Wo Kaali Raat

Night shift.

Aam dino me din ki duty khatam hone jaane par bhi din ka staff raat waale staff ke saath baith ek saath chai pi kar ghar jaata tha. Par aaj raat sab kisi na kisi wajah se naa ruk samay par nikal gaye the. Harilal  aur uski patni kisi bimar ristedar ko dekhne sahar gaye hue the. Gopu aur Aparijita bhi apne quarter me jaa chuke the. 

Aaj saam se hi mausam kharab ho raha tha. Dheere-dheere raat ke 9 baj gaye. 

Aaj raat ki shift me thane me  Ghanshyam, Japu aur Dinesh the. 

Bahar tej hawa chal rahi thi. Rah-rah kar bijli bhi chamak rahi thi. Lagta tha ki bhayankar toofan aa ke rahega. 

Par toofan Premnagar ko bakshta hua Phulpur ke paas jungle se hota hua gujar gaya. 

Toofan ne kaafi tabahi machai thi, par jungle hone ke karan jaan-maal ki koi haani ki khabar nahi thi. Ascharya yeh tha ki itni zoro ke toofan me bhi jam kar baris hoti rahi thi. Lagta tha ki jaise pralay ka din aa gaya ho. Kai jagah bijli girne se aag lagne ki bhi khabar thi, par tej baris ne us aag ko phailne nahi diya tha. 

Aasmani kahar bijli gaun ko electricity supply dene wali substation par bhi giri thi. Phulpur se lekar Chaila tak sabhi gaaun andhere me dub gaye the. 

Aparijita ka drawing-room emergency light se roshan tha. Wo Sarfarosh ke database me uplabdh jaankario ko check kar rahi thi.

Gopu theth gawai andaaz me apne quarter me ek laalten jala kar baitha tha. 

Aaj ke toofan ne thane ke bandobast ka bhi pol khol diya tha. Thane me mauzud 3 emergeny lights me se sirf ek hi kaam kar rahi thi. 

Thane ka pravesh dwar tej hawa se baar-baar dharam-dharam ki awaaze karte huye deewar se aur aapas me takra rahe the. Eisa itni teji se ho raha tha ki lagtha tha jaise koi badmas bachha jaan-bujh ke khel-khel me darawaje ko haath se  pakar kar eisa kar raha ho.

Bahar ghana andhera aur usme tej hawayo ki seetio si awaz; jis par “Karela aur neem chadha” kahawat ko charitrath karti hui rah-rah kar  karkarati hui bijli ki awaz ke saath darwaje ki dhram-dhram ki aawaz! Thane me mauzud logo ko lag raha tha ki  wo sabhi Ramsay brothers ki kisi horror movie ke scene me ho.

Ghanshyam iss mahol me bhi apni kavitayen suna-suna kar Japu aur Dinesh ko paka raha tha. Japu Ghanshyam ka munh to band kar nahi sakta tha isliye usne jaa kar darwaja hi band kar diya. 

Thane ke campus me apne quarter me aaram kar raha Rohit ek patli si mombatti jala khirki ke saamne baitha tha. Rohit ne khirki ke ek palle ko band kar rakha tha aur dusre palle ko hook se atka kar khol rakha tha. Wo us ghupp andhere me khirki se bahar naa jaane kya dekh raha tha. Aaj saam se hi uska man bahoot baichain ho raha tha. 

Raat ka khana Rohit ko Gauri de gayi thi. Baki staff ke sath-sath gauri usse bhi rakhi bandhti thi. Rohit bhi Gauri ko bahot maanta tha. 

Rohit ki nazar achanak ek saaye par pari.

Ek saya torch haath me lekar chala aa raha tha. Rohit acharaya se us saye ko dekh raha tha jisne iss toofani raat me bhi bahar nikalne ki himmat ki thi.

Rohit ne kamare me tangi diwal-ghari par nazar daali. 

Raat ke 9.15 baj rahe the.  

Rohit ne phir khirki se bahar dekha. Us saaye ka  kanhi pata nahi tha.

