Kalicharan aur Aparijita ka aamna-saamna

Agle din subah. 

Aparijita apne cabin me baithi saari paristhiyo par vichar kar rahi thi. Aparijita abhi koi eisa kaand nahi chahti thi jo use apne mission se dur bhatkaye; par us kaali raat waali kaarnaama situation ki deemand thi jis se wo nahi bach sakti thi. 

Aparijita usulan kisi balatkari ko zinda chhorna pasand nahi karti thi. Wo aachi tarah se jaanti thi jayadatar maamlo me kanoon ke zarurat se jayada lamba process aparadhi ko bachaane me madadgar saabit hote hai. Nyay prakriya se jura koi na koi shaksh chand chaandi ke sikko ke khanak me kanoon ko bech deta hai ya phir lambe mukadmo se tang aa kar fariyadi aur gawah hi tauba bol dete hain.

Jagga ke baare me abi tak koi nai khabar nahi aayi thi. Idhar Japu ne tantrik ke paas aana jaana suru kar diya tha, par wo abhi tak uske karib nahi pahunch paya tha. 

Aparijita ka dhyan achanak baj rahe phone se tuta. Dusri taraf Javed tha.

Javed ne bataya ki kuchh aur logo ke baare me pata chala hai jinki details dopahar tak panchayat office me aa jayegi jise lekar wo Aparijita se saam me milega.

--------------------------------------------------------------------------------

Jagah-jagah baaris ka pani bhara hone ke karan Aparijita ka jungle adventure abhi band tha. Aur waise bhi usne sabko Jagga ka mamla niptane tak group me rahne ko kaha tha isliye khud akele nikal kar apne banaye rules nahi torna chahti thi.

Dopahar me Kalicharan apne munhlage chamcha aur hamraaz  ke saath Premnagar thana pahuncha. 

Paristhiyo ko bhapne me mahir Kalicharan ko Aparijita se thori der ke baat-chit me hi samajh aa gya ki agar usne chalaki aur payar se kaam nahi nikaala to use aaj naa sirf khaali haanth jana parega, balki use apni barbadi ke baad hi pata chalega ki inlogo ke paas uske khilaaf kya tha. 

Kalicharan ka chamcha jo thano me policewalo ko dhamkane aur unhe apne saath milaane ke liye jaya karta tha; wo itni gahari baat nahi samajh saka. Chamche ka naam bhi uske gun ke anusaar hi tha; Durjan singh.  Durjan Singh ek 6 feet lamba aur kasrati badan ka malik tha. Uske tan ke rang ke aage koyla bhi gora lagta tha. Durjan singh se milne waale har kisi ko iss baat ki prabal sambhana lagti thi ki sayad amvasya ke raat me andhere me wo dikhta bhi nahi hoga.

“O madam! Aap hamaare mantriji ki taqat ko nahi jaanti hai. Inke paisab se chirag jalte hain. Tum cheej kya ho! Tumhare jaise policewaliya to hamare mantri shahab ke bangle par inke saamne nangi naachti hain. Apni kamsin jawani par raham khao aur chup-chap nikaal kar saara saman hume de do.”  Durjan singh ne apni maanspesiya phulate hue kaha. 

Durjan singh ne Aparijita ke pari jaise chehre ko dekh kar apni dhaush jamani chahi thi. Par iska natija jo hua, wo use marte dam tak nahi bhulne waala tha. 

Durjan singh ko pata hi nahi chala kab wo kursi se zameen par gira.

Durjan singh ke aankho ke saamne sirf laal-peele sitare dikh rahe the aur khud ko farsh par kisi mare maveshi ki tarah para paya.  

Durjan singh ne bari muskil se apne ghumte sar ko thama to paya ki uske munh se khoon nikal raha hai; aur uske 2 pile-pile daant khoon se sane zameen par pare uski aur dekh rahe hai.

Durjan ne karahne ke liye munh khola to uske 2 daant aur neeche gir pare. 

Abhi Durjan apne saheed danto ka dhang se matam bhi nahi mana paya tha ki Aparijita ki ek jabardast laat uske pet se takrai. Durjan hawa me urta hua dewaar ke kone se jaa takraya. 

Durjan ke hontho se ek lambi si karah nikal pari. 

Aparijita ne aage badh kar Durjan ko kisi mare kire ki tarah pakar use apne sar se upar kisi weight-lifter ki tarah utha liya.

Kalicharan ka munh Aparijita ki taqat ko dekh kar khula rah gaya.

Kalicharan ko samjah me aa gaya ki agar kuchh aur der Aparijita ne Durjan ki dhulai karti rahi to Durjan ke sarir me koi haddi saabut nahi bachne waali hai. Wo harbara kar Aparijita ko rokne ke liye badha. Tab tak Aparijita ne gande kapro ki potli ki tarah Durjan ko zameen par de patka tha.

