.
Par iss baar vaar itna jordar nahi tha.

Aparijita bagair bokhalye turnat apne aankho me pari dhool nikalne ki kosis karne lagi.

Abhi Aparijita apne aankho ko saaf kar hi rahi thi ki Kallo ek baar phir jhapta.  

Aparijita ko abhi bhi kuchh seconds aur aankho ke liye chahiye the . 

Aparijita ne chaha ki wo kallo ke saamne se hat jaaye par tab tak wo uske samne aa chuka tha. Usne aate hi  Aparijita ke chehre par ek ghussa jarna chaha par Aparijita ke thora khisak jaane ke karan wo jhatke me hawa me ghussa lagate hue aage badh gaya. 

Apne paas se nikalte Kallo ke taang me Aparijita ne  taang maar di.

Kallo larkharate hue girne laga. 

Aparijita ne apni adhkhuli aankho se Kallo ki aur dekh ek chhalang laga kar uske paas aa gayi. 

Agle hi pal Aparijita ne ek jordar laat Kallo ke pet me lagaya jis se wo kisi football ki tarah urta hua kuchh dur jaake gira.

Kallo girte hi kisi kate murge ki tarah chhatpatane laga.

Jab tak Kallo sambhalta tab tak Aparijita ne apni aankhe iss had tak saaf kar li thi wo ab Kallo ko aasani se dekh sakti thi.  Wo kallo ki or badhi.

"Saali, apne aap ko tope samajh rahi hai. Kallo naam hai mera. Maine ab tak 40 rape kiye hain. Aaj pahli baar ek police wali ka rape karunga. Baakiyo ko to maine rape ke baad zinda chhor diya tha par tujhe zinda nahi chhorunga. Tujhe to mai tarpa-tarpa kar maarunga" Kallo daant pista hua bola.

Par Kallo yeh nahi jaanta tha ki eisa bol kar usne apni maut ki arji de di hai.

Aparijita ka usool pahla mauka milte hi balatkari ko maut ki neend sulana tha. Par abhi wo Kallo ko arrest karna chahti thi. Aparijita ne nirnay le liya tha ki Kallo se jaankari lene ke baad uska encounter kar degi.

"Accha. Wo teri bahan bhi bari sherni ban rahi thi. Par bechari ki gardan kakri ki tarah kamzor thi.  Haant lagate hi tut gayi."  Aparijita ne apne haanto se kakri torne ka action karte hue Kallo ko aur badhkaya.

“Haramzadi, tere kaaran hamari 4 mahine ki mehant  barbad ho gayi aur 4 saathi bhi gaye. Wo larki Rani thi, apne  boss Jagga ki honewali biwi. Dono agle mahine saadi karne wale the, par tere kaaran sab maare gaye. Yaha ke police walo me itni akal nahi thi ki wo itna plan kar ke hume gherte. Saali, ye sab tera kiya dhara hai. Aaj tera pahle rape karunga aur phir tujhe danda ghusha kar maar teri nangi laas gaun me taang aayunga." Kallo waha pare ek nukile danda Aparijita ko dikhate huye chillaya. 

Kallo bolta bhi jaa raha tha saath-saath Aparijita ko jakrane ke liye daav bhi laga raha tha. 

Kallo jaise hi Aparijita ke saamne aaya Aparijita ne ek jordar mukka uske pet me maara.

Kallo ke munh se ek lambi si karah nikali.

Kallo aage ki aur girne laga.

Aparijita aage badh Kallo ko rui ki tarah dhunane lagi. 

Ab waha sirf kallo ki cheekhe gunj rahi thi.  

Kallo jo abhi thori der pahle tak sher bana dahaar raha tha ab kisi mariyal kutte ki tarah kekiaa raha tha. 

Dhobi jaise kapro ko patak-patak kar dhota hai, Aparijita Kallo ki waishi hi ghuma-ghuma kar patakte huye dhunai kar rahi thi.

"Kyo bete. Aukat samajh me aa gayi . Mera rape nahi karoge." Aparijita ne gusse me Kallo ko ek zordar laat lagate hue kaha.

Kallo laat ke jor se kuchh dur jaa gira.  

Aparijita ke sabdo me jaise aag me ghee ka kaam kiya. 

Kallo apni saari takat laga khara ho chillata hua Aparijita ki aur bhaga.

"Haramzadiiiiii ….............." 

Yehi uski jindgi ke aakhri sabd saabit huye.

Jaise hi Kallo Aparijita ke paas pahuncha Aparijita ne ek taraf thora hat Kallo ke chehre par ek jordaar jhaapar lagaya.

Kallo wahi par 2-3 chakkar ghum ek taraf jaa gira. 

Kallo jaha gira waha ek per ki tooti sakha pari hui thi jis ka 3 inch ka ek nukila hissa baahar nikala hua tha. 

Kallo nukile hiise par eisa gira ki lakri uske gale ke aar paar ho gaya. 

Kallo wahi par 2-3 baar ediya ragarte huye tarap hamesha ke liye shaant par gaya.

Aparijita Kallo ka eisa anth to nahi chahti thi par upar wale ke marzi ke aage bhala kiski chalti hai. 

"Teri kismat acchi thi ki jo tu aasan maut mar gaya."  Aparijita ne Kallo ki laas ko ghurte hue kaha.

Aparijita ne safety pins ki madad se apne shirt ke buttons ki kami ko pura kar jungle se baaahar ki or chal pari.

----------------------------------------------------------------------------------

Idhar pool par Ghanshyam, Amit aur Arjun bhi aa chuke the. Unhone bari muskil se us naujawan ko Japu ke kahar se bacha kar jaane diya tha. Japu naujawan ko bike par Jagga ke bhagne ke liye dosi thahra uski bewkoofi ke liye use pit raha tha.  

Sabhi lagbhag bhagte huye pool paar kar kheto ke paas aa pahuche the. Wo Aparijita ki taalas me alag-alag ho nikalne hi waale the ki unhe ek khet se nikalti hui Aparijita dikhi. 

Aparijita ke baal bikhre hue the aur shirt ki haalat bhi kaharb thi. Aparijita ke chehre aur haantho par kuchh kharoche bhi dikh rahi thi jinse kanhi-kanhi khoon bhi jhalak raha tha.

“Madam” Ghanshyam chhikhta hua Aparijita ke paas pahucha. Baaki log bhi daur ke Aparijita ke paas aa use gher ke khare ho gaye.

“Are are! Ghabrao mat! Mujhe kuchh nahi hua hai. Wo badmas jiska naam Kallo tha, ke sath ladayi me shirt ke button tut gaye aur kuchh khroche aa gayi, bas. Uski laas waha pari hai, jaa kar utha lo.” Aparijita ne eise swar me kaha jaise yeh koi roj hone waali mamooli baat ho.

Arjun aur Amit Kallo ki body laane chale gaye. 

Aparijita ne Gopu aur Suresh se wireless message ka report liya.

“Dekho, mai inn phate kapro me to public ke bich nahi jaa sakti hoon. Isliye main inn kheto se hote hue pahle dusre raaste  se apne quarter jaa kar change karti hoon. Tum log saari laase lekar thane pahucho.”  

“Madam didi, Aap jayiye.  Hum sambhal lenge.” Ghanshyam ne  Aparijita ko ek naya sambodhan dete hue kaha.


Thursday, 21 March 2019

Rakt Barsha


Agle hi pal ek beawaz sola nikal cigarette pita badmas ke dil me surakh kar gaya. Dhuye ki lat ne uski aaj jindgi dhuya kar di thi.  

Wo jeep se tek lagaye hi dher ho gaya. Abhi uska sarir zameen par gira bhi nahi tha ki Aparijita action me aa gayi.

Aparijita ne apne haantho me sikari chaku le rakha tha.

Aparijita ne uchhal kar sarak par pahuch ek jhatke me hi khirki se bahar jhakte badmas ki gardan ret di. 

Wo badmas bhi bagair kuchh bole hi dher ho gaya. Uski aankhe aachrya se khuli hui thi jaise use vishwas hi nahi ho raha ho ki maut eise bhi aa sakti hai.  

Apne picche aahat sun Rani picche mur kar abhi dekhna hi chahti thi ki Aparijita ki hatheyilo ne uska munh bheench liya. 

Idhar Ghanshyam aur Amit  ke saath-saath Rohit bhi jeep tak phunch gaya tha.  

Rohit ne darwaja khol kar mare hue badmas ko niche gira diya . 

Dusre taraf se Ghanshayam aur Amit tab tak dusre gate ke kareeb aa chuke the.

Ghanshayam aur Amit ne mil kar Kailash ko bahar nikala jo sadme me jaise jam sa gaya tha. 

Ghanshayam Kailash ko apne kandhe par daal teji se kheto ke andar bhaga . 

Aparijita ne Rohit ko bhi unke peeche jane ka issara kiya.   

Idhar jab Ghanshyam aur baaki log Kailash ko nikal rahe the tab tak Aparijita ne gate khol kar Rani ko sarak par khinch liya tha. 

Rani achhi fighter thi wo Aparijita se mukabla karne ki kosis kar rahi thi. 

Aparijita ka chaku bhi iss hatha-paai me gir gaya tha. 

Rani chilla kar apne saathiyo ko husiyaar karna hi chahti thi ki Aparijita ne uske munh par apne haath jamate hue uske gardan ko ek jhatke me kakri ki tarah tor dala. 

Aparijita ne jeep ke khule darwaje ki taraf jhaanka to use waha rupaiyo se bhara bag dikhai para.
Aparijita ne turant bag nikal kar khet ke andar phenk diya.  

Sabkuchh plan ke mutabik chal raha tha phir bhi ek garbar ho gayi.

Pata nahi kaise Jaaga ne kisi kaaran se pichhe mur kar dekha to usne  Rohit ko Amit ke picche  bhagte hue dekha. 