Tabhi Rohit ke darwaje par knock hua. 

Saamne Gauri khari thi. Gauri ke ek haath me torch aur dusre me ek thermos tha.  Rohit ko samajhte der nahi lagi ki baahar dikhne waya saya aur koi nahi Gauri hi thi.

“Bhaiya, main dudh lana bhool gayi thi. Main thermos chhor ke jaa rahi hoon.  Pi lijeyega.  Doodh me maine haldi bhi daal diya hai.”

Rohit ne bare sneh se Gauri ke sar par haath rakha.

“Are pagli, ek raat naa bhi peeta to kya bigar jaata jo tum itni toofan me aa gayi!”

Rohit Gauri ko lekar bahut zazwaati tha. Uski ek chhoti bahan thi jo tabhi chal basi thi jab Rohit school me padh raha tha. Rohit ki bahan ka baat-chit karne ka andaaz bilkul Gauri ki tarah hi tha. Rohit Gauri ko apni sagi bahan ki tarah hi payar karta tha, tabhi to Gauri ke vidayi par wo baccho ki tarah fut-fut kar roya tha.

Gauri thori der tak Rohit se payar bhari larai karne ke baad fir se doodh pine ko kah kar wapas chali gayi. 

---------------------------------------------------------------------------
Gopu khana khane ke baad andhere me baitha-baitha bor ho raha tha. Jab us se nahi raha gaya to wo  Rohit se gappe marne ke irrade se uske quarter ki taraf chal para. 

Bahar abhi tej hawa chal rahi thi. 

Thori der kamre me gaape marne ke baad Rohit hawa ka aanand lene Gopu ke saath quarter se baahar aa gaya. 

Dono thori der tak quarter ke bahar bane ek chabutare par baith gappe marte rahen. 

Aasman saaf nahi hone ke wajah se baahar abhi bhi ghana andhera tha.

Eka-ek tej bijli  chamki. 

Bijli ki khasnik rosni me Rohit ne Harilal ke quarter ke taraf se 2 saayo ko nikalte dekha. unhone apne kandhe par kuchh rakha hua tha.

Rohit ne Gopu ko turant iske baare me bataya.

Gopu Harilal ki quarter ki taraf turnat cheete ki tarah bhaga.

Rohit Gopu ke peeche larkharta hua jitna sambhav ho sakta tha tej chalne ka prayash karta hua aa raha tha.

Gopu jaise hi un saayo ke paas pahuncha, uska khoon khaul utha. 

Un saayo ne Gauri ko kandhe par  uthaya hua tha. 

Gopu ne chilla kar Rohit ko Gauri ke baare me batate huye un saayo par toot para. 

Rohit ne turant mobile se call laga Ghanshyam aur baakio ko zaldi waha aane ko kahte huye Gauri ki madad ko aage bhaaga. 

Gopu ne ab tak Gauri ko laade saayo se Gauri ko chhin use ghaas par lita diya tha.  

Gopu ne Gauri ko behosh paaya.

Gopu un 2 saayo par buri tarah se pil para. Gopu un saayo ka dus-shaahsh dekh kar hairan tha. Unlogo ne thane ke compound ke andar naa sirf  eisi ghatna karne ki zurrat ki thi, balki wo dekh liye jaane ke baad bhi bhagne ke bajaye us se bhire hue the.

“Saale, larki ko hume saup de nahi to teri vardi utarwa lunga.” un me se ek ne Gopu ko dhamkate hue kaha.

Yeh sunkar Gopu ka gussa saatwe aaswan par pahunch gaya. 

Gopu ne ek ke pairo ke beech jor se  laat maari. 

Laat lagte hi  wo saaya wahi zameen par lotne laga.

Gopu ne dusre saaye ko pakar uske pet me dana-dan mukke lagana suru kar diya.

Tabhi phir se bijli chamki.