“Haramzade, tu mujhe nangi nachwayega.” Aparijita dharati hui Durjan ki or badhte huye boli.

Kalicharan zaldi se Aparijita ke saamne aage minnate karne laga.

“Madam, use maaf kar dijeye. Yeh mere parivaar ke saaman hai. Mere bete ki maut se wo bahut gamzada hai aur iska dimaag theek se kaam nahi kar raha hai. Isliye isne kuch jayada hi bol diya hai. Uske taraf se main maafi maangta hoon.” 

Kalicharan Durjan ko utha kar use thappar marne laga.

“Saale, tujhe baat karne ki tameej nahi hai. Ek lady officer se eise baat karte hai. Chal nikal yaha se.” Yeh kahte hue Kalicharan Durjan ko bahar khari apne car ki aur le jaane laga.

Thori der pahle pahuche Ghanshyam aur Dinesh munh ghuma kar hans rahe the. Ghanshyam ne jab dhraam-dhurum ki awaaz suni to wo Aprijita ki cabin ki aur bhaga aaya tha; par jab usne parde ke aut se Durjan ki dhunayi dekhi to sabko saant rahne ko kah kar darwaaje se sat kar khara ho andar ka maazra dekhne laga tha. 

---------------------------------------------------

Kalicharan ke nikalte hi Aparijita apne chair par aa ke baith gayi. Uske chehre ke bhaav iss kadar normal the maano abhi kuchh hua hi nahi ho. 

Udhar Kalicharan Durjan ko lataar raha tha.

“Abe harami, Pahle se baat bigri hui hai aur us par se tu aag me petrol daal raha hai. Baat samjhni nahi hai par patar-patar zaroor karna hai. Yenhi chupchaap baith; mujhe maamla suljhaane de. Rajneeti ka kakhara nahi aata aur mukhiya ka chunav larna chah raha tha.” 

“Par sahab wo aapko koi value hi nahi de rahi thi. Usko aap eise hi chhor denge.” Durjan ne apna gaal sahlate hue kaha.

“Abhi chupchap tel aur tel ki dhar dekh. Iss karak larki par mera bhi dil aaya hua hai par pahle apna kaam. Raajneeti me apne pahle apna fayda dekha jaata hai. Agar yeh larki hamare fayade ka kaam karti hai to hum sab kuchh bhul jayenge. Larkiyo ki kaun se kami hai. Doodh dene wali gai ka laat khane me bhi harz nahi hota.” Kalicharan ne Durjan ko samjhate hue kaha.

Kalicharan thori der Durjan ko samjhane ke baad ek baar phir Aparijita ke cabin ki aur badha.

“Madam, main ek baar phir Durjan ki harkart ke liye maafi maangta hoon.” Kalicharan ne kursi par baithte hi baat sambhalni chahi .

“Hum dono jaante hai ki aap yaha kyu hain. Isliye sidhe mudde par baat karte hain.” Aparijita ne thore teekhe swar me kaha.

Kalicharan us waqt ko kos raha tha jab usne Durjan ko saath chalne ko kaha tha. Wo jaanta tha, ab agar usne jara si bhi dhaus jamaane ki kosis ki to use yaha se khaali haanth lautna parega. Kalicharan apna munh khol kar aur musibat mol nahi lena chahta tha. Upar se use yeh bhi pata nahi tha inn logo ke paas uske khilaf kya hai.

Jab Kalicharan ne kuchh der tak kuchh nahi bola to Aparijita ne baat suru ki.

“Mantriji, aapko yaha ke staff ke angainst complain nahi karna chahiye tha. Humlogo ne aapka itna lihaj kiya aur aapne uska yeh silaa diya!" Aparijita ne thore naraazgi bhare swar me kaha.

Kalicharan sar jhukaye sun raha tha. Wo tab tak kuchh nahi bolna chahta tha; jabtak ki use yeh naa pata chal jaaye ki inn logo ke paas uske khilaaf kya hai.

"Humne jab dusre din jab maukay-e-baardat ki jagah aur uske aas-paas thori dur tak chhanbin ki to hume ek handy video camera mila. Camera me mauzud recording theek se copy nahi ho raha tha. Maine apne ek jaankaar expert se recoding ko phir se restore karwaya. Maine uski ek copy laptop me rakhi hui hai; aap intminaan se isse meri cabin me baith kar dekhiye. Main aadhe ghante me aati hoon; tab hum iss par baat karenge. Aur haan headphone jaroor laga lijeyga; sayad usme recorded baaten aap dusro ko sunna dene ka risk naa uthana chaahen.” 

Itna kah kar Aparijita ne apne laptop aur headset Kalicharan ko de ek video file chala Kalicharan ke kuchh bolne se pahle hi cabin se baahar nikal gayi. 

Kalicharan ki haalat suspense me kaharab ho rahi thi. Usne headphone baali baat se hi samajh liya tha ki usme eisa kuchh hai jo wo kabhi kisi ka sunna wo gabara nahi kar sakta hai. 