Rohit ne zarorat se jayada hi samay le liya tha. Plan ke mutabik Ghanshyam sabse aage tha; uske pichhe Amit tha jo Ghanshyam ko cover kar raha tha. Rohit ko Ghanshyam aur Amit ke madad ke liye unke peeche hona tha taaki wo Kailash ko surakshit pahucha zald waaps aa sake.

 Par Rohit jaane se pahle jeep ke pichhle hisse ke paas mare badmaas ka gun uthane ke baad mare badmaas ke belt me lage magazine ko nikalne laga tha. Usne oat bhi nahi le rakha tha jiski wajah se uska sirf sar hi jeep se chhipa tha. Yehi wajah thi ki jab wo Amit ke picche bhaga to Jagga ke nazaro me aa gaya. 

Jagga ne turant firing suru kar di.


Ek goli Rohit ke jaangh ko pharti hui nikal gayi.

Rohit wahi gir para. 

Tabhi dusri goli Rohit ke sar ko ragarti huye gujar gayi.  Rohit sar par lagi chot ke kaaran hosh khone laga tha. 

Aparijita ne jaise hi Rohit ko girte dekha wo turant apni revolver se Jagga ki taraf fire karte huye Rohit ke taraf bhaagi. 

Aparijita Rohit ke paas pahuch use apne kandhe par daal ek lambi chhalang laga khet me ghus gayi.

Jagga aur uske dono sathi firing karte huye jeep ki taraf bhaage aa rahe the. 

Aparijita teji se khet ke andar chuupai gayi bike ki taraf bhaag rahi thi. 

Aparijita ruk-ruk kar picche fire bhi kar rahi thi. 

Charwahe ke paas chhipa Arjun bhi golibaari hote dekh jeep ki taraf dana-dan fire karne laga. 

Aparijita ki furti dekh kar Amit aur Ghanshyam aacharyachakit the. Wo Rohit ko kandhe par daal eise daur rahi thi ki jaise usne apne kandho par insaan nahi balki koi phulo se bhari chhoti tokri rakhi ho.  

Amit bhi badmaaso ko aage badhne se rokne ke liye bich-bich me pichhe fire kar raha tha.

Teen taraf se khud par fire hote dekh Jagga khet me aane ki himmat nahi kar saka. 

Teeno badmaas jeep start kar aage bhaage.

Jagga ne driver ki seat sambhali hui thi. Rani aur unke 2 saathiyo ki laas jeep ke pichhle hisse me rakhi thi. Jagga ke saath aage Kallo baitha tha. Bich wali seat par Kallo ka chhota bhai baitha tha.

Aparijita ne kheto me bhagte hue Japu ko phone kiya.


"Japu, Ramdayalji ke larke ko chhura liya gaya hai. Par Rohit zakhmi ho gaya hai.  Isliye Kailash ke saath use bhi gaun bhej rahe hain.  Main unke peeche jaa rahi hoon. Baaki log peeche se aayenge. Tumlog jeep se nahar wale pool ka raasta band kar position le lo. Jeep me is waqt sirf 3 hi badmaas  hai. Jaise hi unki jeep aate dikhe jeep ke tyres ko burst kar unhe rokne ki kosis karna."  

Idhar Aparijita aur uske saathi apne bikes ke paas phunch chuke the. 

Aparijita ke kandhe par para Rohit ab tak puri tarah hosh kho chuka tha. 

"Plan me thori tabdili hai. Ghanshyam aur tumlog Kailash aur Rohit ko gaun waalo ke haatho me surakshit pahuncha kar teji se nahar wale pool par aao. Main wahi ja rahi hoon." Itna kah kar Aparijita teji se motorcycle ki aur bhagi.

Ghanshyam aur Ramdayalji ka larka Kailash moped par nikal pare. Amit aur ab tak waha aa pahuche Arjun behosh Rohit ke saath bike par unke peeche chal pare. Unki manjil 500 meter ki duri par unke intzaar me khare gaunwalo tak thi. Rohit aur Kailash ko gaaunwaalo ke hifaazat me chhor nahar wale pool tak sabhi zald se zald pahunchna chahte the.

Aparijita sarak ka raasta chhor kheto ke mer par apni bike teji se bhaga rahi thi. Patli mer par bike bhagaane me kafi dikkat aa rahi thi. 

Patli mer par utni speed me bike chalana kisi professional stunt karne waala hi kar sakta tha kyuki iske liye skill, himmat aur concentartion ki acchi taalmel ki jaroorat thi.

Jeep ko nikale kuchh minute bit chuke the. Isliye Aparijita ke paas jeep ko nahar se pahle pakarne ke liye shortcut lene ke aalawa koi chaara bhi nahi tha. 

Motorcycle rah-rah kar 1-1 feet uchhal rahi thi par Aparijita ke chehre par koi sikan bhi nahi dikh rahi thi. 

------------------------------------------------------------------

Dusri taraf Gopu aur Dinesh ek musibat me phas gaye the jiske karan wo Japu ke paas ab tak nahi pahunch paaye the.  Nahar wale pool se kuch peeche hi unki motorcycle ki chain tutne ke kaaran dono jhatake se sarak par gir pare the. 

Gopu aur Dinesh mamuli taur par ghayal bhi huye the. Dinesh ka mobile bhi sarak ke paas ki jhariyo me gum ho gaya tha jabki Gopu ka phone accident ki vajah se eisa band hoya tha ki on hi nahi ho raha tha.

"Dinesh, mera to phone hi band ho gaya hai aur tumhara mil hi nahi raha hai. Idhar motorcycle bhi chalne ki halat me nahi hai.  Udhar Japu aur Suresh hamara wait kar rahe honge. Hum unhe apne late hone ki khabar bhi nahi de sakte hai." Gopu ne karahte hue kaha.

"Gopu bhai, plan ke mutabik hume unke sath milkar badmaaso ko saamne se gherna tha,  madam aur baaki log peeche se gherne waale the. Par hamare naa pahunchne se Japu aur Suresh kamzor par jayenge."

"Chhor sarak ko, hum in pangdandiyo se chalkar Japu tak pahunchenge. Hum unhe akela nahi chhor sakte."  Gopu ne Dinesh ko ek pangdandi ki or issara karte hue kaha.

------------------------------------------------------------------
Gopu aur Dinesh ek dusre ko shahara dete hue uthe.

Dono apne hatiyar sambhale pangdandi par langrate hue bhagne lage. Dono ko taaja bane zakhmo ke kaaran dard ho raha tha par Japu aur Suresh ki chinta dono ko us haalat me bhi bhaga rahi thi.

Dusri taraf badmaas jeep se nahar ke pool tak pahunchne hi wale the.

Japu aur Suresh ne police Jeep pool ke anadar pahunchane ke raaste par khari kar position le  Jeep ke peeche khare the.

Aparijita khet ke raaste se nahar tak bas pahunchne hi wali thi.

"Saala,  ekbaar mujhe yaha se nikal jaane de phir ek-ek police walo ko chun-chun kar marunga. Haramzado ne bari husayari dikhayi. Pahle to saala main road se kacche raaste par bhej diya aur phir janwaro se raasta block karke launde ko churra liya. Rupaiya to nikal hi gaya. Rani aur 2 sathiyo ko bhi khona para." Jagga jeep chalata hua barbara raha tha.

Tabhi Jagga ko dur nahar ke pool par police jeep khari dikayi di.

"Saalo, apne ko bahut bara ser samajh rahe ho. Abhi dikhata hoon ki Jagga se panga lene walo ka mai kya haal karta hoon." Jagga gusse me chillaya.

----------------------------------------------------------------------

Jeep teji se nahar waale pool ke paas pahuch rahi thi.

Jagga ke issare pe Kallo ke chhote bhai ne Jeep ke picchle hisse me rakhe ek bare se bag se 3 AK-47 nikal sabko 1-1 AK-47 pakra diya.

 Kailash ko surakshit zald se zald nikalne ke chakkar me Aparijita aur uske saathiyo ne jeep ke pichhle hisse ki talasi nahi li thi.  Aparijita rupaiyo se bhara bag uthane ke baad kuchh karti uske pahle hi Rohit ki bewabkufi ke kaaran use waha se hatna par gaya tha.

"Tum dono seat ko  jor se pakar lo. Main police wali jeep me side se jor se takaar maar kar raasta clear karunga. Raasta clear hote hi tumlog police walo ko bhun dena." Jagga daant pissta hua bola.

Suresh ne jeep khari karne me thori galti kar di thi.  Jeep ko usne pool ke andar ke taraf se naa khara kar pool ke saamne aara khara kiya tha jiske karan agar police jeep ko thora sa dhakel diya jata to pool ka raasta clear ho jata. Par jeep ke iss position me rahne se ek fayda yeh bhi tha ki jeep ke peeche position lene ke liye kaafi jagah thi .

Suresh ne Gopu aur Dinesh ko dhyan me rakh kar eise position me jeep khari kiya tha par Gopu aur Dinesh ab tak nahi pahuche the. 

Gopu aur Dinesh ke naa pahunchne par Suresh jeep ko pool ke andar ghusane ke baare me soch hi raha tha ki badmaso ki jeep aandhi-toofan ki tarah apni taraf aati dekh usne jeep se door bhagne ki kosis ki.
-------------------------------------------

Jeep toofani raftaar se Suresh ki taraf jhapti aa rahi thi.

Japu ek per ke peeche se raaste par nisaana laage baitha tha. Usne turant hi jeep par firing suru kar diya. Theek usi waqt Jeep ke dahine taraf se kheto ki mer par motorcycle lagbahg urati hui Aparijita bhi prakat huyi.

Japu ki chalayi kai goliya jagga ke aas paas se gujari.

 Suresh ne bhi bhagte-bhagte firing ki.