Us rosni me thane se bhaag kar aate Ghanshyam, Japu aur Dinesh dikhaye pare. Rohit bhi ab tak Gopu ke paas pahuch gaya tha. Rohit ne zameen par pari Gauri ko dekhte hi pal bhar me hi saara maazra samajh  gaya . 

“Haramzade, main tumhe zinda nahi chhorunga” . kahte hue Rohit lot rahe saaye par jhapat para.
Rohit saaye ka gardan ko apne dono haanto se jakar uska gala dabane laga. 

Ghanshyam aur Japu Rohit ko khoon karne se rokne ke liye uske taraf jhapte.  Dinesh Aparijita ke quarter ki or bhaag use bulane ko daura. 

------------------------------------------------------------------

“Madam didi, zaldi chaliye, bara lafda hua gaya hai.” Dinesh Aparijita ke darwaje ko joro se khatkhatate huye chillaya.

Aparijita phauran hi Dinesh ke saath bhagi. 

Idhar ab tak saayo par puri tarah kabu paa liya gaya tha. Unhe gher kar Gopu aur Ghanshyam khare the. Japu Rohit ko pakare hue tha jo un saayo ko jaan se maarne ke liye machal raha tha. 

4-4 policewalo se ghire hone ke baawjud un saayo ke chehre par koi shikan nahi thi.

“Tum sab saalo ki vardi utawa dunga. Humen jaante nahi ho! Abhi bhi time hai; maafi maang larki hamare hawale kar khisak lo.” Ek ne phir se dhamki di.

Dhamki sunate hi Ghanshyam jo ab tak unhe Gopu aur Rohit  ke kahar se bacha raha tha, khud par kabu kho baitha.

“Dalle, sabko apne jaisa samjah rakha hai jo apne maa-bahno ka sauda karte hai!” kahte hue Ghanshyam ne un dono ko  football bana kick par kick lagane laga.

Aparijita ne aake kisi tarah se Ghanshyam se us saaye ko chhuraya.

Itna kuchh ho jaane ke baawjud Aparijita ko dekh kar un saayo ki laar tapkane lagi.

“Chal us larki ko le jaa. Iss karak maal ko chhor jaa. Chahe to 20-30,000 bhi le len par is item ko aaj raat ke hamare paas chhor ja.”  Ek ne laar tapkate hue kaha.

Apni madam ke baare me bakwaas sunte hi  Gopu aur Japu bhi unko maarne ko daure.

Kisi tarah Aparijita ne apne saathiyo ko roka. Par lagta tha ki un saayo ne shaant na hone ki jaisi kasam kha rakhi thi. Unme se ek Dinesh par chillaya.

“Abe harami Dinesh in policyo ko bata ki hum kaun hai. Sabki vardi utarwa ke nanga daurwayunga.”

Aparijita ne bari muskil se apne saathiyo ko rok rakha tha.  Par jaise hi un saayo ne Dinesh ka naam liya to sab Dinesh ko ghurne lage.

"Kyu bhai! Kya maamla hai? Tum in dono ko kaise jaante ho?" Aparijita ne Dinesh se un dono ke baare me puchaa.

“Madam didi, ye jo jayda uchhal raha hai mere ilake ke MLA Kalicharan ka beta hai. Kalicharan bahut bara jugaro neta hai. Har baar Kalicharan ka sarkar banane me bahut haath rahta hai. Wo nirdaliye larta hai par kisi bhi party ki sarkar bane usme koi na koi mantri pad zaroor haasil kar leta hai. Har party me me iske bande hain." Dinesh ne ek ladke ki aur issra karte hue kaha.

"Abhi  bhi Kalicharan ek malaidar matralay ka mantri hai. Aur dusra UP ke bahoot bare businessman ka beta hai. Is businessman ki bhi pahunch bahoot upar tak hai. In dono ne aaj tak saikro rape kiya hai par jyadatar maamlo me report tak darz nahi hui, aur agar kabhi hui bhi to dawab daal kar report se inka naam hata kar agyat logo ka naam daal diya gaya.  Abhi tak yeh chhip kar apna sikar karte the, pakre jaane ki naubat aane par bhaag jaate the aur tabhi wapas aate the jab maamla thora thanda par jaaye. Par aaj to inke tewar hi kuchh aur hain. Mera bas chale to main inhe abhi maar du uski wajah ye hai ki ..” 