Baahar aa kar Aparijita ne Harilal aur 3 constables ko Phulpur aur Abhaypur bhej waha ke logo ka tantrik ke baare me vichaar pata karne ko kaha. Unke jaane ke 2 minute baad Ghanshyam ne uske issare pe kuchh aur constables ko Chaila aur Dadauli bhej unhe Kalicharan ke bete ki maut par waha ke logo ka  reaction pata karne ka kaam saupa diya. Ab thane me sirf us raat se jure log hi mauzod the.

Aashanka ke badal panch pandavo ke chehre par nazar aa rahe the. 

“Madam, yeh harami Kalicharan yaha kyu aaya hai aur Durjan ki itni dhulayi ke baad bhi wo shaant kaise hai? Kalicharan naag se bhi jayada zahreela hai; isliye ....” Dinesh ne chhutate hi puchha.

Dinesh ki baat puri hone se pahle hi Aparijita ne use rok diya.

“Saari situation control me hai. Mujhe Dinesh ne jab apne teacher ke baare me bataya tha; tabhi maine soch liya tha ki Kalicharan ke pichwaare par laat laga kar usi se rupaiye vasul Dinesh ke teacher ka illaz aur unke family ke support ke liye koi side me kaam suru karawayungi. Kalicharan  kaise react karega wo mujhe doubt tha; isliye uski kaat ke liye maine video banbwaayi thi. Kalicharan ne hum sabke punishment ke liye headoffice me meeting bulwayi thi. Jab mujhe apne niji shutro se yeh pata chala to maine use zameen par laane ke liye bulaba bhej diya. Ab wo yaha se rupaiye dekar bhi jayega aur hume thanks bhi bolega.”  Aparijita ne muskarte hue kaha . 

Panch pandavo ka munh khula rah gaya. Wo to sirf un dono ko maarne tak hi soch paye the; par Aparijita ne kuchh hi minuto me na sirf unhe maarne ka perfect plan bana liya tha balki aane wale khatre se bachne aur Dinesh ke teacher ko help karne ka tarika bhi soch liya tha.

“Bhai, tumlog mera munh kya dekh rahe ho. Dinesh ka Guru dakhsina dene ka waqt nazdeek aa gaya tha; ab uske liye kuchh to karna tha.” Aparijita ne muskurate hue kaha.

Aparijita ke iss baat par sabke chehre khushi se kheel uthe.

--------------------------------------------------------

 Aparijita ke saamne baithe Kalicharan ke chehre se hawaiya udh rahi thi. Video dekhne ke pahle tak wo soch raha tha ki video wala maamla niptaane ke baad kisi bhi tarah se Aparijita ko apne jute ke niche laana hai; par ab uske aankho ke saamne adhera chhaya hua tha.

“Haan to mantriji, lagta hai ki aapko cinema pasand nahi aaya." Aparijita ne Kalicharan ki or teekhi nazaro se dekhte huye kaha.

Pal bhar ko chup rah Aparijita ne baat aage badhayi, par Kalicharan kisi but ki tarah baitha Aparijita ki or dekh raha tha. Kalicharan ke chehre se hawaia ur rahi thi.

"Jab mere paas ye video recover hoke aaya. maine video dekhne ke baad sarsari taur par apne saathio se iss par baat ki.  Tab Dinesh ne aapse apne sambandho ka hawala dekar mujhe ye video aapko saupne ko raaji kar liya tha. Udhar aap apne bete ke antim sanskaar me busy the isliye yeh video aap tak aaj raat ko Dinesh khud lekar jaane wala tha. Par  aapne complaint karke apne pair par khud hi khulhari maar li. Dinesh ne bahoot kosis ki par baaki log iss video ke kharidaar dhoodne lage. Abhi sauda 40 lakh par aakar aage ke negotiation par atki hui hai. ”

Aparijita ne ek baar ruk kar kalicharan ke chehre ki aur dekha jo ab aur safed ho gaya tha.

“Sarkar banane ke liye MLA kharidne wali baat se to thora halla humgama ke baad bhi aap bach jayoge. Par aapke aur dusre mahila pursh MLA, MP, IAS-IPS officers, business man aur patrakaaro ke saath aapke farmhouse me huye orgy parties aur alag-alag jagaho par aapke dusro ke saath rangrailo ki details se kaise bachoge jo date aur jagah ke naam ke saath bataye gaye hain. Aapke bete ne to eise-eise hastiyo ka naam bataya hai jo apna raaj khulte dekh yaa apne pariwaar ka naam bachane ke liye aapki naam ki supari dene me der nahi karenge. Ram-ram! Aapne to apne bhai jaise dost ki beti aur bibi  ko  bhi nahi chhora. Aapka beta aur uska dost bhi video me kahte dikh rahe hai ki unhone aapko khud apni aankho se un dono ke saath sambadh banate dekha hain. ”

Kalicharan girgit ki tarah rang badal jhat se Aparijita ke saamne dandwat ho gaya. 