Suresh dwara chalai ek goli Jagga ke kandhe me jaa ghusi; par usne jeep ki raftaar kam nahi ki.

Jagaa ne police jeep me teji se dhakka mara jiske kaaran police jeep pool ke raaste ke paas khare do pero ke beech jaa phas gayi.

Police Jeep ke piche position liya Suresh jhatke me door ja gira.  Uske dahine haanth aur mathe par chot aayi thi.

Suresh ke haath se gun bhi nikal kar police jeep ke niche dab gaya tha.

Suresh ke aankho ke saamne sar par lagi chot ke andhera chhane raha tha. Wo teji se apna hosh khota jaa raha tha.

Suresh ko girte dekh Japu daur kar Suresh ke paas pahunch use ghasitate huye apne position par laane bhaga.

Jagga apni jeep thora pecche karke pool se nikalne ki kosis karne laga.

Tabhi dahine taraf se Aparijita ki motorcycle hawa me aati huye dikhayi pari.

Aparijita ne hawa me uthe motorcycle se hi jeep ke agle pahiye par firing ki.

 Ek dhamake ke saath Jeep ka agla pahiya burst ho gaya.

Jeep unbalance ho chuki thi.

Jagga ne Jeep sambhalne ki kosis ki par jeep lahrati hui pool se jaa takrayi.

------------------------------------------------------------------

Jeep pool par buri tarah se ataki pari thi. Uska agla dahina pahiya  burst ho chuka tha aur baaya pahiya pool ke railing ko torte hue bahar jhul raha tha. 

Jeep pool me aari teerchi hokar phasi hui thi. Jeep ka aage ka sisa gayab ho chuka tha. Driver ki taraf wala agla darwaja anatho ki tarah ukhara zameen par para tha. 

Abhi Jagga aur uske sathi puri tarah se jhatake se ubare bhi nahi the ki Japu aur Aparijita dwara chalai jaa rahi goliyo ne unki khair-khabar leni suru kar di.

Jagga aur Kallo jaldi se driver ki taraf wali seat se  bahar nikal bhagne ki kosis karne lage. Par Japu aur Aparijita ki chalayi jaa rahi golyino ne unhe jeep ke aar me chhipane ko majboor kar diya. 

Kallo ka bhai abhi tak jeep ke andar se hi firing kar raha tha. Uske taraf ka darwaja takkar se jaam ho chuka tha. Usne do baar uth kar aage ki seat ki tarf aane ki kosis ki par dono baar do goliya uske kaano ko hawa deti hui gujar gayi.

Jagga aur uske sathiyo par abhi dahine aur baaye dono taraf se goliya chal rahi thi. 

---------------------------------------------------------------------
Aparijita dheere dheere jeep ki aur badh rahi thi. 

Jeep rah-rah kar hil rahi thi. Yeh lagne lag tha ki jeep bas ab nahar me girne hi wali hai.  Kallo apne bhai ko gaaliya dete hue kah raha tha ki iss se pahle Jeep nahar me gire wo waha se nikal jaye. 

Jeep me phasa Kallo ka chhota bhai Aparijita ko Jeep ki taraf badhta dekh bokhala gaya. Usne apne baaye taraf ke darwaje ko try kiya to use khulta paaya.

Kallo ka bhai harbara kar jeap se utar jeep ke peeche se ghera kaat kar Jagga ki taraf bhaga.

Abhi wo jeep ke pecche pahuncha hi tha ki Japu ki chalyi ek goli uske pair me jaa dhasi. 

Abhi bechare ke munh se aah bhi nahi nikali paayi thi ki tabhi Aparijita ki chalayi goli uske gardan me ghus gayi.

"Bhaiya, hamra bacha laa!" usne Kallo se guhaar lagai.

Japu per ke peeche se nikal kar jeep ki taraf badh pool ke bilkul sidhe aake khet me ghush kar ek pathaar ke aar se goliya chalane laga. 

Aparijita abhi bhi pool se thori duri par thi. 

Gopu aur Dinesh abhi bhi apne sathiyo se kuchh duri par the. Unke kaano me goliyo ki awaaz aa rahi thi. 

Kuchh hi palo me Gopu aur Dinesh ko Aparijita aur Japu badmaaso se loha lete dikhayi diye par baaki log kahi nahi dikh rahe the.

"Dinesh,  Madam aur Japu  badmasso se bhire hain; baaki log kisi vajah se saath nahi dikh rahe hai. Hume aur teji dikhani paregi." Gopu Dinesh ka haath pakar khichta hua kaha.

Pool ke dusri taraf se gaun ka ek naujawan motorcycle se chala aa raha tha. Wo agle kuchh minutes me pool par pahunchane hi wala tha. 

Naujawan ne mobile par full volume me ek English song laga rakha tha. Wo naujawan kisi call center me job dhundh raha tha par uski angreji zaroorat se jayada garib thi. Kisi ne use English gaane aur news sunane aur Hollywood ki movie dekhne ki salah  di thi.  Uske baad se wo har waqt kaan me earphone lagaye English gaane sunta logo ko dikhta tha.

Idhar Kallo apne bhai ke paas rengta hua pahunch gaya tha.

"Tu ghabra mat, munna. Hum tuhara bacha leb."  Wo apne bhai ko santawna de raha tha.

Kallo apne bhai ko khich Jagga ki taraf laane ki kosis kar raha tha.

------------------------------------------------------------------

Idhar Gopu ab Japu ke paas pahunchane hi wala tha. Usne Suresh ko ek per ke niche bekhabar leta hua dekha. 

Gopu aur Dinesh firing karte huye Japu ki madad karne uski taraf bhage. 

Dusri taraf Jagga aur Kallo 2 aur policewalo ko aate dekh kar bhokhala gaye. 

Theek usi waqt zakhmi Kallo ke bhai ne dam tor diya.

Kallo gusse me pagal ho kar Japu ki taraf daurna hi chahta tha ki  Jagga ne uska  haath pakar ke wapas kheech liya.

"Saale, marne jaa raha hai. Pahle 3 policeye the aur ab wo 5 ho jayenge. Yaha se nikalne ki kosis kar. Hum inse baad me gin-gin kar badla lenge. Ek baar wo dono police wale aake inse mil gaye to hum yaha se kabhi zinda nahi nikal payenge. Jeep se aage ka raasta band hai; isliye wo paidal hi idhar aa sakte hai. Udhar dekh aage kuchh dur baad jungle suru ho raha hai. Ekbaar hum jungle me ghus gaye to phir inke haanth nahi aayenge."  Jagga ne Kallo ko samjhate hue kaha.

--------------------------------------------------------------------------

"Japu bhai, daten rahu. Hum aa gaye hain."   Dinesh ne dur se hi hank lagayi.  

Gopu aur Dinesh ne hawa me golia chala kar badmaso ko dikhaya ki wo bhi hatiyarband hain.

Japu aur Aparijita ne kai baar aage badhe ki kosis ki par AK-47 ki burst fire ke aage mazbooran unhe picche hatna para. 

Idhar Jagga aur Kallo bhi phase pare the. AK-47 ki baaki magzines picche bag me pare the; par waha tak pahunchne ko kosis karte hi  Aparijita aur Japu ki goliyan unka chuban lene unki or lapkati thi. 

Dono taraf se ab goliyan ruk-ruk kar chal rahi thi jo kabhi-kabar tej bhi ho jaati thi. 

Ghanshyan, Arjun aur Amit moped aur motocycle par kuchh hi minutes me waha pahunchne wale the. Unke kaano me bhi golibaari ki awaaz aa rahi thi. 

Ghanshyam ne AK-47 ki burst fire se anumaan laga liya tha ki agar unhe der ho gayi to badmaaso ki toli Aparijita aur baaki sathiyo par bhari par jaayeegi. 

Ab tak excitement ke kaaran Japu ka zehan saari parishityio ko dhang se nahi samajh paya tha; par golibaari ke dheere hote hi usne gaur kiya to paaya ki agar wo dono badmaas jeep ki oat se bahar aa uspar jhapte to uska raam naam satya ho jaane wala tha. Iss baat ka dhyan aate hi Japu ke sarir ne pasina chhor diya.

Eisa nahi tha ki Kallo aur Jagga ko Japu ke position ki khaami pata nahi thi. Par Aparijita ne eisa position ne rakha tha ki unhe japu tak pahuchne ka irrada taygna para tha. 

Pool ki railing lohe aur lakri ke madad se bani thi, iss kaaran golia aasani se gap me se paar ho rahi thi. Jab bhi Jagga aur kallo jeep ki oat se nikal kar pool paar karna chahte to Aparijita aur japu dwara chalayi gayi goliyaa unhe hello bolne aa jaati.   

Japu ne Gopu aur Dinesh ko dekh kar khushi me pathhar ki oat se bahar aa daur kar un tak pahunchna chaha. Uski kismat acchi thi Jagga ki chalayi goli uske bajaye uski gun par jaa lagi.

japu ki gun ke naal ke chithare udd gaye. 

Japu bhag kar phir se pathaar ke peeche jaa chhipa. 

Jagga kafi accha nisanebaaz tha. Policewalo ki kismat aachi thi ki koi bhi uske direct nissane par nahi tha.

Dinesh aur Gopu kheto se hote huye Japu ki taraf bhaage.
Wo beech-beech me goliya bhi chala rahe the.
Abhi wo Japu ke paas pahunchne hi wale the ki Dinesh ki gun ein mauke par dhoka de jaam ho gayi.

Dinesh bhokhala kar achanak ruk kar apni gun theek karne ki kosis karne laga. Par uske achanak ruk jaane ke karan picche teji se daurta Gopu us se aa takraya aur paas ke khet me jaa gira. Khet me kisi fasal ke liye kafi paani jama kiya gaya tha jiske kaaran waha kaafi keechar ho gaya tha. 