Abhi Dinesh wo wajah batane hi wala tha ki phir se Kalicharan ka beta unhe dhamkate huye chilaaya.

“Haramzaado, koi hamara kuchh nahi bigar sakta hai. Pichhle mahine hi hum dono ne ek lady magistrate ko uske apne sarkari quarter me ragar dala tha. Saali thi bahut karak. Us par hum dono raat bhar pile rahe. Subah aate waqt wo saali hume kanoon ki dhamki dene lagi to humne wahi rakhi fenayal ki puri bottle use zabardasti pila di."

Unke moonh se ye sunate hi sab sakte me rah gaye. Yeh to unki dus-shahasta ki prakasta thi. 

Policewalo ko aascharya se apne aur dekhta paakar Kalicharan ka beta aur zoro se apna karnaama batane laga. 

"Us magistrate ke bhai ne report likhwayi thi par mere baap ne sab set kar diya. Mere baap ne  magistrate ko bhi paise aur promotion dekar chup kara diya. Hume to policewaliya bahut pasand hain. Maine to apne baap ke saath duty karne wali 2 policewaliyo me se 1 ko to apna rakhail bana rakha hai.”

Itna sunne ke baad yeh ab kisi  ko batane ki zaroorat nahi thi ki dono ka hausala itna jayada kyu badha hua tha.

“Saali, waha khari-khari  kya dekh rahi hai. Chal aakar mere jute chaat.” dusra saaya Aparijita par chillaya.

Saaye ki baat sunate hi Gopu aur Japu unhe phir se maarne ko daure par Aparijita ne usko pitane se bacha  Dinesh ko ek taraf le jaakar us se apni baat puri karne ko kaha.

“Madam didi, yeh baat mere gaun ke school ke masterji se juri hai jinka mai bahut izzat karta hoon. Unka ek hi beta tha jo 2 saal pahle aatankbadiyo se larta hua sahid ho gaya. Unka ek chhota pota bhi hai. Vidhwa bahu ko gaun ki school me hi teacher ki job mil gayi thi. Ek din en dono haramzado ne uska rape kar diya. Par rajnetik dawab ke karan in dono ki jagah agyat logo ke khilaf hi report likhi gayi. Halaki gaun walo ne masterji aur unki bahu ka bahut saath diya par wo sadma bardast nahi kar paayi.  Usne suicide kar liya. Pahle bete ka gam aur phir beti saman bahu ke jaane ka gam masterji bardast nahi kar paaye. Wo apna hosho-hawash kho baithe. Wo aaj bhi school ke gate ke saamne apni bahu ka school ki chhuti ke samay wait karte rahte hain.” kahte kahte Dinesh ke aankho se aansu bahne lage. 

“Mere paas agar rupaiye hote to masterji ki pariwaar ki kuchh madad karta. Mere to khet bhi bank me girbi pare hain, nahi to main unhe bech kar bhi unlogo ki madad karta. Ek bande ne desh ke suraksha ke liye apni jaan de di aur hum gaunwaale uski ghar ki izzat bhi surakshit naa rakh paaye. Laanat hai eisi zindgi par. Iss se to accha hai ki mai in haramzao ko maar ke phansi par chadh jayu.”

“Kalicharan ne inhe rokne ki kosis nahi ki?” Aparijita ne puccha.

“Wo to aankho wala Dhritarashtra hai. Usne kabhi in logo ko nahi toka balki hamesa lipa-poti me hi laga raha.” Dinesh ne nafrat se thukte hue kaha mano wo Kalicharan par hi thook raha ho.