“Are-are! Yeh aap kya karne lage!” Aparijita ne vyang bhare swar me kahna suru kiya aur last word tak aate-aate uska chehra shakht ho gaya tha.

“Beti! Mujhe maaf kar do. Mai bahut bara gadha hoon. Maine apne logo ke khilaaf complain kar di. .." Kalicharan ka naatak apne charam par tha. Wo khud ko thappre maarta hua kos raha tha.

Kosna khatam kar apne ghariyaali aanshu pochh Kalicharan saudebaazi par aa gaya.

"Mai iss galti ke liye 50 lakh dene ko taiyar hoon . Mujhe iss video ki saari copies de do, please. Main tumhara ehsaan jindgi bhar nahi bhulunga.”  

"Pahle mera pair chhor kar chair par jaa kar baitho!" Aparijita ne apne pair jhatakte hue kaha.

Kalicharan apna dum daba chupchaap chair par baith gaya.

"Aajkal ki raajneeti me kya ho raha  hai wo kisi se chhupa nahi hai; isliye hume sarkar kaise bani isme koi dilchaspi nahi hai. Tumhara sauda mujhe manjoor hai. 50 lakh dekar camera aur cd lekar jaao. Ek copy maine apne paas rakha hai kyuki mujhe tum par bharosa nahi hai. Jo banda eisi paristhithi  jisme wo khud gale tak phasa hua hai; thane me aakar eisi harkart kar sakta hai us se  saabdhan rahne me hi bhalai hai. Maine  wo video ek bande ko saup kar instruction diya hai. Agar mujhe kuchh ho jaaye to turant wo video  saare TV channels ko bhej di jaayegi. Ab 50 lakh nikalo aur video lekar yaha se phuto." Aparijita ne barf jaise thande sawar me kaha.

Kalicharan kisi statue ki bhaanti chupchaap baitha tha . Kaha to wo soch ke aaya tha ki apna ruwab dikha kar sauda saste me nipta lega. Par yaha ulta hi ho gaya tha. 

"Is  video me kya-kya hai uska sirf chhota sa suraati hissa baaki staff ko pata hai kyuki maine unhe naa hi video dikhayi hai aur naa hi iska detail bataya hai. Isliye tum rupaiye dekar nischint ho sakte ho. Jab tak tum koi ulti-seedhi harkart nahi karoge tab tak sab theek rahega." Aparijita ne Kalicharan ko aashwat karte hue kaha.

Kalicharan chupchaap uth aaj hi riswat me mile rupaiyo se 60 lakh nikal ek bag me daal vapas Aparijita ke paas pahuncha. Use apne andar se aawaaz aati sunayi di agar usne jara bhi tedha chalne ki kosis ki to iss bar jaan bhi jaayegi. 

Kalicharan ne wahi kiya jo aaj tak karta aaya tha. Uski policy thi ki taaqatbar dusman se dosti kar li jaayi yaa phir uske virodhio se gathjor karke taaqtabar dusman ke against apna group banaya jaaye. Isliye usne aur 10 aakh deke Aparijita ki taraf sulah ka paigaam bheja. 

"Beti, Isme 50 lakh video ki aage kisi aur ko naa dene ki tay kimat hai aur 10 lakh main tumhe alag se meri madad karne ke liye de raha hu. Agar tum naa hoti to yeh video ab tak media me aa chuka hota. Maine abhi-abhi Police headquarter phone karke apni complaint bhi vapas le li hai." Kalicharan ne bag Aparijita ko dete hue kaha.

Aparijita kuchh der tak kalicharan se baat karti rahi. 

Aparijita se kuchh der aur baat karne ke baad kalicharan ke dil-o-dimag par Aparijita ka khauf aur gahra baith gaya tha. 

Kalicharan camera aur CD ke saath waha se eise nikala maano der hone par Aparijita apna iraada naa badal de.

Pure safar ke dauran Kalicharan chup hi raha . Pahle to usne socha tha ki use blackmail karne waale policiyo ko wo maza chakhayega; par ab wo sab kuchh bhul jana chahta tha. Kalicharan ne Durjan ko bhi kuchh karne se mana kar diya ; par wo nahi jaanta tha ki Durjan ne Aparijita se badla lene ki kasam kha li hai.

==================================

Aparijita bag apne quarter me chhupa kar  panch paandavo ko apne cabin me  bulaya. Usne kuchh lifafe quarter jaane se pahle hi alag kar rakhe the.