Gopu ne khud ko keechar me girne se rokne ke chakkar me gun ko sahara ke taur par istemaal kiya. Natiza yeh hua ki gun keechar me buri taraf dhash gayi.   

Tabhi Jaaga ke madad ke liye call center ka sapne dekhta naujawan pake aam ki tarah uski jholi me aa gira.  

Wo naujawan motorcycle par full volumne me gaana sunte huye jhumata aa raha tha. Yaha itni goliya chal rahi thi par wo inse bekhabar jhumta hua pool par bas pahunchne hi wala tha. 

Naujawan gaane me puri tarah se dub chuka tha. Wo beech beech me bike par thora uchak-uchak kar apne kamar ko hilata aur "Shake It. Shake it." ka haank lagata jaa raha tha.  Is chakkar me uski bike bhi hil rahi thi par usko iski kaha parwah thi. 

Naujawan ki bike pool par jaise hi chadhi ek goli naujawan  ke gale ke paas se gujari aur uske earphone ko kaatati huyi nikal gayi .

Music band hote hi naujawan ne saamne dekha.

Agle hi pal naujawan ke hosh udh gaye. Saamne bhari golibari ho rahi thi. Aur wo sidhe us taraf mooh uthaye badha jaa raha tha.

Naujawan ne jor se brake laagya. Use pata tha ki rukte- rukte bhi bike badmasso ke paas phunch jayegi. 

Naujawan ne chalti bike se hi nahar me chhlang laga tair kar pool ke niche jaa chhipa. 

Naujawan tharr-tharr kaanpta hua jitne bhi devi-devta ka naam yaad aa raha tha; sabko chadhaba chadhane ka vaada kar raha tha.

Idhar bike ja kar Jagga se kuchh kadam ke duri par giri thi. Bike ka engine abhi bhi chal raha tha. Jagga ne Kallo ko issara kiya aur wo dono bike ke taraf bhage. 

Aparijita ne jab dono ko bike ke taraf bhagte dekha to wo bhi unke taraf jhapti. 

Ab tak Gopu keechar se gun nikal kar Japu tak pahunch chuka tha. 

Kallo peeche fire kar Jagga ko cover de raha tha. 

Jagga kandhe se AK-47 latkaye bike sidha kar raha tha.  

Jagga ne bike sidha karte hi kallo ko apne peeche baitha kar Jagga ne bike daura di.  

Aparijita ne bhagte badmaso ko dekh firing ki. 

Ek goli Kallo ke AK-47 par lagi aur uske haanth se AK-47 nikal kar nahar me jaa gira.

Aparijita ne phir se fire kiya. 

Ab tak bike pool ke aakhri chhor par aa chuki thi. Goli ne murte hue Jgga ke AK-47 ke strap ko kaat diya tha jiske kaaran AK-47 ne bhi Jagga ka saath chhor diya tha. 

Gopu, Japu aur Dinesh bhi pool tak aa chuke the par wo sabhi nihhate the. Japu aur Dinesh ki gun dhoka de gayi thi jabki Gopu ki gun keechar me buri tarah se lithri thi jiske wajah se fire karte hi uske phatne ki sambhawna thi.

Gherab

"Jeep me  4-5 nahi balki 6 badmas hain. Ramdayalji ka beta Kailash beech wale seat me 2 badmaso ke bich me  baitha hai. Peeche wale seat par bhi 2 badmaas hain. Inhi dono ne blocked raaste ko check kiya tha isliye aage bhi sayad wo dono hi  maveshiyo ko hatane ka kaam bhi kare." Aparijita paper par rough sketch banate hue apne saathio se mukhatib thi. 

"Peeche wale badmaso ke maveshiyo ko hatane ke liye jaane ke baad jeep me baithe bache 4 logo se hume teji se nipatna parega. Waise maveshiyo ko zaldi hatane ke liye 1-2 badmas sayad aur bhi aage jaa sakte hai. Hume pahli prathimkta har haalat me larke ko sahi salamat riha karwana hai." Aparijita apne saathiyo ke saath attack ki final planning ko duhra rahi thi.

"Ghanshyam aur Amit khet ke us hisse me chhip jayenge. Rohit aur main iss taraf honge. Arjun charwahe ke saath rahega aur chhip kar dhyan rakhega ki kaam charwaha plan ke mutabik hi kaam kare. Saara plan maveshiyo ki jeep ke saamne aane ki timing par depend karta hai. Main yaha se Arjun ko phone se issara karungi. Issara milte hi Arjun charwale ke saath milkar maveshiyo ko sarak par khader dega." itna kah Aparijita ne Arjun ko issara kiya.

Arjun bhagta hua charwahe ke paas pahuch use himmat badhane laga.

"Ghanshaym, tum mere issare ka intazar karna."  Aparijita ne ek silencer Ghanshyam ko dete hue kaha aur khud bhi apne revolver par ek silencer lagaya.

Sabhi uche-uche ganne ke kheto me chhup gaye.

Tabhi  jeep aati dikhayi di.

Aparijita ne maveshiyo ko haankne ke liye phone kar diya. 

Agle hi pal us kachhi sarak par saikro maveshi dikh rahe the. Maveshio ne pure raaste ko gher rakha tha. 

"Saala. Aaj ka din hi kharab hai. Pahle per ki vajah se raasta badlana para aur ab inn maveshio ke vajah se late ho rahe hain. Ye, Kallo tum dono aage jaa kar maveshiyo ko haank kar kheto me utaar do."  Jagga ne apne saamne maveshiyo ke jhund ko dekh khijte huye kaha. 

Yeh waqt maveshiyo ka charagah tak jaane ka tha isliye Jagga ko ek baar bhi nahi laga ki isme koi shadyantr(षड्यंत्र) bhi ho sakti hai. 

Jeep ke picche wale hisse se Kallo aur uska bhai nikal kar maveshiyo ko kheto me haankne lage.

Magar maveshi apne daily ke raaste se aasani se hatne ko taiyar nahi the. Kheto me utaar dene ke baad bhi unme se kuchh  vapas sarak par aa ja rahe the.  

Jagga yeh dekh kar aur kalap gaya. 

Jagga khud bhi utar kar gaaliya deta maveshiyo ko hatane pahuncha. 

Ab jeep me 3 log bache the. Driver ki seat par Rani aur beech wale seat par Kailash ke saath 2 badmas.

Idhar Jagga aur saathi maveshiyo ko bhagate-bhagate jeep se kuchh aage badh gaye the. Tabhi jeep me baithe 1 badmas ne 1 gaanje wali cigarette jalayi .

"Harami, tujhe kitni baar kaha hai ki yeh chhor de. Phenk isse bahar." Rani ne gusse me gaanje ki mahak paate hi us badmas ko jhirka. 

"Rani tu bhi hamesa iske picche pari rahti hai. Jagga jab pita hai tab to tere munh se kuchh nahi nikalta hai. Bhai, tu jeep ke bahar jaa kar pi." Dusre badmas ne beech ka raasta nikalta hua kaha. 

Cigarette jalane wala badmas jeep se baahar jaa cigarette phukne laga.

"Saale, agar Jagga ne use bahar dekh liya to hamari khair nahi. Tune use bahar jaane ko kaha aur wo harami bhi bina soche samjhe bahar chala gaya." Rani ne gusse me daant piste hue kaha.  

Rani ki baat ka us badmas ne koi notice na le khirki kholkar bahar dekhne laga. 

Khirki se baahar dekh raha badmas Aparijita ki taraf tha, jabki uska saathi Jagga ki nazaro se dur jeep ke pichhle hisse se tek laga kar cigarette phunk raha tha. 

Aparijita phone par Ghanshyam se dhire-dhire baat kar rahi thi. 

"Main miss call se tumhe issara karungi to tum pichhe wale badmas ko uda dena aur main idhar jeep ke paas pahunch kar dusre badmas ko dekh lungi. Dusre badmas ke dher hote hi tum log Kailash ko lekar khet me ghus jaana aur bheetar hi bheetar apne motorcycle tak pahunch kar gaon me Kailash ko 2 sipahiyo ke saath bhej dena.  Idhar hum sab mil ke baakiyo ko bhi nipta denge." 

Aparijita rengte huye khet me aage badhi. Usne Rohit ko wahi chuup kar jeep par nisana lagaye rakhne ko kaha tha taaki agar kuchh garbar ho to wo madad kar sake.

Aparijita ne jeep ke beech wale darwaje ke bilkul karib phunch kar Jeep par nigah daali. Udhar mauzud badmas khirki se mundi nikale aage maveshiyo ki or dekh raha tha.

Aparijita ne Ghanshyam ke phone par miss call di.

Sunday, 17 March 2019

Agni-pariksha ka prarambh

Aparijita dwara banaye plan me Javed khan ka role kafi important tha. Javed waise to mazboot dil ka insaan tha par use iss baat kar dar sata raha tha ki agar wo gaun walo ke saath plan ke pahle stage dhang se naa nibha paaye to saara ka saara plan dhara ka dhara rah jaayega. 

Idhar Ramdayal naa sirf badmaso se samay lene me kamyab ho gaya tha balki Ramdayal ne badmaaso ko apne bete  se milne dene  ke liye bhi mana liya tha. Badmaaso ko kisi tarah Police ki bhanak lag gayi thi, iss baat ko bhi Ramdayal ne apni chalaki se sambhal liya tha. Apne bete se milne gaye Ramdayal ne badmaso ko vishwas dila diya tha ki usne apne bete ki slamati ke liye police walo ko riswat dekar iss mamle se dur rahne ki liye kaha hai. Police jeep ke wapas jaane ki khabar bhi badmaso ko mil chuki thi isliye unhone iss baat ko maan bhi liya.  

Aparijita ke signal milne par ek Ramdayal ka ek naukar motorcycle par ek khali bag Ramdayal ko dena aaya.

Ramdayal bag lekar apne jeep me ghush gaya. 