To know about Dhritarashtra link
-------------------------------------------------------------------

Aage Ki Soch

“Ma'am, maine Jagga ke baare me thori chhan-bin ki hai. Aapko us se bahut satark rahne ki zaroorat hai. Uske baare me yeh baat mashoor hai ki wo apne gang ke har member ke liye jaan dene aur lene ke liye taiyar rahta hai. Uske gang me profit bhi barabar-barabar baanta jaata hai. Jagga bhi apne baaki saathio ke barabar hi hissa leta hai. Uske enhi sab gunu ke kaaran uske saath kaam karne ko har apradhi taiyar rahta hai. Uska record hai ki usne apne har saathi ka maut ka zarur liya hai bhale hi uske liye use Police se takrana para ho yaa dusre taaqatwar apraadhio se. Aur yaha to uske 5 saathi maare gaye hai jinme se ek uski hone wali patni  thi.” Arvind ne apni chinta jatayi.

“Theek hai; main khayal rakhungi. Zakhmi saanp to khatarnak hota hi hai. Tumlog uske baare me aur pata karne ki kosis karo.” Aparijita pal bhar ko chup ho Arpita aur Arvind ki or dekha.  Dono ka sar sahmati me hilta dekh Aparijita aage bolne lagi.

“Jitna hatiyaar unlogo ke thikane se baramad huye hai us se to chhota–mota jung lara jaa sakta hai. Yeh to saaf hai ki wo hatiyaar kanhi delivery ke liye waha rakhe gaye the. Jaha tak mujhe lagta hai ki wo yaha hathiyaaro ki delivery ke liye hi aaye the. Kailash ko dekh unlogo ne aur jyada paisa kamane ka aasan mauka samajh uska apharan kar liya; par gaaun waalo dwara dekh liye jaane ke kaaran unka plan fail ho gaya. Hathiyaaro delivery ki jagah bhi aas-paas hi honi chahiye.  Arvind, tum apne workers se aas-paas ki eise jagho ki khoj lena jaha bahar se aane wale log aksar rukte hain. Aur haan, ek purani sports bike ka bhi intazam karo.” Aparijita ne Arvind se kaha .

“Tum purani sports bike ka kya karogi? Waise Sarfarosh ke members ke liye kuchh sports bike abhi local subcenter me aaj hi aai hain. Arvind ek bike ko purana jaisa karwa dega, kyu theek hai na?”
 Arpita ki baat par Arvind ne sahmati me gardan hilaya. 

“Waise tumne kuchh dino pahle ek moutain bicycle bhi mangayi thi. Tumhare dimag me kuchh naya plan hai kya?” Arpita ne puchha .

“Maine Gauri ki cycle wapas kar di hai; isliye ek cycle to chahiye tha. Sports bike jab main ghane jungle ke andar jaayungi ya phir raat me nikalungi to kaam aayegi. Meri kosis yeh hogi ki logo ke bich me bike leke naa jayu taaki sabko ye pata na chale ki sports bike main istemaal karti hoon. Jungle me eisi kai jagahe hai janha bike nahi jaa sakti hain. Waha eisi bhi kai jagahe hain janha raasta naale ke baad hai. Eisi jagaho ke liye cycle theek rahega. Waise bhi bike ke saath dikkat yeh hoti hai ki bahut shaant jagho par us ki engine ki awaz dur se suni jaa sakti hai, isliye mujhe dono chahiye.

Arpita, is diary ko check karwane ke saath yaha laaye gaye hatiyaaro ke baare me bhi pata karwaao. Ye military grade ke hatiyaar hain jo aas-paas ke kai desho ki fauz istemaal karti hain.” Aparijita ne diary Arpita ko dete hue kaha.

“Arvind, jo tantrik aajkal Chaila aur Phulpur me aata hai uske baare me local logo ke vichaar apne workers ke jariye pata karna. Javed khan jis tarah se uski taarif kar raha tha us se lagta hai ki Premnagar aur aas-paas ke gaaun me uske kaafi bhakt hain. In religious logo ke baare jayada etihaat baratne ki zaroorat hai. Logo ki in par andh-shardha hoti hai.”  Itna kah Aparijita Arvind ko tantrik waale matter ko handle karne ke baare me batane lagi.