"Kalicharan ke bete ke aatank ke shikar logo me se kuchh ko agar sahaayta nahi ki gai to unke paas suicide ke aalaba koi raasta nahi bachega. Dinesh ke maasteji ke aalaba unlogo koi bhi iss rakam se thori help karne ki kosis hum karenge." cabin me Aparijita ki gambhir swar gunj raha tha. - "Iss rakam se 2-2 lakh mai sabme baant rahi hoon taaki koi yeh naa bhule ki wo bhi uss ghatna me hum sabhi barabari ka bhagidaar hain aur apne saathiyo se gaddari naa karen. Hum me se koi bhi iss par abhi ke baad aapas me bhi baat nahi karega. Shikar bane logo ki madad kaise karni hai wo main us se sambandhit logo ko hi batayungi."

"Madam didi! Agar aap puri rakam bhi un sataye logo par kharch karen to hume aapti nahi hai." Japu ne kaha. Uske chehre par saaf dikh raha tha ki yeh baat wo dil se bol raha tha.

Ghanshyam ke dil me itni dino se kai sawaal ghum rahe the par usko iska koi satik jawaab nahi mil paaya tha. Aaj usne puchhne ka faisala kar hi liya.

"Madam didi us video me kya kya baaten record hui wo hume bilkul pata nahi hai. Agar aap batana chahe to ..."  Ghanshyam thora sakuchaate hue puchh baitha. 

"Maine unlogo ke car ke bonut par ek saktisaali bug laga diya tha. Mai unki baatchit dur khari earphone par sun rahi thi . Tumlogo ne waha mere baye kaan par earphone to dekha hi tha;  usi ki madad se main undo ki baatchit sun rahi thi. Unki baaten bahut hi  visphotak thi isliye maine tumlogo ko video dekhne nahi diya tha. Tumlogo ko saari baato ka detail jaanane ki zaroorat nahi hai. Naa tumhe wo baaten pata hogi naa hi baaten leak hone ka dar hoga." Aparijita ne saara rahasay naa kholte huye kaha. 

Us raat kisi ne bhi Aparijita ke kaan me lage earphone ko utni mahatav nahi diya tha. Puri baat jaanke unke dilo-dimaag me ek baar fir apne afsar ke liye samman badh gaya.  

 "Tumlog apna-apna hissa le lo kyuki baaki rakam madad pahunchane ke liye kaafi hai."  Aparijita ne 5 lifaafe table par rakhte hue kaha.

Pahle to sab hichke phir Aparijita ke jor dene par sabne ek-ek lifafa utha liya.  

"Ab sab log jaao aur apne-apne kaam par lag jaao. Japu aur Ghanshyam kuchh der baad jayenge." Aparijita ne Japu aur Ghanshyam ko rok liya.
------------------------------

Sathe Shathyam Samacharet (शठे शाठ्यं समाचरेत् )

Aparijita ne dono ko thane me naye bane  Interrogation room me band karwa khud Gauri ko apne quarter chhor aayi.

Idhar dono abhi tak apni hi haanke jaa rahe the. Dono ki talashi lekar sab saaman zapt kar unke phone ko switch off kar diya gaya tha.

“Haan to dosto!! In dono kauravo ke saath kya salook kiya jaaye!” Aparijita ne apne saathio se puccha.

“Madam, Ek baar dono ko mere hawale kar dijye. Dono haramzado ko maar kar main phansi chadhne ko taiyar hoon. Aaj ye thane ke compund me ghush kar hamari bahan ke saath eisi harkat kar rahe hain to kal yeh aam public ko kya samjhenge.” Rohit gusse se ublata hua kah utha.

“Madam didi, Humne kabhi fake encounter nahi kiya hai. Par aaj inhe maar kar wo jurm bhi karege; bhale anjaam kuchh bhi ho!” Ghanshyam ne aage jora.

Aparijita ne baaki bache Gopu aur Japu ki aur dekha kyuki Dinesh ne apna irrada pahle hi bata diya tha.

"Madam didi; Inhe chhorne ka to sawal hi nahi uthata hai. Aaj to inko khatam karke hi maanege" Japu ne gusse se kaha.  

"Haan, madamji ab chaahe jo saza ho hum to isse nahi chhorenge. Koi thane me aake hamari bahan utahye aur yaha se jinda bach ke chala jaaye; yeh to nahi ho sakta hai!" Gopu bhi apne saathiyo ke rai me saamil hota hua bola. 

"Ok! Jab pancho ne phaisala de hi diya hai to main kaun hoti hoon jo phaisala badalu! Waise bhi jab us(mahabharat wala) Dhritarashtra ke kaurav nahi bache to is Dhritarashtra ke bhi kaha se bachege. In kauravo ka bhi wahi harsh hoga." 

Aparjita 2 seconds ke liye chuup ho apne saathio ki or dekhte huye shaant kintu dridh swar me boli- "Par mere tarike se. Main nahi chahti hoo ki panch-pandav me se koi kam ho jaaye. "

Abhi tak panch-pandav policewale udherbun me the ki pata nahi Aparijita kaya karegi. Par jab unhone baat khatam karte huye Aprijita ko muskurate dekha to unke chehre par chamak aa gayi.