2-3 minute baad Ramdayal ne phone karke badmaaso ko rakam puri aa jaane ki khabar di.

Ramdayal ko badmaaso ne jeep us makan ke saamne lakar khara karne ko kaha jaha wo chhipe the.

Ramdayal ne Jeep us makan ke saamne khara kiya hi tha ki uska mobile baj utha.

Badmaaso ne Ramdayal ko jeep ke saare darwaje ko khol kar dikhane ko kaha. 

Ramdayal ke darwaje khol kar dikhane ke baad ek chehre naqabposh badmaas ne aake jeep aur rakam check kiya. Us badmas ne OK ka signal dete hi baaki badmaas Kailash ke saath aake jeep me baith gaye.

Sabhi badmasho ne chehre par naqab daal rakha tha. Kailash ke munh par bhi unhone rumaal bandh diya tha. Kailash ke dono haanth ek raasi se bandhe the. 

Kailash jeep ki or jaata hua Ramdayal ki or kaatar nigaho se dekh raha tha.

"Seth. Tera beta gaun ke sarhad par tumhe mil jayega. Agar kisi gaun wale ne piccha karne ki kosis ki to tere bete ki ek-ek boti kaat ke sarak par bhekta jaayunga." Badamaaso ke boss ne  Ramdayal ko dhamkate hue kaha.

Kailash ke aankho par patti baandhne ke baad badmaas jeep lekar chalte bane.  

Ramdayal ne turant Aparijita ko phone lagaya.

"Madam. Wo yaha se abhi-abhi nikale hain.  Wo paanch log hain aur unme ek larki bhi hai. Madamji! Kisi tarah se bhi mere bete ko bacha lijeye. Kailash mera eklauti santaan hai." Ramdayal kahte-khate ro para. usne itne der se jin  aansyun ko rok rakha tha wo sailab ban bah nikale.

"Aap chinta mat kijeye. Hamari pahli kosis hogi ki aapke bete ko sahi- salamat aazad kare aur uske baad hi hum badmasso ko pakarne ki kosis karenge."  Aparijita ne Ramdayal ko aashbat karte hue kaha.

---------------------------------------------------------------------------------------------

Gopu, Javed Khan aur kuchh gaun walo ne truck aur pero ke sahare main sarak ko block kar diya tha. Gopu sarak par nazare garaye apraadhiyo ke aane ke raaste par nazar rakhne ke aalaba kabhi-kabaar apne aas-paas bhi dekh leta tha.

Tabhi Gopu ki nazar bijli ke aari se per kaatne se bane lakri ke burado ki ek chhoti se dher par pari. Iske saath hi ek khaas jagah khare hone par wo jagah bhi aasani se nazar aa jaa rahi thi jaha se pero ko kaata gaya tha.  Agar badmaas udhar kisi tarah se aa jate to unhe pata chal jata ki yeh pero ko unka raasta rokne ke liye giraya gaya hai.  

Gopu ne Javed khan ko un jagaho ko dikhaya.

Zaldi-zaldi sabne mil kar toofan me gire kuchh daliyo aur pero se daliya tor kar iss tarah se phaila diya ki burado ka dher to chhip hi gaya saath hi wo jagah par bhi daalio ki wajah se jaana ab possible nahi tha jaha se kaate gaye pero ki jagah ko dekha jaa sakta tha. 

Abhi Gopu aur Javed iss kaam ka mauyana kar santust ho purane jagaho par aake khare hi huye the ki tabhi Gopu ke mobile baj utha.

Dusri taraf ek gaun wala tha jise badmaaso ki nigraani karte huye Gopu ko khabar dene ki duty di gayi thi. Uske anusaar agle 2-3 minute me hi badmaaso ki jeep Gopu aur Javed ke paas pahunchne waali thi.  

Gopu, Javed Khan aur Dinesh baaki gaunwalo ke saath pero ke peeche chale gaye gaye.

Gopu aur Dinesh apni-apni gun load kar position le chuke the. Gopu ne Javed ki aur dekha to use bhi apni licensee revolver le kar taiyar paaya.  

Badmaso ki gaari truck se 100 meter dur hi ruk gayi.

"Saale, yeh gaun wale kuchh jyada hi smart ban rahe hai. Kallo aur tu jaa kar pata kar.  Yeh per aandhi ki wajah se gire hain yaa gaun walo ne hosiyaari dikhayi hai."  Badmaso ka boss  gusse me ubalta hua apne 2 saathio se bola. 

Do badmas jeep se utar ke raaste me gire per ki taraf badhe. 

Done badmasso ne utarte waqt apne naqab utar diye the.

"Ka bhaiya! E ka garbar hai. E per kab gir gaya."  Kallo ne truck ke pass kulhari se tahni kaat te ek gaun wale se puchha.

"E dekho. Aankh ka andha naam nayansukh!" Ek gaun wale ne jhalaane ki acting karte hue kaha. 

"Kya matlab!"

"Videsh se aaye ho kya? Gaun ke taraf se aa rahe ho aur anjaan ban ke puchh rahe ho ki kya garbar hai. Kal raat me toofan aaya tha usi me per ukhar kar truck par aa gaya. Ab jab tak per ki chhatai nahi hogi truck kaise nikalega? " Dusre gaun wale ne apna haath rokte hue kaha.

"Naaraz kaahe hote ho dost. Kal saam pee kar so gaya tha; isliye toofan ka pata nahi chala."

"Bhaiya, ab aa hi gaye ho to jara madad karo to jaldi raasta saaf ho jayega." Gaunwale ne baat badhate hue kaha.

"Zaroor karta dost. Par hum thora zaldi me hain." Kahte huye Kallo waha se khisak kar apne saathi ke saath truck ke chaaro aur ghum-ghum kar dekhne laga. 

Kallo ghumta hua us jagah ke paas tak pahucha jaahe se kaate gaye pero ko dekha jaa sakta tha par betartib phaile daalio ki wajah se waha tak pahuch nahi paaya.   

Kallo aur uske saathi ko eisa karte dekh Javed Khan ne Gopu ki peeth thapthapai.

Kallo aur uske saathi wapas jeep ki taraf laute.

"Jagga. Hum dono ne check kar liya hai; per bakai toofan se gira hai. Isse saaf karne me gaun walo ko kam se kam 1-1.5 ghante lag jayenge. Yaha se thora picche ek kaccha rasta hai jo aage jake issi sarak par mil jata hai. Mai us raaste se parso hi gaya tha." Kallo ne  apne boss se kaha. 

"Chal baith. Ussi raaste se chalte hai." Jagga ne unhe jeep me baithe ka issara karte huye kaha.

Badmaaso ne Ramdayal ki jeep wapas mor kacche raaste ki or daal di.

Badmaaso ko nahar wale raaste me jaate dekh sabne chain ki saans li.

Aparijita ke plan ka pahla step kaamyabi se pura ho gaya tha.

Gopu ne turant Aparijita ko phone par iski suchna dete huye Dinesh ke saath Japu ke paas jane ke liye chal para. 

--------------------------------------------------------------------------

Idhar jeep ke andar.

"Jagga. Iss launde ne Rani ko pehchaan liya hai."  Kallo ne Jagga  ko bataya.

"To kya hua. Murda bhi kabhi bolta hain. Isko to waise bhi marna tha aur ab to chhorne ka sawal hi nahi hota hai." Jagga ne itne thande swar me kaha ki Kailash ka chehra double roti ki tarah safed par gaya. 

Jagga ke kahne ka andaz eisa tha  ki jaise wo kisi insaan ki nahi balki kisi makhhi-machhar ke maarne ki baat kar raha ho.

"Saali, tera iss launde par dil aa gaya tha kya jo apna chehra isse dikha aayi." Jagga ne jeep chala rahi larki ke gaal par thappar jamate huye kaha.

"Are, us makan me ghusne ke baad jab mai room check kar rahi thi tabhi ek chiriya waha se bhaagi uske pankho ke hawa se dhool mere aankho me ghush gaya.  Isliye mazburi me maine apna naqab aankh saaf karne ke liye utara tha. Tabhi iss haramzade ne dekh liya aur kahne laga ki tum to issi gaun ki ho; mujhe bacha lo."  Rani ne apne hontho ke kone par chhalak aaye khoon ko apne kehuni se saaf karte huye kaha.

"Aage se dhyan rakhiyo; eisi galti mai dowara bardast nahi karunga."  Jagga ne Rani ke khaa jaane waali nazaro se dekhte huye kaha.

--------------------------------------------------------------

Jeep kachhe raaste apne piche dhool ka baadal chhorte huye teji se aage badh rahi thi.

Jeep me aage ke seat par Rani aur Jagga baithe the. Beech wale seat me do badmaso ke bich ramdayalji ka beta Kailash baitha tha aur peeche Kallo ke saath ek aur badmas baitha tha jo Kallo ka saga bhai tha.

Sabhi ne apne apne naqab nikal diye the. 

Ab tak Gopu ke jariye Aparijita ko badmaso ke ginti aur baithne ke position ki jaankari mil chuki thi.

---------------------------------------------

Apharan ki suchna

Ek din subah -subah hi Javed khan ka phone Aparijita ke paas aaya.

 "Madam ! Kuchh badmaso ne  Ramdayalji ke bete ko bandhak bana liya hai. Applog jaldi se yaha aa jayei." Javed khan ne Premnagar ke ek muhalle ka naam batate hue kaha.

 Aparijita iss waqt apne quarter me lunch kar rahi thi. Usne usi waqt Ghanshyam ko phone laga 8 logo ke team ke saath encounter ke liye taiyar hone ko kaha. Usne sabko uniform badal saade  dress me taiyar hone ko kahe. Usne raat ke duty ke staff ko ko bhi thane me pahunchane ko kahne ki liye kah khud uniform ki jagah jeans aur a dheele dhali shirt pahne lagi.