Aparijita aur Arvind dwara laaye gaye hathiyaaro ko le jaane ke liye ek team aa chuki thi.

“Tum dono Sunday ko Sarfarosh ke local subcenter me aao. Wahi tumhara parichay local chief se kara di jayegi. Tab tak hamare paas aur bhi detail aa jayegi. ” Arpita ne uthte huye Aparijita aur Arvind se kaha.

“Tum to mil chuki hogi?” Aparijita ne saath chalti hui Arpita se puchha. 

“Nahi, wo achanak Sarfarosh ke hi kisi kaam se desh se bahar gaye hue hain. Sayad Saturday tak aayen. Tab sayad mulakat hogi ya phir tum logo ke saath hi. ”

-----------------------------------------------------------------------------------------------------------------------

 Agle din subah 8 baje Aparijita ke darwaje par knock hua. 

“Are, Ramdayalji! Itni subah subah! Sab khairiyat to hai.” Aparijita ne Ramdyal ko darwaje par dekhte hi aaschary bhare swar me kaha.  Halaki wo jaanti thi Ramdayal kyu aaya hai. Ramdayal aayega eisa Aparijita ka anumaan bhi tha.

“Aaiye aaiye. Aapke saath ek cup chai peene ka mauka hume bhi dijeye.” Aparijita  ne Ramdayal ko andar aane ke liye raasta dete hue kaha.

“Madam, aapne to mujhe yaha hero bana diya. Kal subah paancho gaun walo ne meri itni jai- jai ki. Mere to aankho me aanso aa gaye. Meeting me aaye paancho gaun ke bujurgo se bhi bahut duaye mili. Kal saam se hi agal-bagal ke gaun se bhi taarif karne ke liye lagatar phone aa rahe hain. Maine soch liya hai ki jitna ho sakega utna gaun ke liye karunga. ” Ramdayal ne bhare hue kanth se kaha.
Aparijita ne Ramdayal ko chai pesh kiya.

“Maaf  kijiyega, madam. Maine to samjha tha ki wo 30 lakh ki rakam aapne rakh li hain. Mujhe uske liye koi gam bhi nahi tha. Par madam ye baat samajh me nahi aayi ki jab aapko rakam rakhni hi nahi thi to aapne li hi kyu? Aap jaanti thi ki agar aap kahti main yeh rakam khud Javed ko de deta.”  Ramdyal ne aaschraya bhare swar me kaha. 

“Haan, main maanti hoon ki aap mere kahne par yeh rakam gaun ke liye Javed ko de dete. Agar aap us waqt gaun ki madad ke liye rakam de dete to jitna kaam ab hoga wo nahi hota. Maine Javed ko rakam dete hue use sujhaav diya tha ki uski kosis honi chahiye ke iss rakam se jayada se jayada kaam nikala jaye.  Maine hi use idea diya tha ki ye tabhi sambhav hai jab gaaun wale rupaiyo ka istemaal raw material aur dusri cheejo me karen aur khud jaha tak shambhav ho sharm-daan karen. Maine baato ke dauran use  kaha tha ki yeh rakam Ramdayalji ke khun pasine ki kamai hai; isliye uski izzat ki jaani chahiye. Gaaun walo ne bhi iss baat ko samjha. Shram-daan ke aalaba kuchh raw material mamuli profit par iss kaam se jure dusre gaaunwale bhi de rahe hain.  Ramdayalji, haath se jab haath milne lagta hain to karwa banta hai. Gaaunwalo ko laga ki Ramdayalji jab itna kar rahe hai to unhe bhi thori kosis karni chahiye aur natiza aapke saamne hai.” Aparijita ne muskurate hue kaha.      