"Japu aur Dinesh pahle yeh dekho ki inhone apni gaari park kaha ki hai aur kanhi inke saath koi aur to nahi hai."  Aparijita ne gaari ki chabhi Japu aur Dinesh ko dete hue kaha.

Japu aur Dinesh laut kar car ki location aor koi teesra naa hone ki baat bata hi rahe the ki Rohit Aparijita ke nirdeshanusra wardi pahan kar lauta.

Aparijita, Japu aur Dinesh ke saath car ko check karne chal pari.

Aparijita ko car ki talasi me sarab ki kuchh bottle, ek video camera, 2 chaadre aur kuchh porn magzine mile. 

"Gopu tumhe wo pahari to yaad hai jis par chabutra numa jagah hai. Japu aur tum cycle se abhi waha inke mobiles leke chale jaao. Jab us jagah se aadhe km ki duri rah jaaye to mobiles on kar dena. Rohit thane me hi rahega .  Dinesh aur Ghanshyam un dono se darne ka dhong karenge aur phir unhe unki hi car me kuchh der baad aayenge. Main picche se apni moutain bicycle leke aayungi. Saare log apni mobile yahi chhor jaayenge . Waha kaise kya karna hai sab suno!"

Aparijita ke plan batate hi sab ke sab plan ke mutabik apne-apne duty par lag gaye. 

------------------------------------------------------
Thane me Dinesh aur Ghanshyam ne milkar undono ko khub ullu banaya. 

Dinesh ne undono ko yaqin dila diya ki usne sab setting kar li hai. Uski bas itni darkhawast hai ki wo Kalicharan se kah kar uska transfer sahar ke kisi kamaai wale thane me kara de. Dinesh ne car se mili bottle se dono ko khub pilaya. 

Ghanshyam ke baare me Dinesh ne dono ko bataya ki wo bhi set hai; par thora unse dara huya hai kyuki usne unhe jam kar pita tha. 

Dono Ghanshyam ko sarab ke nase me puchkaarte huye promotion dilane ke baat karne lage. 

"Are, darta kyu hai! Hum jo baithe hai idhar tumhaare baap! Tu ghabra mat; hum tumhe inspector banwa denge. Par yaar, tune wo larki bhaga di; uspar hamari kai dino se nazar thi."

"Sirji, Aaplogo ki kirpa rahi to main inspector jarror ban jayunga. Ab sahabji apne afsar ka itna hukum to manana to parta hai na. Ab aap log bhi to hamari afsar ke baare me ulta-sidha bol rahe the.  Wo to gusse me aap dono ka encounter karna chahti thi par maine unhe samjha-bujha ke rok liya." Ghanshyam ne apne gusse ko chhupate huye chaplusi bhare sawar me kaha.

"Yaar! Teri inspector to jabardast item hai. Ek bar mil jaaye to life ban jaye. Chal murgi kab tak bachegi; baapu se kah kar uska transfer bapu ke paas hi kara lunga aur phir kisi din mauka dekh kar .." ye kahte hue kalicharan ke beta ungliyo se bhadde ishara karte hue thahaka lagane laga.

Ghanshyam se yeh bardast nahi hua; agar Dinesh ne kandha daba kar Ghanshyam ko rok nahi liya hota to ab tak Kalicharan ke bete ke daat farsh par dikhayi de raha hota.

"Ab raat kaise gujaregi! Tune larki bhi bhaga di aur wo Inspectorni to milne se rahi." Businessman ke launde ne nase me haank lagai. 

"Hii hii ! Aap kaisi baat karte hai, sirji! Humne aapke liye uska bhi intazam kiya hai ; aakhir aaplog khush honge tabhi to hume bhi inaam milega." Dinesh ne apni baayi aankh dabate huye unhe bargalane laga - "Abhi gaun me ek mast itam aayi hai. Saali, sahar me 3-star hotels me dhanda karti hai; aur yaha sarif banke ghumti hai. Sahab ne use ek case ke dauran sahar me range  haantho pakra tha. Us waqt uske client ne paise dekar aur usne sahab ke saath raat guzaar kar apni jaan chhurayi thi. Wo abhi gaaun aai hui hai. Sahab ne use aap dono ke liye bulwaya hai. Par uske liye aapko gaun ke bahar chalna parega. Wajah to aap samajh hi gaye honge." Dinesh ne apni baayi aankh dabate huye dono se kaha.

---------------------------------------------------  

Thori der baad Dinesh aur Ghanshyam dono ko usi ke car me leke chabutarenuma jagah par pahunche.