5 minute bad thane se 1 jeep aur 2 motor cycle nikali. 

Ek motorcycle par Ghanshyam aur Amit naam ka ek constable saadi dress me the aur dusre par Gopu aur Dinesh naam ka constable saadi dress me the. Jeep me Aparijita ke aalaba 4 constable aur bhi the.
Jeep Suresh chala raha tha. Jeep me Rohit aur Japu ke alawa Arjun naam ka constable bhi tha. Harilal thane me tha. Abhi tak raat duty ke staff thane nahi pahuche the. 

5-7  minute baad hi ye kaafila Javed Khan ke bataye jagah se kuchh pahle pahuch ruk gaya.
Javed Khan jeep ki or badha. 

"Madam. Subah-subah jab Ramdayalji ka beta Kailash kheto se laut raha tha; takriban 4-5 logo ne use jabardasti us jeep me daal liya. Ek gaun wale ne Kailash ko bachao-bachao chillate sun liya. Usne daur ke baaki khet me kaam karne wale logo ko apharan ke baare me bata turant mujhe bhi phone kiya."  Javed Khan ne ek jeep ki aur issara karte hue kaha.

"Idhar main gaun walo ko ikkatha kar raha tha aur udhar khet me kaam kar rahe logo ne waha se nikalne wale raasto ko bailgariyo aur maveshio se band kar diya tha. Jab badmaaso ko bhagne ki jagah nahi mili to unhone jeep ko kheto me utaar diya.  Wo kheto se jeep durate huye yaha pahunche. Yaha hum gaun wale pahle se hi ghera daale baithe the." Javed khan ne haath ke issare se un jagho ke baare me bataya.

"Hum logo ne jab unhe khaderna suru kiya to unlogo ne golibari karte huye jeep bhagani suru kar di.  Par wo jyada bhaag nahi paaye aur unki Jeep us per se takra ke ruk gayi. Humloh unki or daure to wo Kailash ko leke us naye ban rahe makan me ghus gaye . Kuch gaunwalo ne us makan tak jaane ki kosis ki to unhone phir se golibaari suru kar di jisme 4 gaun wale zakhmi ho gaye hai. Unhone uske baad mujshe aur Ramdayalji se phone par baat ki hai. Wo gaun se surakashit nikalne aur firauti ki rakam milne ke baad hi Kailash ko chhorne ki baat kah rahe hain. Unhone dhamki di hai agar humne us makan ki aur najdeek jaane ki kosis ki to wo Kailash ko maar denge." Javed khan ne ek saans me hi saari baate kah daali.

Aparijita ne sabse pahle chharo zakhmi logo ko Suresh, Japu aur 2 gaunwalo ke saath Premanagar ke hospital me pahucha turant vapas aane ko kaha. Kisi bhi gaaunwaale ko jaanleba zakham nahi laga tha. 

Tabhi Ramdayal apni jeep me badhawas waha pahuncha.  

Aparijita ne Ramdayal se akele me baatchit suru kar di. 

Ramdayal ne Aparijita ko bataya ki kal hi usne ek business deal ghar par final ki thi jis se 50 lakh mile the. In badmaso ko rakam ke baare me pata hai aur wo Kailash ke chhorne ki wahi keemat chahte hai. Saath hi wo bhagne ke liye Ramdayal ki jeep bhi chahte hai. 

"Apne unse yeh to nahi kaha ki aap saare rakam ek saath la rahe hain." Aparijita ke deemag me ek idea aa raha tha.

"Nahi madam." Ramdayal ne bataya.

Achanak Ramdayal ko Aparijita dwara uthaya jaane waale kadam ki or se kuchh aashanka mahsoos hua. 

"Madam mujhe rupayo ki itni parwah nahi hai.  Rupaye to aate-jaate rahenge par beta ... Agar aaplog kahenge to aaplogo ko alag se dunga, bas mere bete ko sahi salamat bacha lijeye."

Ramdayal ke chehra safed ho chala tha. Uska pura sarir thandhe mausam me bhu paseene se tar tha. Wo baichaini se apne hateylio ko apas me ragar raha tha. Uske honth farfara rahe the maano wo bari siddat se apni rulayi ko phoot parne se rok raha hain.

"Hoon. Aapke offer ka main dhyan rakhungi. Filhaal aap unse phone par baat kijeye." Aparijita ne Ramdyalji ka kandha dhapdhapte hue kaha.

"Unhe bataiye ki aap abhi 30 lakh leke aaye hain kyoki 20 lakh aapne sahar kisi saude ke liye thori der pahle hi bheja hai. Wo rakam aapne wapas manga li hai jo ki 20-25 minute ke andar hi  aa jayegi." Aparijita ne Ramdayalji ko thora time maangne ka tarika bataya.

"Aapko unse apne bete ko dekhne aur baat karane ke liye bhi kahna hai.  Aapki kosis yeh honi chahiye ki jab aap waha jaaye to kisi bhi tarah se unse mile aur hume thora samay dila sake. Haan ek baat aur firoti ki rakam aur baaki baaten sirf humdono ke beech hi rahe."  

"Madam, main apne jaante puri kosis karunga ki kisi tarah us makan ke andar tak jaa saku. Main samjahta hoon ki aapko unke baare me kuchh jaankari chahiye aur isi liye mujhe andar jaane ko kah rahi hain."   Yeh kah kar Ramdayalji phone par badmaso se contact karne ki kosis karne laga.

Aparijita Javed Khan aur apne staff ke logo ke saath aage ka plan banane lagi.

"Chaila se aage nahi jaya jaa sakta hai  isliye badmaas us taraf nahi jayenge. Wo eise kisi bhi raaste par nahi jayenge jaha unko baad me ghera jaa sakta hai. Isliye wo yaha se bhagne ke liye sahar ka raasta hi chunenge. Sahar jaane wali sarak  aage nahar  wali kachhi sarak se milti hain jo kheto se hote hue phir aage jaake main sarak par mil jaati hai."

Aparijita ek second ke liye chup ho Javed Khan ki or dekh yeh jaanane ki kosis ki Javed uski jaankari se sahmat hai ya nahi.  Javed khan aur baaki staff ke gardan hila kar haan kahne par wo phir aage ka plan batane lagi.

"Javed Bhai. Maine abhi raaste me ek baalu se bhare truck ko dekha tha. Aap apne saath kuchh gaun walo ke saath us truck ke saath sahar wali sarak par pahunche aur jaha  nahar wali sarak alag ho rahi hai  us se 100 meter aage truck aur raaste ke per ke sahare sarak ko iss tarah se block kar dijeye ki aage koi bhi gaari naa ja sake." Aparijita ne ek paper par rough sketch banate hue kaha.

"Mujhe bataya gaya tha ki gram-panchayat ke paas bijli wali aari hai. Aaplog 3-4 pero ko iss tarah se kaat ke sarak aur truck par girayie ki truck usme phansa najar aaye.  Cheeje sandgidh naa lage isliye 2-3 gaun wale waha truck ko nikalne ke liye un pero ki tahniya katate dikhne chahiye."

Aparijita ne phir ek baar apne shrotao ki or dekh aage plan batane lagi.

"Kal raat me jabardast tuffan aaya tha isliye raaste me pare per se  unhe utna shaq nahi hoga. Wolog zaldi se bhagne ke liye nahar wala kheto ka raasta chunege. Nahar ke taraf ke kheto me abhi ganne ki unchi-unchi phasal lagi hain. Issi raaste me aage jaakar maveshiyo ke liye chhore gaye charagah ka raasta bhi milta hai." Aparijita ne paper par tezi se inn jagho ki rough sketch banate hue kaha. 

"Jaise hi badmaso ke jeep aati dikhayi de to maveshiyo ke jhund ko haank kar jeep ke aage kar dena hai.  Charwaha maveshio ko haank kar waha se dur jaa kar chhip jaayega. Badmaso ko khud hi maveshiyo ko hatana parega.  Abhi tak ke plan me agar kisi ko koi kami nazar aa rahi hai to bataye." Aparijita ne ek baar sabki or baari-baari se dekhte hue puchha. 

"Madam! Hum to unhe main sarak par bhi gher shakte hai, phir itna tedha raasta kyo?" Ghanshyam ne puchha.

"Hamari pahli prathmikta Kailash ko surkashit chhurana hai. Main sarak par hum Kailash ko chupke se nahi chhura sakte hain. Main sarak par dusre taraf se achank koi gaari aa sakti hai jise kabza kar wo badmas bhaag sakte hain. Wo sarak aage jakar kai chhoti moti sarako me mil jaati hai. Agar ek baar wo humare haath se us jagah se nikal bhaage to hum unhe phir pakar nahi sakenge. Nahar wala rasta par hum unhe chupke se gher sakte hai aur unka aage bhagne ka raasta bhi band kar sakte hai." Aparijita ne majboot swar me uttar diya.

Kisi ke kuchh nahi bolne par Aparijita ne aage bolna suru kiya. 

"Maveshiyo ko raaste se hatane ke liye kam se kam 2-3 logo ko jeep se utarna parega aur unhe jeep chhorkar kuchh aage bhi jaana hoga. Waha kehto me  Ghanshyam, Rohit, Amit, Arjun  aur main chuppe rahenge aur Kailash ko chhura kar kheto me ghus jayenge. Hum pahle sirf Kailash ko chhurane par concentrate karenge. Ek baar Kailash humare haat laga to hum teesre step par chalenge." Aparijita ne Rohit, Amit aur Arjun ki aur dekhate hue kaha.

"Japu aur Suesrh  jeep lekar  nahar wali sarak ke pool par rahenege." Aparijita ne ek dusre paper par wo jagah ki sketch banate hue kaha.