“Madam, mai kosis karunga ki ab zaldi-zaldi gaaun aa saku. Mai gaun ke logo ko apne contacts ke jariye   sahar me rojgaar dilaane ka bhi prayash karunga. ”

“Ramdayalji yaha aapne janam liya hai isliye yeh jagah aapki maa ke samaan hai. Dilli ne aapko rojgar diya isliye wo aapke liye pita ke samaan hai. Par hamare desh me maa ka sthan pita se jayda uncha mana gaya hai.” Aparijita ne serious hote hue apni dil ki baat kahi. 

“Madam, mai apni taraf se jo ban sakega zarur karunga. Agar aapke paas koi sujhab hai to bataiye main imaandari se puri kosis karunga. ”

“Abhi to nahi hai par waqt aane par mai aapse zarur iss baare me baat karungi.”

--------------------------------------------------------------------------------------
Abhi thane ke ghari me 10 baj rahe the. Aaj thane me baatchit ka mudda Ramdayal dwara diya gaya daan tha. Har banda Ramdayal ki taarif kar raha tha ki dekho kya banda hai jisne paancho gayun ko phir ek dusre se gahrai se jor diya hai. Ek baar phir se paancho gaaun mil kar kaam karne wale hain. 

Aparijita sab chup-chaap sun rahi thi par usne ek baar bhi credit leni ki kosis nahi ki. 

Aparijita ne sabko meeting ke liye bulaya.

“Sabse pahle main aap sabko successful encounter  ke liye phir se badhayi deti hoon.  Hum sabne iss encounter me kai galtiya bhi ki jo hum sabko pata hai. Umeed hai ki hum aage wo galti nahi doharayenge. Jagga naam ka badmaaso ka boss bach ke nikal gaya tha. Uske baare me jo maine apne niji sutro se pata kiya hai; us se pata chala hai ki usne ab tak apne har saathi ke maut ka badla liya hai.  Agle kai mahine tak hum saare log thora saavdhaan rahenge. Uski jo karyapranali ki report mere paas hai us se yeh pata chalta hai ki badla lene ke liye wo zununi tarike se kaam karta hai. Jagga ki kosis ek saath ek se zyada shikar karne ki hoti hai. Iss se Jagga ke gast ke duran hamla karne ya sidhe thane par hamla karne ki sambhavna banti hai.” 

Aparijita ki baat pure hote hi sannata chha gaya. Kisi ko viswas nahi ho raha tha ki koi apradhi itna bhi thane par hi hamla karne laayak dushahas bhi kisi apradhi me hoga.  Parantu sabko  gast ke dauran hamle waali baat ki  sambhavna jayada lag rahi thi.

“Humne jitne hatiyaar pakre the usme se kuchh thane me chhupa ke ek box me rakhe gaye hain. Agar kabhi zaroorat pari to hum use istemaal karenge. Abhi maine us box se kuchh goliyo ke packets nikale hai. Aaj se sab ek hafte tak 3-3 ke group me baari-baari se nisanebaaji ki practice karenge. Thane me mauzud saare guns ki dhang se saaf-safai honi chahiye. Iss bar agar kisi ke gun ne dhoka diya to sayad hume uske photo par mala chadhna par jayega.”

Aparijita kuchh der tak practice ki jagah aur gast ke dauran kaise saavdhaani baratni hai in baato par baat karti rahi . 

---------------------------------------------------------------------

Dopahar me Aparijita ne Japu ko apne cabin me bulaya.

“Haan to Bacchelal Pandeyji, aapki kya kahani hai.” Aparijita ne Japu ke baithe hi apna sawal missile ki tarah daga.

“Madam didi, wo excitement me galti ho gayi thi. .....” Japu ne apni safai deni suru kar di.

“Are, are. Maine to encounter ke baare me kuchh kaha bhi nahi aur tumne saari Ramayan baanch di!” Aparijita ne use rokte hue kaha.

Japu chup hokar Aparijita ka munh dekhte huye man hi man apne dwara amjaane me ki gayi kisi nayi galti ko yaad karne ki kosis kar raha tha.

“Main tumhare Japu naam ke baare me puchh rahi hoon.”