Us jagah par ghaas par chaadre biccha kar dono ko Dinesh aur Ghanshyam ne baitha - pilane ke baad unhe uksa kar unse  Kalicharan aur uske saathi dost businessman ke kacche-chhito ko khulwaya. Dono ko pata hi nahi chala ki car ki headlight on kar waha video camera me unki baate aur harkate iss tarah se record ki jaa rahi thi ki wo self mode unke dwara hi record kiya lagne waala tha.   

Dono ne eise-eise raaj khole jinhe ek bug ke maadhyam se sun rahi Aparijita dang rah gai. Agar yeh raaj public me aa jaaye to sarkar girne ki naubat aane ke saath-saath kitne hi purush aur mahila afasar, businessman, patrkaaro aur netao ka naa sirf ghar tutne waale the balki kaio ko to jaan bhi gawani par sakti thi.

Agle act me Gopu waha pahunch unhe aur sarab pine ko mazboor kar unhe khare paaun taiyar kiya hua saza suna us par amal karne ko dono ko mazboor karta hai.

----------------------------------------------

Kaam ki baaten record hote hi recording band kar Dinesh dono ko unki hi car me baitha tab tak sarab pilata hai jab tak ki wo tunn hokar behosh naa ho gaye.

Dinesh car se nikalte hi Aparijita ko koyal ki awaaz me issara kar aane ka signal deta hai.

 Aparijita aake car me lage Dinesh ke haanto ke nissan ko saaf kar jagah-jagah dono larko haanto ke nisaan chhore.  Dinesh aur Ghanshyam ne aate waqt bahut saavdhani barat apne haatho ke nisaan car me rahne nahi diye the par Dinesh ant samay laparwahi barat gaya tha. 

Aparijita ne haatho me gloves pahan car ke saath kuchh chher-chaar ki. 

"Gopu aur main yaha wait karenge. Max 1-1.5 ghante me car me itni jahrili gas ban jayegi ko dono ki maut ho jaye. Inke maut confirm hote hi hum dono bhi laut aayenge." Aparijita ne teeno ko bhejte hue kaha.

Japu, Dinesh aur Ghanshyam ek cycle par hi laut gaye. 

Aparijita aur Gopu wahi wait karte rahe aur ek baar un dono larko ki maut confirm hote hi thana laut aaye. 

Thane me Aparijita ne ek chhoti si meeting kar sabko hidayat di ki sab iss ghatna ko eise bhool jaye ki jaise wo kabhi huya hi nahi tha. Ab aage jo bhi hoga wo sirf aur sirf wo sambhalegi. 

Aparijita ne police jeep nikali. Aparijita ne jeep kai baar iss tarah chalaya ki car ke pahiyo se thane ke aas-paas bane nissan bilkul mit gaye. 

Jeep khari karte hi Aparijita torch lekar un jagho ko check karne lgi jaha jharap hui thi. Gopu nisabd yodha ki tarah uske saath tha. 

Halki-halki bunde parni suru ho gayi thi. Aparijita ki mehnat bekar nahi gayi.

Aparijita  ko waha se businessman ke bete ka ek I-card mila. Tab tak  joro ki baaris suru ho gayi thi. Phir bhi dono dhunte rahe par aur kuch nahi mila. 

Ab tab tak Aparijita aur Gopu buri tarah bhing gaye the. Aparijita ne wo I-card jala use flush kar daala.

Halaki Aparijita ki jeep wali mehnat bekar hi gayi kyuki tej baaris dusre din subah tak hoti rahi. Baarish ke kaaran thane ke picchle ki sarak pura paani me dub gaya tha.

--------------------------------------------------------------------
 Dusre din subah ..

Gauri ki aankh khuli to wo apne aap ko Aparijita ke quarter me paake bahoot hairan huyi.

"Tumhe kuchh yaad bhi hai ki kal raat ko tumne kya gul khilaya tha." Aparijita ne Gauri ko chai dete hue kaha.

"Raat me mujhe laga ki kisi ne darwaja khatkhatya hai. Maine dekhne ke  liye darwaja khola hi tha ki mere sar se kuchh takraya; uske baad mujhe kuchh yaad nahi hai. Dekhiye sar kitna suj gaya hai." Gauri ne apna sar pakarte hue kaha.

"Tumne to kal bechare Rohit ko dara hi diya tha. Kal tumhare darwaje ko kisi ne nahi khatkhaya tha balki tej hawa me ek per ki tooti daali  tumhare darwaje par jaa lagi thi. Tumhari badkismati se jab tumne darwaja khola tabhi tumhare chhat par rakha lohe ka rod ludhkta hua tumhare sar par jaa gira aur tum wahi behosh ho  gayi thi." Aparijita Gauri ko pahle se discuss hua kahani suna rahi thi.- "Bhala ho Rohit ka ki wo bore hokar bahar nikala to tumhara darwaja khula dekh kar check karne chala gaya. Waha par tumhe behosh dekh usne turant mujhe phone karke bataya."