"Pero ko kaat kar sarak jaam karne ke liye Gopu aur Dinesh gaun walo ke saath jayenge taaki agar kuchh khatra ho to wo un gaun walo ki hifazat kar sake. Jaise hi badmaso ki jeep main sarak ko chhor nahar wali sarak par muregi to yeh dono motor cycle se main sarak se aage badh kar Japu se mil jayenge. Hamare taraf se Kailash ko chhurane ki suchna milte hi chaaro jeep aur motorcycle se badmasso ko aage se gher lenge." Aparijita ne Suesrh aur Dinesh naam ke do sipahiyo ko dikhate hue kaha. 

"Agar kisi vajah se hum Kailash ko hum niyat jagah par nahi chhura paye to nahar wali pool ko block karke yeh naya prayash kiya jayega." Aparijita ne alternate plan batate hue kaha.

"Javed bhai. Mujhe aapki bike chahiye hogi; aasa hai aapko koi aapati nahi hogi. Ghabariye mat, jo bhi tut-fut hogi uski farpai main apne jeb se turant kar dungi.” Aparijita ne Javed ko kaha.

“Madam , aap to sarminda kar rahi hai. Bike aap le sakti hai. Aap chahe to ye wala moped bhi use kar sakti hai." Javed khan bike ki chhabhi dete hue ek moped ki aur issara karte hue kaha. 

Moped bhi Javed Kahn ka hi tha jo uske ghar ke kaam ke liye uske khaas naukar use karte the. Moped ki chabhi bhi turant Aparijita ko mil gai. 

Thori der me saare log plan ke anusaar lag gaye. Gopu aur Dinesh Javed aur kuchh gaunwalo ke saath raasta block karne nikal pare . Ek Motorcycle par  Ghanshayam aur Amit nikal pare jabki moped Rohit aur Arjun ke paas thi. Japu ko jeep ke saath plan ki jagah par seedhe pahuchane ko mobile par kah diya gaya tha.  Aparijita akeli Javed Khan ki bike par thi.

Thursday, 7 March 2019

Gaun aur jungle

Aparijita drawing-room me apne saamne apne thane ke illake ke ek rough sketch ko gaur se dekh rahi thi. Usne aaj ke round ke dauran Gopu dwara di gayi jankari se bahut had tak santust thi. 

Arpita Gopu ko Sarfarosh se jorna chahti thi par uske liye jaroori tha ki Gopu apne routine job se aage badh ke soche. Usne jis tarah se pahari ke chabutare ke hisse ka reporting ke daurn vivaran diya tha us se uski strong graphical memory ka pata chalta tha. Par sirf yehi khasiyat Gopu ko Sarforash ke layak nahi banati thi. Gopu ki observing aur analysis  power bhi thik-thak thi; par use abhi aur fine-tune karne ki jaroorat thi. 

Illake ka naksa (rough sketch) Aparijita ne hi taiyar kiya tha. Usne thane ko center me rakh kar naksa taiyar kiya tha. Premnagar me postoffice, gramin bank aur ek chhota sa hospital bhi tha.  Premnagar ke pashchim(west) me Abhaipur tha.  Abhaipur ke baad fir kuchh hissa jungle ka tha aur uske baad  Phulpur suru ho jata tha.   Premnagar Sonbhadra se  Phulpur ke dwara jura hua tha. Yehi sarak Premnagar ki pramukh sarak bhi thi. Subah se raat 9 baje tak Premnagar se  Sonbhadra bus aati jati thi. 

 Premnagar ke poorv (east) me ghar aur kheto ke baad jungle suru ho jaata tha.   Pramukh sarak se ek pakki sarak nikali thi jo thane ke paas se hote hue poorv (east) ko gayi thi. Aaj isi sarak par Aparijita aur Gopu ne daura kiya tha. Yeh sarak aage Chaila me khatam hoti thi. Isi sarak ke dakshin (south) disha me ek kachha rasta Premnagar ke kheto se hota hua Dadauli chala gaya tha. Yeh wohi jagah thi jaha Aparijita ne ruk kar sarak ka muyana kiya tha.

Chaila ke peeche pahariyo ka silsila suru ho jaata tha isliye uske baad koi basti nahi thi. Chaila ke uttar (north) aur dakshin me jungle ka illaka tha. Pahari se kai jharne nikalte the. In jharno ka paani 2 jagah jama hokar 2 alag-alag hisse me nadi ke roop me aage nikati thi. Ek dakshin-poorv (south-east) hote hue Dadauli se hote hue aage badhi thi aur dusri uttar-poorv (North-east) hote hue Premnagar ke peeche se nikalti thi.

Dadauli se hokar bahne wali nadi Dadauli aur jungle ke bich boundary ka kaam karti thi. Nadi ke dusri taraf aur bhi jayada ghana jungle tha.  Dadauli se aage badhne par iss nadi me ghane jungle se aati kai aur chooti nadiya mil jaati thi jis se iss me kafi paani ho jata tha. Yeh nadi  aage jakar uttar ke taraf mur gayi thi. Yaha government ne ek chhota sa baandh bana diya tha. Iss baandh  se ek nahar  nikaali gayi thi jo Premnagar aur Abhaipur ke kheto ko paani pahunchata tha. Iss nadi me aage jakar uttar-poorv se aati pahari nadi bhi mil jaati thi. 

Main sarak se baandh  kacche chaure rasste se jura tha. Aam-taur par iss sarak par koi aata jata nahi tha.  Thane se baandh jo ki pashchim ki taraf tha bhi ek kacche raste se jura tha. Iss raste me ek bahut hi khubsurat Radha-Krishan ka mandir tha uski bhi ek itihaas hai jo hum kabhi aur sunenge.  In sarako ke aalaba bhi  kai chhote-mote raaste main sarak se jurati thi jo ya to kisi aur chhoti sarak par khatam ho jati ya fir aage jaa kar band ho jati.

Aparijita ne ek baar fir Arpita ki report padhi. Usme iss baat ka khas taur par jikar tha  ki thane ke hud me aane wale jungle ke illake me kisi anajaan kaaran se na to vishaile saanp hi paaye jate hai aur na hi bare manshari janwar. Aas- paas ke log kisi sadhu ke vardan ko iska kaaran mante the. 

Gaunwalo ka manna tha ki 1857 ke sipahi vidroh me jab kuchh sipahi angrejo se bachte hue yaha ke junglo me aa ke chhipe the tab in deshbahkto ko jungle ke jaanwaro se koi khatra na ho isliye us mahan Sadhu  ke aadesh par saare manshari janwar aur  vishaile saanp nadi paar kar ke bahut ghane jungle me chale gaye the.     

Arpita ke report ke anusaar nadi ke iss paar aur us paar dono taraf ke jungle me 1857 me aur phir baad me Ram Parsad Bismil ke sanghtan "Hindustan Republican Association" ke  sadasyo  dwara kai chhipane ke thikane ke roop me surang aur gupt ghar banaye gaye the. Gyaat thikano ke detail report me diya gaya tha. Saath hi ab tak anajaan thikano ke anumaanit sankhya aur sambhavit jagah ke baare me bhi bataya gaya tha.

Report me iss baat ki aashanka jatai gayi thi ki sayad in me se kuchh jagah ka istemal apradhi kar rahe hai.  Un jagho ka muyana Aparijita khud karna chahti thi.

Aparijita ko iss adventure ke liye ek saathi ki zaroorat thi jo na sirf bahadur ho balki apne dimag ka istemal karke uske saath kadam mila kar chal sake. Gopu iss kaam me Aparijita ka saathi ban  sakta tha. Gopu ka vidhur hona bhi use aurao ke apeksha kuchh extra marks dilwa rahe the. Chuki wo akela tha isliye wo Aparijita ke saath kaafi time inn adventure me de sakta tha.  

-------------------------------------------------------------------

Dusre din subah 5.00 baje Aparijita aur Gopu phir thane ke bahar usi per ke nicche mile. Aaj Aparijita ke cycle me lage basket me ek kapre ka bag rakha tha. 

"Aaj hum thori teji ke saath aawadi wale hisse se nikalenge. Sarak ke paas wale kuchh gharo ka bahar se hi muyana karenge aur phir pahari ki taraf badh jayenge." Aparijita ne Gopu ko aaj anusoochee (schedule) ke baare me bataya.

Subah 5.30 baje tak baje Aparijita aur Gopu phir se pahari ke prakritik chabutare par the.  

Chabutare par pahunchne ke baad dono prakirti ke adbhut drisya ko dekh kar mantrmugdh se khare rah gaye. Purab se Suryadev apne saato ghoro ke saath apni parikarma suru karne wale the. Unke sawagat me prakirti ne lal phulo se path sawara tha; phulo ki lalima se purab ka aasman aur dharti ka milansthal jise kuchh log khistijh bhi kahte hai, dhak gaya tha. Kuchh palo ke baad Suryadev muskaurate hue apne rath par prakat huye. Idhar pahari par baithe panchhiyo ke jhund ne Suryadev  ke sanman me chah-chahate hue gaana suru kar diya mano naye din ke swagat me Suryadev ko apna shardha-suman arpit kar rahe ho.

Naa jane abhi wo dono kab tak prakirti ki sundarta niharte rahte par unka dhyan panchhiyo ke dusre jhund  ne tor diya jo theek unke sar ke kuchh upar se chahchahate hue gujre. 

Aparijita ne jhat se apne bag se ek saktisaali wild-life photography ke liye bana shaktisaali camera nikala aur teji se prakirti ke khubsurat najare ko camere me qaid karne lagi. 

Gopu ne utsuktapurv Aparijita ka bag utha kar usme jhanka.

Bag me Gopu ko ek saktisaali durbin, ek torch, ek shikari chaku  dikha. Gopu ne iss tarah ka shikari chaku isse pahle sirf ek hollywood movie me hi dekhi thi.  Bag me  ek notebook, pen, pani ki ek bottle, raasi ka ek chhota sa bundle aur ek chhota sa first-aid kit bhi para tha. 