Aparijita ki baat sunate hi Japu ke jaan me jaan aayi. 

Japu ne jab ek baar bolna suru kiya to dedh (1.5) ghante bolta raha jiska saransh kuchh yu tha.

Japu ne 6 saal pahle Premnagar me hi training ke baad first joining li thi. Ek din mandir me jaate waqt wo Anupama naam ki larki se takraya aur wahi use pahli hi nazar me dil de baitha. Japu ke maa-baap 5 saal pahle hi gujar chuke the.  Anupama ki maa larki ko eise ghar me bayahne ko raji nahi thi jis ghar me saas na ho. Yehi Japu ki trajedy thi. Usne kai logo ko Anupama ki maa ko samjhane bheja tha, par wo nahi maani. Halaki abhi tak kisi ne Japu ka naam leke Anupama ki maa se baat nahi ki thi, balki ghuma kar uska man tatula tha.  

Bas itni si baat thi jise batane me Japu ne 90 minute ka samay lagaya. Iss dauran Japu ne kam se kam 500 bar Anupama ka naam liya. Itni baar Anupama  japne ke kaaran hi thane me sabne uska naam hi Japu rakh diya tha. 

“Mujhe lagta hai ki main agar kosis karu to sayad baat ban jaye.” Aparijita ne sochne ka dikhaba karte hue kaha.

Japu turant wahi par dandwat ho gaya.

“Madam didi,  mai zindgi bhar aapke gun gayunga. Bas aap ek baar Anupama se meri saadi kara de.”

Japu ka drama dekh kar Aparijita ne apna sar pakar liya. 

“Oye, nautanki sidhi tarah insaan ban kar kursi par baith.” Aparijita ne Japu ko ek naya naam  deta hue kaha.

Japu turant apni poonch datoo me dabaye kursi par aa baitha.

“Tumhe ek kaam de rahi hoon. Agar tumne sahi thang se iss kaam ko kar liya to main Anupama ki maa se mil kar use manane ki kosis karungi. ”

Yeh sunate hi Japu ka chehra tubelight ki tarah chamkane laga. Use yaqin tha ki agar madam didi ne prayash kiya to kaam ban jayega.

“Main jaan ki baaji laga dunga.  Aap kaam bataiye.” Japu josh me kursi se khara hote huye bola.

Aparijita ne Japu ko baithne ka issara kiya .

“Jo kaam tumhe diya jaa raha hai usme josh nahi hosh ki zarurat hai.”

Aparijita ko apni aur dekhte paa kar Japu ne zaldi se gardan hilaya. 

“Aajkal hamare illake me ek tantrik baba ki bari jai-jaikar ho rahi hai. Tumhe uska sabse bara bhakt ban kar dikhana hai. Jaise khichri me ghee mil kar ghee bhi khichri ka hi ek bhaag ho jaata hai; waise hi tumhe uska murid banna hai. Tumhe us se Anupama ke silsile me hi milna hai. Tum us se apne police wale hone ki baat bhi nahi chhipayuge. Tumhe us tantrik se eise chipakna hai jaise chiti sahad sungh us se chipakti hai. .. … Tumhe us se Anupama ka bahana leke milte rahna hai. Meri jaankari ke anusaar waise to wo aam logo se har din nahi milta hai par tumhe prayash karna hai ki tum us se har din milo. Tum uski saari report Ghanshyam ko karoge. .. …  Yeh baat hum teeno ke aalabe kisi ko pata nahi chalna chahiye. ”

Japu ka dil Anupama se milne ki khushi me ekdam hara-bhara ho gaya. Wo wahi kurshi par baitha-baitha meethe sapne dekhne laga.

Aparijita ne Ghanshyam ko bula kar  tantrik se juri saari baato ka jimma saup diya. 

-------------------------------------------------------------------------------

Udhar Arpita aur Arvind bhi apne apne kaam me lage hue the. Abhi tak Jagga ki taraf se kisi movement ki khabar nahi mili thi. 

2 din aur bit gaye.