Gauri aascharya se Aparijita ka munh dekh rahi thi. Use samajh nahi aa raha tha ki itna kuchh ho gaya aur use kuchh bhi yaad nahi hai.

"Maine jab tumhare behosh sarir ke paas per ki daali aur rod ko para dekha to mere samjah me sab aa gaya. Maine Rohit se tumhara darwaja lock karwa tumhe apne quarter le aayi. Gopu ne aaj subah tumhare darwaje ke paas pari daaliyo ko hata,  chhat par pare kabaar ko bhi theek se bandh diya hai. Hum me se koi bhi Harilalji ko ye baat nahi batne wala hai; isliye tum bhi iss baat ko bhul jaayo.  Vaada karo ki ab raat me bina puchhe kisi ko darwaja nahi khologi."

"Madam! Maine puchha tha par koi jawab nahi aaya to maine socha ki sayad Rohit bhaiya honge. Ab aap saari baat bata rahi hain to samajh me aa raha hai ki jab darwaje par koi insaan hi nahi tha to kaun jawab deta." Gauri ne sochte hue kaha . Gauri ko Aparijita dwara sunayi kahani par viswas ho gaya tha.

Gauri thori der Aparijita se baat karne ke baad apne quarter ki aur chal pari. 

Dopahar tak thane me lawaris car me 2 logo ki hone ki khabar aa gayi. 

Rasmi kagaji khanapurti ke baad laase postmortam ke liye bhej diya gaya. Aparijita ne poisonous gas  ki assanka apne report me jata di thi. 

Logo ne police ke aane tak car ke nadra aur bahar sakairo haatho ke nissan chhor daale the. 

----------------------------------------------------------------------------------

Teesre din Aparijita ke paas ek bare afsar ka phone aaya. Yeh wohi afsar tha jise Aparijita ki help karne ka nirdresh mila hua tha.

"Aparijita, mantri Kalicharan bahut bigra hua hai. Wo raat ki duty wale saare staff ko suspend karne ki maang kar raha hai. Abhi wo meeting me hume dhamki deke gaya hai ki agar humne uski baat nahi maani to wo sarak par pardarsan karwayega."    

"Sir! Ab to postmortem report me bhi aa chuka hai ki un dono ki maut  poisonous gas se hui hai. Iske baawjud hungama karne ka koi matalab to nahi banta hai." Aparijita ne aascharya bhare swar me kah, pal bhar ko chup ho phir kathor swar me aage kahne lagi -"Mere paas mantri ko saant karne ke liye ek jaadu ka pitara hai. Aap use bol dijeye ki Premnagar police ke paas kuchh hai jo wo use hi dikhana chahte hai. Agar kal saam tak mantriji unse jaake naa mile to wo cheej media aur opposition party ko de di jayegi. Aap dekhiyega ki jab wo yaha se jayega tab uski bolti kuchh dino ke liye band hi ho jayegi."  

"Mujhe pata chala hai ki un pillo ki maut par kai jagah mithayi bhi baati gayi hai. Main yeh nahi puchhunga ki tumhare paas kya hai." Afasr ki hasne ki awaaz aayi - "Maza aa jayega jab iss bhaukte kutte ki boli band rahegi. Theek hai; main use kah dunga ki chupchaap jaake tumse sauda kar le nahi to uska bhavisya khatam ho jayega." us afasr me hanste hue kaha aur phone rakh diya.

 Thori der baad wo afsar mantri ka hittaishi ban kar mantri ko sauda kar lene ki salah de raha tha.

"Mantriji! Premnagar ke thane me aapke suspension wali maang ki khabar pahunch gayi hai. Unlogo ko kuchh eisa mila hai jo aapka bhavisya kharab kar sakta hai. Wo cheej kya hai mujhe nahi pata par kuchh bahut hi khatarnaak cheej unke haath lagi hai. Wo log to pahle use aapko hi aaj saam tak khud aake saupne wale the par ab wo bharak kar media aur opposition ko deni ki baat kar rahe hain. Aapne agar media me apne bete wala mamla uchhala to phir unhe rokna muskil ho jayega. Aap waha ke incharge Aparijita Singh se kal subah jake mile aur kisi bhi keemat par wo saboot us se haasil karen. Aapke dwara suspension ki maang ke baad waha ke police wale to aapse naaraz hain; isliye shaanti se baat sambhaal le nahi to mamla bahut bigar jayega. Iss baat ka sukra manaye ki unhone itna hone par bhi mera lihaz rakh, mere kahne par kal saam tak ka time diya."

Wo afsar kuchh der tak mantri ko patti padhane ke baad phone rakh thahaka laga kar hasne laga. Use pata tha ki unpar dahaarne wala matri jab Premnagar se lautega to bheegi billi bana hua hoga.
------------------------------------------------------

Note:- Although most of Carbon Monoxide poisoning death happened in closed area. Some incidents also occured in open space.
  Ref of Carbon Monoxide poisoning death