Kuchh snaps lene ke baad Aparijita Gopu ke taraf lauti aur kal wali jagah ka ek baar fir se muyana karne ko kaha. 

Dono alag- alag dishayo ka muyana karne ke baad phir se mile.  

"Hamare jaane ke baad se yaha  koi nahi aaya.  Aao aaj hum thora upar chal kar muyana karte hai. "  Aparijita ne upar ki taraf apne kadam badhate hue kaha.

Kuchh aage badh kar Aparijita ruk gayi.

Iss jagah par kaafi unche–unche per the. Aparijita aur Gopu ne kuchh der tak durbin se ghum ghum kar dur tak dekhne ka prayas kiya par ek purane khandhar rupi ghar ke aalwa kuch nahi dikha jabki mili jaankari ke anusaar kam se kam 3-4 jagah to yaha se dikhni chahiye thi. 

Aparijita camera nikal kar khandhar rupi ghar aur uske aas-paas ki photo lene lagi.  Photo lene ke baad usne Ghanshyam aur Harilal ko nirdesh diya ki gaon me pichhle 6-7 mahine me jo bhi log aake base hain un sabhi ka  detail jama kiya jaye.  

 -------------------------------------------------------------------

"Wo per dekh rahe ho. Iski unche daalo par chadkar jungle ke un hisso ko bhi dekha jaa sakta hai jo abhi nahi dekhe jaa paa rahe hain." Aparijita ne Gopu ko ek bahut unche aur bahot puarne per ki ishara karte hue kaha.

"Madam ! Par ispar chadhenge kaise kyoki iska tana itna mota hone ke saath-saath bilkul sidha hai, isliye isse pakar chadha nahi jaa sakta hai." Gopu per ko chharo taraf se dekhne ke baad bola.

"Gaur se dekho. 10-11 feet par iski wo daal aa rahi hai; jisse upar chadha ja sakta hai. Tum apne jute utar kar yaha aayo." 

Gopu ko kucch samajh me nahi aaya ki jute utar kar kya hoga ; phir bhi wo jute utar kar Aparijita ke paas aa gaya jo ki  per ke tane se bilkul sat kar khari thi.

 "Tum mere hatheliyo se hote hue mere kandhe par pahuncho aur phir us daal ko pakar kar upar jaakar durbin se charo aur ka muyana karo." Yeh kah kar Aparijita thora jhuki aur apni  hatheliyo ko aapas me fansa kar khari ho gayi.

"Madam ! Main khara ho jaata hoon aur aap upar chadh kar muyana kar len." Gopu ne thora sakuchate hue kaha.

"Main bhi muyana karungi. Dono ko dekhna isliye jaroori hai taaki kuchh chhute nahi. Ek hafte ke andar saare sandehapasad jagah dhundkar phir sirf unpar hi concentrate karenge. Aur tum ghabrayo nahi; main tumhara bajan sambhal sakti hoon."

Phir dono ne baari baari se us per par chadh kar charo taraf ka muyana kiya to unhe door kuchh khandharo ke nissan mile; jiska photo unhone le liya. Usi waqt Aparijita ko paas ke dusre per jo isse bhi jyada uncha tha; tak pahunchne ka raasta dikhayi dia.  Us per par niche se chadhna kandho par chadh kar bhi  mumkin nahi tha par iss per se uss per ke 2 majboot daalo me 4 feet ka faasla tha. Dono pero ke daal agal-bagal se yu guzar rahe the maano dono ne aapas ek-dusre ko space dene ka faisala kar ke takrab rokte huye apne-apne raaste badh gaye. Aparijita duri aur daalo ki majbooti ka hisab lagate hue Gopu ki aur badhi.

"Gopu ! Kya tum yeh duri chhlaang laga kar paar kar shakte ho. Agar isme kamyab ho gaye to hamara chabutare ki taraf ka muyana khatam ho jayega."

“Madam! Agar thora daurne ki gunjyaish hoti to sayad mai kar leta; par per ki daal par kaise daura ja sakta hai." Gopu  thora hichakte hue kaha.

"Mere dimag me yeh idea hai. Main karti hoon."

 Aparijita per par chadh kar us daal ke kinare khari ho gayi. Gopu ko samajh me nahi aa rah tha ki wo kya karne wali hai.  Aparijita daal ke aaspaas ki patli-patli daliyo ko torne lagi. Uske baad  usne jo kiya usse ek baar to Gopu ka kaleja munh ko aa gaya tha.

Aparijita daal par apne dono haath upar karte huye sidhi khari ho gayi.

Agle hi pal Aparijita ne apne sarir ko dusre daal ki aur girne ke liye chhor diya.

Aparijita ne girte-girte dusre per ki daal ko dono hatheliyo se pakar liya.

 Gopu mooh khole Aparijita ko daal ko dono haatho se pakare latke dekh raha tha.

Aparijita ne dhire-dhire apne sarir ko upar khichna suru kiya. Thori der me hi wo daal par baithi hui najar aa rahi thi. 

Aparijita patli rassi ke sahare Durbin aur camera upar laa chaaro taraf ka muyana kar kuchh aur photo lene ke baad phir rassi ke sahare dono chheje Gopu ko thama diya.

Gopu ko samjah me nahi aa raha tha ki ab Aparijita utaregi kaise kyoki zameen se sabse nazdik ki daal bhi 20 feet ki uchayi par thi. 

Gopu ne Aparijita ko jiss tarah se per se utarte dekhya wo to wah sapne me bhi nahi soch sakta tha. 

Aparijita daal ko pakar kar latakne ke baad us daal ko pakar kar jhulne lagi thio. Gopu ke dekhte hi dekhte Aparijita ne zameen ki taraf chhalang laga thi aur zameen par kudte hi usne kuchh ludhkaniya khai aur phir sidhi khari ho gayi.

Gopu mooh khole khara tha. 

 "Hamari mehnat jaya nahi gayi. Dur ek bara khandahar dikha hai aur paas hi ek jharna bhi hai. Use kisi din check karna parega." 

 Gopu aur Aparijita thori der aur waha bitane ke baad wapas laut chale. 

-------------------------------------------------------------

Gopu aur Aparijita usi tarah agle 5-6 din alag alag dono sarak ke aas-paas ki jungle chhante rahe.  Aparijita sabhi sandigdh jagho ki list banati jaa rahi thi. Usne thane ke aas-paas se jungle me ghush kar pahari tak aur dusre jagaho par pahunchne ka cycle ka raasta dhund nikala tha. Thane ke andar kamro ka kaam bhi khatam ho chuka tha. 

Aparijita ne Gaun ke mukhiya Javed Khan se bhi thane me mulakat kar li thi. Javed Khan waisa hi tha jaisa Arpita ne apni report me likha tha. 

Javed ne Aparijita ko pure support ka vada kiya tha. Javed Aparijita ki knowledge aur baat-chit karne ke tarike se kafi impress tha.  Halaki thane ke staff ne apne taur par puri kosis karke naye logo ki jaanakari taiyar ki thi phir bhi kuchh log chhut sakte the. Isliye Aparijita double check karne me Javed Khan ki madad chahti thi.

"Javed bhai! Aapko aajkal desh ki haalat pata hi hai. Kuchh asamajik tatva logo ko bharka ke aapas me ladwa rahe hain. Hume yeh andesa jataya gaya hai ki Premnagar aur uske aas-paas me eise hi kuchh prayash kiye jaa sakta hain. Iss tarah ki ghatna ghat chukne ke baad mahaul ko phir se pahle jaisa laane me varsho lag jaate hain. Magar logo ke dilo me jo zakham lag jata hai wo kabhi bhar nahi pata. Isliye hamara prayas ye hona chahiye ki iss tarah ki ghatna ki chahar rakhne walo ko benaqab kare taki wo yaha ki shaant fiza me zahar na ghol sake. Aap paancho gaun me pichhle ek saal me basne wale saare logo ke bare me jaankari humse share  kare."

Javed uski baato se sahmat tha aur usne jaankari ikkathha kar 10-12 dino me milne ki baat ki. Uske jane ke baad Aparijita ek baar phir pure staff ke sath meeting kar rahi thi.

"Aap sabhi ne unko diye gaye kaam ko kaafi acche se kiya hai. Yeh kuchh jagah jungle ke andar hain. 3-3 ya 2-2 ke group me aaplog waha tak jayenge aur pata karenge ki waha logo ki rahne ya kabhi kabhi aane ki koi nissani hai ya nahi. Humlog waha ki aur waha apni camere se tasweere khinchenge. In jagho par sabko baari-baari se jana hai taki har koi un jagaho se parichit rahe." Aparijita ne apne laptop par un jagaho ko aur ek chhota sa camera dikhate hue kaha.

"Yeh aaplogo dwara taiyar list hai jisme pichhle 6-7 mahine me apne had ke sabhi gauno me rahne aaye logo ke naam aur pata hain. Aaplogo ko mukhbiro aur gaun me apne jaankaro se inke baare me aur jaankari jama karni hai. Aasha hai ki aage bhi hum ek team nahi balki ek pariwar ki tarah kaam karenge. "

Tabhi darwaje par do larke 2 bari tokri lekar aaye aur Aparijita ke issare par ek kone par rakh kar chale gaye.

"Innam ke taur par mere taraf se aap sab pariwar walo ko saam ka nasta aur aapke ghar walo ke kuchh mithayia."   Aparijita ne tokariyo ki taraf issara karte hue kaha. 

Aparijita vaastav me apne staff dawra ki gayi mehnat se kafi had tak santust thi.  Aparijita maanti thi eise chhote-chhote karyakaram staff members ko apne saath jore rakhne me kafi madad karta hai.
Sabkuchh shaant lag raha tha ki ek ghatna ne Premnagar ki shanti bhang kar di. 

----------------------------------------------------------------------------------------